НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Сессия, стипендия, йоҡоһоҙ төндәр...
Новости / Мәғариф // 7-06-2011, 12:27


Юғары уҡыу йорттарында йәйге сессия башланды. Студенттарға иркенләп йөрөү бөттө, хәҙер баш баҫып имтихандарға әҙерләнергә кәрәк. Һәр кемдең имтиханды яҡшы билдәләргә тапшырғыһы килә. Бигерәк тә стипендия тип тырыша улар. Ни тиһәң дә, әҙме-күпме аҡса бит, ашар­ға етмәһә лә, ҡапҡылауға ярап ҡала. Бер заман чиновниктар, стипендияны бөтөрөп, студенттарҙы эшләтергә кәрәк, тип тә шау-шыу ҡуптарып алғайны. Аптыра­ған өйрәк арты менән һыуға сума, тигәндәре шулдыр инде. Стипендияны бөтөрөү түгел, ә күтәреү тураһында һүҙ алып барһалар, бер хәл. Былай ҙа бик әҙ бит инде ул, меҫкен студенттарҙы инде шуныһынан да мәхрүм итмәһәләр. 80-се йылдар­ҙа вуз студентының стипендияһы 40 һум була торғайны, ә уртаса эш хаҡы – 100 – 120 һум тирәһе. Ә хәҙер стипендия 1200 һум, уртаса эш хаҡы 12000 – 15000 һум....

Һорнай моңо менән сит ил тамашасыһын әсир иткән
Новости / Мәҙәниәт // 7-06-2011, 11:38


Һорнай моңо менән сит ил тамашасыһын әсир иткәнҒафури районының Сәйетбаба ауылы ҡыҙы Лилиә Ишмырҙина Веналағы конкурста 2-се урын яулай. Күптән түгел Заһир Исмәғилев исемендәге Өфө дәүләт сәнғәт академияһы уҡытыусылары һәм студенттары «Вена вальсы» халыҡ-ара конкурсында ҡатнашты. «Узорица» халыҡ музыка ҡоралдары академия ансамбле 1-се дәрәжә лауреат исеменә лайыҡ булды. Был ансамбль составында беҙҙең яҡташыбыҙ, Ғафури райо­нының Сәйетбаба ауылы ҡыҙы Лилиә Ишмырҙина ла бар ине. Ул һорнайҙа уйнап, 2-се дәрәжә лауреат исеменә лайыҡ була. Лилиә Фәнир ҡыҙы менән осрашып, тәьҫораттары менән бүлешеүен һораным....

«Өҙҙөрөп бер баҫ әле!»
Новости / Мәҙәниәт // 7-06-2011, 11:33


«Өҙҙөрөп  бер баҫ әле!»Танылған бейеүсе Гүзәл Мамина һуңғы йылдарҙа сит илдәргә күп йөрөнө. Айырыуса Польшала күп булды. Хәйер, хәҙерге ваҡытта бер кемде лә сит тарафтарға йөрөү менән аптыратып булмай. Аҡсаң бар икән − теләһәң, ер шарын урап сыҡ! Ә Гүзәлдең миссияһы башҡаса. Ул Польшала йәшәгән татарҙарға бейеүҙәр өйрәткән, оҫталыҡ дәрестәре биргән, концерттар менән сығыш яһаған. Уға хатта бейеү костюмдары ла тегергә тура килгән. Былтыр көҙ Польшанан ҡайтҡас: ʺХарис! Мине Польшалағы татар диаспораһының ордены менән бүләкләнеләр бит әлеʺ, − тип шатлығы менән бүлеште ул. Республикабыҙҙың бейеү сәнғәтендә иң фиҙакәр, уңышлы эшләгән бейеүселәрҙең береһе, Башҡортос­тандың атҡаҙанған артисткаһы Гүзәл Бүләк ҡыҙы Аллаярова-Мамина Учалы районының Учалы ауылында 1961 йылдың 18 авгусында тыуған. Ғаиләләре менән Өфөгә күсеп килгәс, Гүзәл 1-се синыфтан баш ҡалабыҙҙа уҡый....

Кишер салаты
Новости / Һаулыҡ һаҡлау // 7-06-2011, 11:18


Кишер салатыСей кишерҙе ваҡ ҡыр­ғыс­тан ҡырып, йөҙөм, ма­йонез менән бутап, тә­­рил­кәгә һалығыҙ. Икен­­се ҡат – ҡырылған сыр менән әстерхан сәтләүеге. Өсөнсө ҡат­ҡа – ваҡ итеп ҡырылған бешкән сөгөлдөр менән һарым­һаҡ.
Барлыҡ ҡатламдар­ға майонез яғыр­ға, өҫтөн йөҙөм, сәтләүек ме­нән биҙәргә....

Исеменә күрә есеме
Конкурстар // 7-06-2011, 11:08


Исеменә күрә есемеКонкурсыбыҙ йәнләнгәндән-йәнләнә бара. «Вконтакте» сайтында үҙ төркөмөбөҙҙө булдырыу ҙа быға булышлыҡ итте. Уның аша гәзит уҡыусыларыбыҙҙың, сайттың ҡулланыусыларының да фекерен белә алабыҙ һәм, әлбиттә, уларҙың фекеренә, тауышына ҡолаҡ һалабыҙ. Быйылғы «Йәшлек» гүзәле»н миҙгелдәр буйынса һайлайбыҙ. «Яҙһылыу» конкурсына ла йомғаҡ яһар мәл етте. Унда һигеҙ һылыуҡай ҡатнашты. Яҙ буйы сайтта ҡыҙҙар өсөн тауыш биреү барҙы. Конкурс шарттары буйынса иң күп тауыш йыйған ике һылыуҡай араһынан редакция хеҙмәткәрҙәре Яҙһылыуҙы һайлап алыр­ға тейеш ине. Иң күп тауыш йыйыусылар Гүзәл Шакирова һәм Гөлсәсәк Аҡылова булып сыҡты. Редакция хеҙмәткәрҙәре кәңәшләшеп алғандан һуң Яҙһылыу исемен Гүзәл Шакироваға бирергә булды. Афарин, Гүзәл!...

Шәжәрә ул – йәшәү тамырыбыҙ
Новости / Тарих // 7-06-2011, 10:10


Шәжәрә ул –   йәшәү тамырыбыҙКүптән түгел үҙенең хозур тәбиғәте, данлы тарихы менән танылыу алған Архангел районы ерендә «Шәжәрә ул – йәшәү тамырыбыҙ» тигән темаға район-ара фәнни-ғәмәли конференция үтте. Бындай конференциялар, семинарҙар беҙҙә һуңғы арала өс-дүрт йыл рәттән даими үткәрелеп тора. Конференцияла район мәктәптәренән башҡорт теле һәм әҙәбиәте, башҡорт мәҙәниәте тарихы, тарих уҡытыусылары һәм уҡыусылар ҡатнашты. Шулай уҡ унда Өфө ғилми үҙәгенең Тарих, тел һәм әҙәбиәт институты әҙәбиәт ғилеме бүлегенең ғилми хеҙмәткәре, Архангел райо­нында тыуып үҫкән Салауат Хөсәйенов та саҡырыл­ғайны.
Конференцияла шәжәрәне өйрәнеү һәм төҙөү методикаһына, шәжәрәне тергеҙеүгә, район гәзиттәрендә туғанлыҡ бәйләнештәрен күҙәтеүгә, шәжәрә байрамдарын ойоштороу һәм үткәреүгә бәйле күп мәсьәлә күтәрелде. Унда шулай уҡ башҡа проблемаларға ла иғтибар йүнәлтелде. Мәҫәлән, 1812 йылғы һуғышта ҡатнашыусыларҙы, ауылдың арҙаҡлы шәхестәрен, нәҫелдең йолаларын һәм ғөрөф-ғәҙәттәрен барлау....

Уҡыу түләүле булмаясаҡ
Новости / Мәғариф // 7-06-2011, 10:08


Юғары уҡыу йорттары яртылаш түләүле белем биреүгә күсеп бөттө, тиҙҙән мәктәптәр­ҙә лә уҡыу түләүле булыр инде – күптәр шулайыраҡ фекер йөрөтә. Бөтә Рәсәй педагогик йыйылышында ла иң үҙәк мәсьәләләрҙең береһе булараҡ тап ошо һорау күтәрелде.
– Беҙ мотлаҡ бушлай белем биреүҙе һаҡлап алып ҡаласаҡбыҙ, ул беҙҙең Конституцияның төп положениеларының береһе, – тип белдер­ҙе РФ Хөкүмәте Премьер-министры Владимир Путин, Бөтә Рәсәй педагогик йыйылышы Бөтә Рәсәй ижтимағи ойошмаһының съезында сығыш яһап. Уның әйтеүенсә, дәүләт белем биреү процесын тулыһынса финанслаясаҡ һәм мәктәптәрҙе тәьмин итеү, төҙөкләндереү, уҡытыусыларға эш хаҡы түләү, йыһаздар, ҡорамалдар һатып алыуҙы ла индереү һәм үҫтереү бурысын да тулыһынса үҙ өҫтөнә аласаҡ.
Дәүләт стандарттары сиктәрендә рус теле, әҙәбиәт, сит телдәр, математика, физика, география, химия, тарих, биология, физкультура һәм башҡа бөтә төп белем биреү программаһы бюджет иҫәбенә уҡыты­лыр­ға тейеш....

Һауаға юлды ул аса!
Новости / Башҡортостан // 7-06-2011, 09:53


Һауаға юлды ул аса!Алыҫ Ямал ярымутрауының сигендә эшләүсе башҡорт егете Иҙелбай Усманов һөнәрен яратып башҡара. Себер тарафтарында яҡташтарҙы осратыу бер ҙә аптырарлыҡ хәл түгел. Шулай ҙа Ямал ярымутрауының сиге һаналған Харасавей аэродромында Ейәнсура егетен тап итермен тип башыма ла килтермәгәйнем. Вертолеттан килеп төшөү менән беҙҙе ҡаршы алған диспетчер, ҡулындағы блокнотын асып, ниҙер ҡараны ла, миңә өндәште.
– “Йәшлек” гәзитенең үҙ хәбәрсеһе һеҙ булаһығыҙмы, ағай?
Быны ишеткәс, бергә килгән егеттәр бер-береһенә ғәжәпләнеп ҡарашып ҡуйҙы. Мин, киреһенсә, үҙемде улар алдында бер башҡа үҫеп киткәндәй тойҙом. Хатта үҙем өсөн дә түгел, ә анау тиклем ерҙә “Йәшлек” гәзитен белгәндәренә шатландым....

Ғазап сигеүсе йөрәктәр
Новости / Һаулыҡ һаҡлау // 7-06-2011, 09:45


Йыртҡыс хайуанға оҡшаш ҡурҡыныс тауыштар менән ҡысҡырып һүгенеүсе иҫерек бәндәләрҙе күреүҙән ҡайҙалыр бик тәрәндә – күңел түрендә йөрәгем илай. Шундай кешеләргә ҡарап, уларҙа мин ғәйәт әсе, түҙә алмаҫлыҡ ғазаптарҙан интегеүсе йөрәктәрҙе күрәм. Улар рухи бушлыҡтан ҡотолорға теләп тәмләгән иҫерткес эсемлектәр хәлдәрен тағы ла ауырайта түгелме? Күкрәктәренән сыҡҡан аяныс ауаздар – һүгенеү, ҡысҡырыу, ғәйбәт аша кемгәлер нәфрәттәрен түгеү ҙә ярҙам итмәй уларға, күңелдәренә тыныслыҡ килтермәй, киреһенсә, рухи һыҙланыуҙарын нығыраҡ киҫкенләштереп ебәрә. Был әҙәми заттар хәмер эсеп онотолоп, аңдарын томалау юлы аша еңеллек эҙләй, әммә, ҡыҙғаныс, күңелдәре элеккесә ауырыу булып ҡала, ә таш бәғерҙәре тағы ла нығыраҡ ҡата. Быны аңлай, тоя улар, тик күңелдәренең нимәне юҡһынғанын, нимә һағышҡа һалғанын аҡылдары менән аңлай алмайҙар. Сөнки улар айныҡ түгел!...

Беренсе урынға – 4000 һум!
Яңылыҡтар таҫмаһы / Объявления // 7-06-2011, 09:40


Хат ташыусылар, еңегеҙҙе һыҙғанығыҙ! Матбуғат баҫмаларына яҙылыу кампанияһы барышында тоғро дуҫтарыбыҙ – почтальондарҙы тағы ла әүҙемерәк булырға саҡырабыҙ. Һеҙҙең өсөн, тик һеҙҙең өсөн генә үҙенсәлекле конкурс иғлан ителде: республика баҫмаларына иң күп яҙылыу ойоштороусылар аҡсалата приз менән бүләкләнәсәк. Уның күләме I урын өсөн – 4000, II урынға – 3000, III урынға – 2000 һум....


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Үәт, ҡыҙыҡ! (24.11.2017)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM