НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » 22(2011) » Страница 2

Бәхетле булыуҙың сере
Әҙәбиәт // 22-03-2011, 11:14


Күптән түгел билдәле яҙыусы, драматург Наил Ғәйетбайҙың «Бәхетле булыуҙың сере» исемле китабы донъя күрҙе. Уның йөкмәткеһе ғәҙәти түгел. Баш һүҙҙә әйтелеүенсә, китап «матди һәм рухи донъя, бәхет һәм дөрөҫ йәшәү, байыу һәм дан яулау, көнсөллөк һәм үс алыу, хеҙмәт һәм ял итеү, мөхәббәт һәм ғаилә, дин һәм йыһан һәм башҡа әйберҙәр тураһында фәлсәфәүи уйланыуҙарҙан тора»....

Йөрәктәрҙе телер моң
Новости / Мәҙәниәт // 22-03-2011, 11:13


Дәүер менән дәүерҙәрҙе тоташтырып, бауыр итен телеп, ҡурай моңо ағыла. Уның асылында монарланып ятҡан Урал тауҙары, мәғрур ҡарағайҙар урманы, икһеҙ-сикһеҙ далалар, сал халҡымдың данлы тарихы сағыла. Гүйә, һин ошо ҡәҙерле моң аша мәңгелек менән осраш­ҡандай булаһың. Күренекле ҡурайсы, Ш. Бабич исемендәге республика дәүләт йәштәр премияһы лауреаты Роберт Юлдашевты тыңлағандан һуң, ысынлап та, ошондай татлы күңел солғанышына уйылаһың. Башҡорттоң аҫыл ҡурайын тотош донъяға танытҡан, милли музыка ҡоралыбыҙҙың сикһеҙ мөмкинлектәрен асҡан ижадсыны тыңларға һәр кем ашҡына торғандыр. Һөйөндөрөргә ашығабыҙ – нескә лириканан алып тәрән драматик, оран булып яңғырарлыҡ әҫәрҙәр яңғыратҡан ҡурайсының 24 мартта киске сәғәт 7-лә баш ҡаланың Нефтселәр мәҙәниәт һарайында ҙур концерты була. Был кистә тамашасы Роберт Юлдашевты һәм уның «Ҡурайсы» ансамбленең һоҡланғыс сығышын тыңлап кинәнәсәк.

Р. КҮСЕМХАНОВА....

«Сибәрһең дә,уңғанһың да, эй, башҡорт ҡыҙы!»
Конкурстар // 22-03-2011, 11:11


Әбйәлил район мәҙәниәт һарайында «Һылыуҡай – 2011» конкурсы уҙҙы
«Сибәрһең дә,уңғанһың да, эй, башҡорт ҡыҙы!»Оҙайлы көн, йоҡоһоҙ төн буйына һуҙылған хореография, вокал, актер оҫталығы, визаж буйынса белгестәр менән махсус дәрестәр, төрлө костюм һайлау мәшәҡәттәре, сығыш алдынан уйланыуҙар, борсолоуҙар – матурлыҡ бәйгеһенең финалына уңышлы сыҡҡан райондың һылыу­ҙарҙан-һылыу ҡыҙҙары өсөн барыһы ла артта ҡалды......

Уларҙың тормошто яратыуына, ихтыяр көсөнә ҡарап өлгө алырлыҡ
Конкурстар // 22-03-2011, 11:08


Республика халыҡ ижады үҙәгендә күреү һәләте насар булған ҡатын-ҡыҙҙарҙың матурлыҡ конкурсы үтте
Уларҙың тормошто яратыуына, ихтыяр көсөнә ҡарап өлгө алырлыҡМатурлыҡ конкурсы тигәндә, күҙ алдығыҙға нимә килә? Йәш һылыу ҡыҙҙар, матур кейемдәр, дефиле артынан дефиле, артыҡ аҡыл талап итмәгән конкурстарҙыр, моғайын. Матурлыҡ конкурстарының күбеһе, ысынлап та, шундай. Шуға ла Республика халыҡ ижады үҙәгенең Көнсығыш иҡтисад-юридик гуманитар академияһы (ВЭГУ) менән берлектә күреү һәләте насар булған ҡатын-ҡыҙҙар араһында «Супер-леди» конкурсы ойошторасағы тураһында ишеткәс, аптырап та ҡалғайным....

Ауыл йәме – Бүләктау, тауҙың йәме – Бүләк шишмәһе
Рубрикалар // 22-03-2011, 11:07


Беҙҙең Эткөсөк ауылы Нөгөш йылғаһы буйында урынлашҡан. Нөгөшкә бәләкәй һәм ҙур йылғалар ағып төшә, уның һыуын байыта. Был йылға бейек тауҙар, урмандар араһынан, асыҡ далалар буйлап боролоп-боролоп аға-аға, Ҡашҡар ауылы эргәһендә Ағиҙелгә ҡушыла. Йылғалар тигәс тә күҙ алдына ҙур йылға күренеше асыла, ә асылда иһә йылға тип бәләкәй генә шишмә йәки инеште лә атарға була. Эткөсөк ауылында Бүләк, Күперле, Өсһаҙ, Көйәҙе, Ҡылы, Һуҡыр шишмә, Өҫкәнеш тип аталған йылғалар бар. Һәр береһенә исем ҡайҙан башланып, ҡайһы ерҙән ағыуына ҡарап бирелгән. Мин яҙасаҡ Бүләк шишмәһе Бүләк урманынан ағып төшә, тауҙы ла Бүләк тауы тип йөрөтәбеҙ.
Шишмә бик ҡыҫҡа һәм һай, шулай ҙа башланған урынында һыуы тәмле, таҙа. 1921 йылға тиклем Бүләктауҙа ун метр бейеклеккә еткән ҡарама, имән, муйыл ағастары, балан ҡыуаҡтары үҫкән....

Әхмәтзәки Вәлиди һәм бөрйән ырыуы башҡорттары
Новости / Тарих // 22-03-2011, 11:05


«Бөрйән башҡорттары араһында» исемле хеҙмәтендә Әхмәтзәки Вәлидов үҙенең студент дуҫын, башҡорт халҡының шөғөлөн, көнкүрешен, мәҙәниәтен һәм йолаларын күрһәтеү өсөн, Стәрлетамаҡ тирәһендәге Ағиҙелдең уң яҡ ярындағы ауылдарға алып барып йөрөүе хаҡында яҙа. Ләкин оло юл буйында йәшәгән башҡорттарҙың, күп ваҡыттан бирле рус һәм татар менән ҡатнаш­ҡанлыҡтан, башҡортлоҡтарын тулы­һынса һаҡлап ҡала алмауҙарын, «эштән сығып боҙолғандарын» күрә. Шунан ҡасыңҡырап, уларҙың, ҡояш сығышы яғына – урман эсенәрәк инеп, матур тауҙар араһында ғүмер кисергән тәбиғиерәк һәм сафыраҡ башҡорттар менән осрашҡылары килә. Шуға ла, ун бишләп көн бындағы башҡорттар араһында ҡалыу маҡсаты менән, Уралды аша сығалар. Улар, тәүге торған ауылдарынан 30 – 40 саҡрым юл үткәс, Бөрйән ырыуы башҡорттарының өс ауылы (Оло һәм Кесе Кәпәс, Ҡолғона) халҡы бергә йәшәгән Ялтыран исемле ҙур йәйләүгә килә. Был уларҙың яҙғы йәйләүе булған. Ә йәй урталарында, бесән етә килә, улар башҡа урындағы йәйләүҙәргә таралышҡан....

Алтын тауҙар Сейәле тауҙан артыҡмы?
Новости / Мәҙәниәт // 22-03-2011, 11:02


Күренекле драматург Нәжиб Асанбаевтың 90 йәшлек күркәм юбилейы айҡанлы Салауат башҡорт дәүләт драма театры сәхнәһендә «Сейәле тау» драмаһы буйынса спектакль премьераһы әҙерләнә. Кисә генә мәктәп тупһаһынан сығып, ҙур тормош юлына аяҡ баҫырға торған ҡыҙ баланың яҙмышы һәм уның ниндәй юлдан китеүенең ни тиклем мөһим булыуы спектаклдең төп темаһы булып тора. Драманың героиняһы, ауыл ҡыҙы Зөһрә матур тормош тураһында хыяллана. Ҡыйыу һәм үҙ-үҙенә артыҡ ышаныусан ҡыҙҙың маҡсаты – ҡалаға китеү, университет тамамлау һәм тормошон үҙе теләгәнсә ҡороу. Тик берҙән-бер көндө уның пландары юғарыраҡ дәрәжәгә күтәрелә. Көтмәгәндә уларға Швейцариянан ҡунаҡ килеп төшә. Ул, Зөһрәгә алтын тауҙар вәғәҙә итеп, уны үҙе менән сит илгә алып китә.
Яңы тамаша 30, 31 мартта театр һөйөүселәргә тәҡдим ителәсәк. Әлеге көндә спектаклдең режиссеры Олег Ханов, рәссамы Альберт Нестеров, композиторы Юлай Үҙәнбаев театр артистары менән берлектә ошо премьераға әҙерләнә....

Рима НОҒОМАНОВА: «Кешеләр күңеленә әҙ генә булһа ла матурлыҡ осҡондарын һалғым килә»
Конкурстар // 22-03-2011, 11:02


Рима НОҒОМАНОВА: «Кешеләр күңеленә әҙ генә булһа ла матурлыҡ осҡондарын һалғым килә»Гүзәл тәбиғәтле, таланттарға бай Баймаҡ районының Аҡтау ауылы ҡыҙы Рима Ноғоманова булам. Миңә 22 йәш. Бәләкәй саҡтан йырларға, бейергә, бешеренергә яратам. Стәрлетамаҡ мәҙәниәт техникумының актерҙар бүлеген тамамлағандан һуң Заһир Исмәғилев исемендәге Өфө дәүләт сәнғәт академияһына ситтән тороп уҡырға индем. Хыялым – уҡыуымды уңышлы тамамлап, тыуған республикамдың мәҙәниәтен үҫтереүгә бәләкәй генә булһа ла үҙ өлөшөмдө индереү.
Кешеләрҙең ябай, ихлас, ярҙамсыл булғанын яратам. Ҡайһы бер йәштәребеҙҙең эскелеккә бирелеп, үҙ-үҙҙәрен юҡҡа сығарыуын күреп, йөрәгем әрней. Уларҙың бөтәһенең дә күңелдәренә әҙ генә булһа ла матурлыҡҡа һөйөү тыуҙырырлыҡ осҡон һалғым килә....

Тамуҡ һәм Ожмах
Әҙәбиәт // 22-03-2011, 11:01


Туҙанлы юлдан, арып-талып, бер ир һәм эт килә.
Көтмәгәндә алдарында иҫ киткес матур ҡапҡа күренә. Уның эсендә сылтырап шишмә аға һәм бик матур көй яңғырай, ҡоштар һайрауы ишетелә.
– Был ниндәй урын? – тип һорай юлсы ҡапҡа һаҡсыһынан.
– Был – Ожмах, һин үлгәнһең инде, хәҙер бында инеп, рәхәтләнеп ял итә аласаҡһың, – ти һаҡсы.
– Ә унда һыу бармы һуң? – тип һорай юлсы....

Ҙур спорт тирәләй
Новости / Спорт // 22-03-2011, 11:00


СКА-ның «карабы» оса алмай интегә...

Хоккей буйынса Гагарин кубогы өсөн һуңғы ярымфиналсылар асыҡланып бөтөп килә. Көнбайыш конференцияһында күптән үҙ дәғүәсеһен көткән «Локомотив» финалға сығыр өсөн ныҡымыш Пан Ржиганың «Атлант» командаһы менән сәкәләшәсәк. Ысынлап та, «Атлант» үҙенең ныҡымыш, әрһеҙ команда икәнен иҫбатлай килә. «Газпром»дың СКА-һы тәүге стадияла «Спартак» уйынсыларын үткәс, «Атлант»тан да әллә ни ҡаршылыҡ көтмәне. Дөйөм иҫәпте үҙ файҙаһына 3:1 иткәс, уларҙың генераль директоры Медведев, ҡыуанысынан шатлығы менән уртаҡлашып, алдан уҡ Ржиганы ялға ебәреп, күңелен тынысландырғайны. Тик, Ржиганың ниндәй генә хәлдә ҡалып та, нимә уйлап сығарырын был чех тренеры үҙе генә белә. Быға күптәр инанды. Бер Медведев ҡына һаман аңламай ҡалған, буғай. «Атлант» хоккейсылары төшөп ҡалған ерҙән, өс осрашыу рәттән СКА-ны отоп, ҙур уңышҡа өлгәште. Ә бит Санкт-Петербург командаһы «йыһан»ға «осорға» әҙерлеген миҙгел башынан уҡ тылҡығайны. Нишләйһең, быйыл да караптары әҙер булмай сыҡты...


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Ҡырау төшөүе ихтимал
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM