НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » 19(2011) » Страница 3

Таба алмаһағыҙ, үҙебеҙ тәҡдим итербеҙ
Гәзиткә яҙылыу // 12-03-2011, 14:38


«Йәшлек» гәзите һәр саҡ халыҡ ара­һында булды. Һәр саҡ халыҡ мәнфәғәтендә эшләне һәм бөгөн дә был сифатынан тайпылмай.
Бер-ике йыл элек кенә ауыл халҡының бик күп көс һалып үҫтергән малын бик арзан хаҡҡа һатыуын күреп, күңел әрнегәндән Өфө ҡалаһындағы аҙыҡ-түлек хаҡтарын гәзит биттәрендә даими яҡтыртып барыуыбыҙ бик күптәргә оҡшаны. Хәҙер иң төпкөл ауылдарҙа ла йәшәүсе уҡыусыларыбыҙҙың, алыпһатарҙар иткә арзан хаҡ тәҡдим итһә, ниңә, «Йәшлек»те уҡымайһығыҙмы әллә, тип кенә ебәреүен ишетеү беҙгә лә ҡыуаныс өҫтәй. Тимәк, эшләгән эшебеҙ бушҡа түгел....

«Йәшлек»кә арзан хаҡҡа яҙылып ҡалығыҙ
Гәзиткә яҙылыу // 12-03-2011, 14:38


Аҡса һалҡын аҡыл талап итә
Тормош бер урында ғына тормаған кеүек, хаҡтар ҙа үҙгәреп кенә тора. Ә шулай ҙа икенсе ярты йыллыҡҡа «Йәшлек» гәзитенә арзаныраҡ хаҡҡа яҙылып ҡалыу мөмкинлеге бар. Бының өсөн 31 мартҡа тиклем почта бүлексәһенә барып, 80148 индексы буйынса шишәмбе, шәмбе һандарына яҙылырға ғына кәрәк. Яҙҙың беренсе айы аҙағына тиклем хаҡтар беренсе ярты йыллыҡтыҡы кимәлендә ҡала. Шуға ла һалҡын ҡышта билдәләнгән хаҡҡа эҫе йәйҙә лә гәзит уҡыу мөмкинлеген ҡулдан ысҡындырмағыҙ, дуҫтар! Йәһәтләп, 31 март­ҡа тиклем «Йәшлек»кә яҙылһағыҙ, һеҙ ҙә отасаҡһығыҙ, беҙ ҙә ҡыуанасаҡбыҙ!...

Тояғынан ер һелкенеп ҡала
Рубрикалар // 12-03-2011, 12:19


Башҡорт егете башҡорт аттары менән бергә затлы сабыш аттары ла тәрбиәләп, Рәсәйҙе шаулатмаҡсы
Йәйен
Тояғынан ер һелкенеп ҡалаӨлкәндәр иҫләйҙер колхоз осорон. Эшләһәң дә, иген-ашлығы, аҡса-байлығы булды, эшләмәһәң дә... булды. Дәүләт барыбер бирҙе. Шулай илдә ялҡауҙар үрсене.
Тик һүҙем башҡа тураһында. Колхоздың хөрт яғы: дөйөм хужалыҡ малдарына бесән әҙерләмәйенсә тороп, үҙеңдекенә тотонорға ярамай ине. Колхозға бесәнде еткергәнсе әҙерләгәнсе ямғырҙар башлана. Килеп, бер генә эре мал аҫрарға рөхсәт. Ә атты бөтөнләй тоторға ярамай. Шул бер һыйырға һәм бер нисә ваҡ малға бесән әҙерләү коммунизм осоронда йәйгә һуҙылған оло бер мәшәҡәт ине. Ә инде сабынлығың булыуы... быныһы инде байлыҡ, баҫыу ситтәрен, әрәмәлектәрҙе ҡырып йонсомайһың. Беҙ бәхетле булдыҡ, сабынлыҡ бар, тик ул ауылдан тиҫтәнән ашыу саҡрымда ята ине. Оло транспорт, матай үткеһеҙ урман юлдары аша таң менән Быяла яланына ашығабыҙ. Таң менән ҡуҙғалғанда ла, сәғәт ун бер-ун икеләргә генә барып етәһең әле. Берәй ылау тап килһә – шатлыҡ, былай, ике аяғым иҫән булһын, тиһең дә тәпәйләй бирәһең....

Берҙәмлек кәрәк
Новости / Сәйәсәт // 12-03-2011, 12:09


йәки Ғәрәп илдәрендә ниңә ыҙғыш ҡупты?
Мосолман донъяһының сәскә атҡан дәүере лә булған. Урта быуат осоронда ислам дине Төньяҡ Африкала тарала, Гибралтар боғаҙы аша сығып, Испанияла хәлифәт барлыҡҡа килеүенә булышлыҡ иткән. Көньяҡ Азияла Ҡытайға тиклем барып еткән. Унан һуң Урта Азияға, Кавказға, Балҡан ярымутрауы илдәрендә таралған. Был осорҙа Европа илдәрендә католик дине бөлгөнлөккә төшә. Ас халыҡтар ғәрәптәр йәшәгән Яҡын Көнсығыш илдәренә дүрт мәртәбә тәре походы ойоштора. Юлда барғанда һәр ауылды, ҡаланы талайҙар. Донъя бер аҙ тыныслана башлағас, Европа илдәре баҫҡынсылары, ғәрәптәр йәшәгән ерҙәрҙе баҫып алып, колония барлыҡҡа килтерә. Иң күп ғәрәп ерҙәрен Франция, Италия, Испания баҫып ала. Ислам динен тотҡан илдәрҙә ер аҫты байлығын Хоҙай Тәғәлә мул итеп биргән. Шул байлыҡты ҡулға төшөрөү өсөн мәкерле пландар ҡорола, бер-береһенә дошманлыҡ булдырыу, берҙәмлекте тарҡатыу алып барыла....

Ливия лидеры “тере мәйет”ме?
Новости / Сәйәсәт // 12-03-2011, 12:07


йәки Ил менән 42 йыл идара итеүсе Муаммар Каддафи властан китергә теләмәй
Ливия лидеры “тере мәйет”ме?Йыл башында Туниста башланған революция ялҡыны һүрелмәй, ә, киреһенсә, көндән-көн ҡыҙыуыраҡ төҫ алып, ғәрәп илдәрен ялмай. Айы­рыуса Ливияла хәл ҡатмарлы. Төньяҡ Африканың был илендә ысын мәғәнәһендә граждандар һуғышы башланды.
Башта урам сыуалыштарына Ливия етәкселеге тарафынан етди иғтибар бирелеп еткерелмәне шикелле. Ни өсөн тигәндә, ил менән 42 йыл идара итеүсе Муаммар Каддафи тәүге көн­дәр­ҙән үк халыҡты тынысландырырға ашыҡманы. Ул: “Мин Тунис Президенты Зен Бин Али кеүек үҙ илемдән ҡасып та сығып китмәйәсәкмен, Мысыр лидеры Хөсни Мөбәрәк кеүек властан үҙем теләп баш та тартмаясаҡмын, Ливия халҡы мине ярата, тик “Әл-ҡаиҙә” радикаль төркөмө йоғонтоһона бирелеүселәр генә властан китеүемде талап итә”,– тип маһаймаҫ ине. Ошондай шарттарҙа ул баш күтәреүселәрҙе көс менән баҫтырҙы....

Аҙна аптыратҡыстары
Рубрикалар // 12-03-2011, 12:05


23 йәшлек өләсәй
Румынияла йәшәүсе Ривка Станеску – донъяла иң йәш өләсәй. Ул 11 йәшендә үк 13 йәшлек Йонелгә ғашиҡ була, һәм... бер йылдан ҡыҙҙары Мария тыуа. Алма ағасынан алыҫ төшмәй шул, Марияға 11 йәш тулғас, тарих ҡабатлана. Ул да күршеһенә үлә яҙып ғашиҡ була һәм малай таба.
– Башта ҡыҙымдың бала табыуына ҡаршы булдым, үҙе лә бәләкәй бит әле, уға уҡырға, һөнәр алырға кәрәк. Тыңламаны шул, – тип уфтана хәҙер 23 йәшлек өләсәй.
Ҡайһы бер йәштәр бөтөнләй ҡулдан ысҡынды шул. Өлкәндәрҙең һүҙен һанға һуҡмайҙар. Ә өләсәйҙәр белмәй әйтмәй ул....

Уңған ҡатын ҡар өҫтөндә ҡаҙан ҡайнатыр
Махсус бит // 12-03-2011, 12:02


Уңған ҡатын ҡар өҫтөндә ҡаҙан ҡайнатырҒәжәпләнерлек тә, ғибрәт тә алырлыҡ, һоҡландырырлыҡ та инде был донъя! Күҙ алдында дәүләттәр ҡыйрала, яңылары хасил була, кисә генә пәрәнжә бөркәнеп, өнһөҙ-тынһыҙ йөрөгән мосолман ҡатын-ҡыҙҙары, шәхси ирек, ил мәртәбәһен даулап, ирҙәр менән бер рәттән майҙандарға сыға. Улай ғынамы ни, мосолман донъяһында ла ил менән етәкселек итеүгә ғүмер баҡый хоҡуҡһыҙлыҡта көн күргән ҡатын-ҡыҙҙар килә. Бик күп дәүләттәрҙә президент, хөкүмәт башлығы, сит ил эштәре йә финанс, оборона министры булып ханымдарҙың эшләүе хәҙер ғәжәпләндермәй. Бәлки, ир-атта был хәл көнсөллөк йәки һоҡланыу тойғоһо ғына уяталыр. Ә бит ҡатмарлана, ауырлаша барыусы тормошта ҡатын-ҡыҙҙарҙың парадоксаль аҡылы, түҙемлеге, иң сетерекле хәлдәрҙән дә сығыу юлын таба алыу һәләте, хәйләкәрлеге һәм хатта мәкерлеге лә кәрәк....

Шаяндар һәм тапҡырҙар көс һынаша
Конкурстар // 12-03-2011, 12:00


10 мартта «Шаяниум – 2011» шаяндар һәм тапҡырҙар конкурсы, йылдағыса, үҙенең һайлап алыу турҙарын башланы. Унда мәктәп уҡыусылары ҡатнаша. Быйыл үҙҙәрен һынап ҡарарға 22 команда теләк белдергән. Конкурстың темаһы – «Берҙәмлектә көс!». Еңеүселәр ошо һүҙҙәрҙең мәғәнәһен тамашасыларына ҡыҙыҡлы ла, көлкөлө лә итеп аңлатып бирә алыуына ҡарап баһаланасаҡ. Уҡыу йорттары сәхнәгә 12 – 15 кешенән торған командаһын сығара.
10 мартта һайлап алыу туры Ғ. Әлмөхәмәтов исемендәге гимназия-интернатта, 11 мартта 84-се татар гимназияһында үтте. Бөгөн – 140-сы башҡорт гимназияһы шаян һәм тапҡыр уҡыу­сыларҙы ҡабул итә, ә 14 мартта ошондай уҡ ярыштар 158-се башҡорт гимназияһында буласаҡ. Иң оҫта, иң шаян, иң тапҡыр командаларҙы күрергә теләүселәр 18 мартта Ҡала мәҙәниәт һарайына финал уйындарына рәхим итһен.
Конкурста «Иң яҡшы ҡатын-ҡыҙ роле», «Иң яҡшы ир-егет роле», «Иң яҡшы көләмәс», «Тамашасы һөйөүе» номинациялары ла билдәләнәсәк....

Штраф күпме булырға тейеш?
Рубрикалар // 12-03-2011, 12:00


Башҡортостанда яңы штрафтар индерелә
БР Дәүләт Йыйылышы – Ҡоролтайҙың яҡын аралағы ултырышында грандиоз документҡа – Административ тәртип боҙоуҙар тураһындағы республика кодексына төҙәтеүҙәр индереләсәк. Закон сығарыусылар штрафтарҙы яңынан ҡарап, ҡайһыларының күләмен арттырасаҡ, ә бәғзеләре бөтөрөләсәк. Әйткәндәй, парламентарийҙар йәмәғәтселектең фекерен дә белергә теләй. Ошо маҡсатта әлеге документ сайтҡа ҡуйылған. Тимәк, һеҙҙең менән беҙҙең фекерҙәрҙең урынлы булыуы ла ихтимал. Дөрөҫ, күҙалланғандар ни бары кодекс проекты ғына, шунлыҡтан уларҙың үҙгәртелеүе лә ихтимал....

Көслө ташҡын көтөлмәй
Рубрикалар // 12-03-2011, 11:59


Көслө ташҡын көтөлмәйБыйыл Башҡортостанда көслө ташҡындар булмаясаҡ. Шулай булыуға ҡарамаҫтан, ҡар ҡатламында һыу һаҡлағыстарҙы тулыландырырлыҡ һыу запасы етерлек. Республика ташҡынға көрәш комиссияһының БР Хөкүмәте Премьер-министры урынбаҫары Юрий Пустовгаров етәкселегендә үткән ултырышында яҙғы ташҡынға ҡарата яҡынса шундай прогноз әйтелде....


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Ау-у, марал!
  • Йондоҙнамә (25 сентябрь – 1 октябрь)
  • Маринадланған кәбеҫтә
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM