НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » 19(2011) » Страница 2

ҺАҠЛАНҒАНДЫ ҺАҠЛАР
Новости / Иман // 12-03-2011, 19:01


Был фани донъяның беҙгә аңлашылмаған серҙәре бик күп. Әҙәм балаларының ниндәйҙер көскә, ҡеүәткә эйә, хатта улар­ҙың ҡараштарының кешене көсһөҙләндереү һәләте булыуы ла һәр кемдең энергетик көсөнөң кимәле тураһында һөйләй. Күҙ тейеү төшөнсәһе лә барыбыҙға таныш. Бала бер сәбәпһеҙгә туҡтамай илай икән, үҙебеҙҙең хәлһеҙләнеүебеҙҙе, сырхаулауыбыҙҙы тоя башлаһаҡ, донъябыҙҙан бәрәкәт кит­һә, ирекһеҙҙән әллә күҙ тейҙеме икән, тип уйлай башлайбыҙ. Ҡөрьәндә әй­тел­гәнсә, күҙ тейеү төшөнсәһе, ысынлап та, бар. Ҡайһы бер ғалимдар­ҙың мәғлүмәттәре буйынса, бәғзе берәүҙәрҙең күҙенән зәһәрле бер ҡеүәт, зыянлы нур һибелә. Ебәрелгән был насар тәьҫирле ҡеүәт кешегә йәки берәй әйбергә барып бәрелгән ваҡытта уға зарар бирә, хәлһеҙләндерә. Раббыбыҙ Аллаһ та тәндәр­ҙә һәм рухтарҙа төрлө көстәр яралтҡан. Күҙ тейеү төрлө йоғонтоға бәйле. Бәйғәмбәребеҙ Мөхәммәт тә: «Күҙ тейеү дөрөҫтөр....

Дәүләттә лә мәсет буласаҡ
Новости / Иман // 12-03-2011, 19:00


Әбйәлил мәсеттәр төҙөү, уларҙың һаны буйынса республикала алдынғы райондарҙың береһе һанала. Шулай ҙа иман йорто булмаған ауылдар ҙа бар.
Дәүләт ауыл биләмәһендә бөгөн эшләп торған бер генә мәсет тә юҡ. Шуға ла ауыл биләмәһе үҙәге булған Дәүләттә мәсет төҙөү зарурлығы күптән өлгөргән мәсьәлә. Сөнки ул халҡыбыҙҙы иман юлына ҡайтарыуҙа мөһим роль уйнай....

АЯТЕЛ-КӨРСИ
Новости / Иман // 12-03-2011, 19:00


Бисмилләһир-рахмәнир-рахим! Аллаһү лә иләһи иллә һүәл-хәййүл-ҡаййүм. Лә тәхүҙүһү синәтү үә лә нәүм. Ләһү мә фиссәмәүәти үә мә фил-әрҙ. Мән ҙәл-ләҙи йәшфәғү ғиндәһү иллә би иҙниһ. Йәғләмү мә бәйнә әйдиһим үә мә хәлфәһүм. Үә лә йыхитүнә бишәйим мин ғилмиһи иллә бимәшә. Үәсиғә күрсиййүһүс-сәмәүәти үәл әрҙ. Үә лә йә үдүһү хифҙүһумә үә һүәл-ғәлиййүл-ғаҙим....

Аллаһының һөйөклө һүҙе
Новости / Иман // 12-03-2011, 18:58


Хәлид ибн Ғибран тигән кеше: «Бәйғәмбәр ғәләйһис-сәләм көндәрҙән бер көндө халыҡ араһында йөрөгәндә: «Эй, халҡым! Ҡалҡандарығыҙҙы алығыҙ!» – тигән, «Эй, Аллаһының бәйғәмбәре! Дошман килдеме әллә?» – тип һорағандар унан. Бәйғәмбәр: «Дошман килмәгән, ләкин тамуҡ утынан һаҡлана торған ҡалҡандарығыҙҙы алыу кәрәк», – тип яуап­лаған. Кешеләр унан тағы: «Йә, Рәсүлуллаһ! Ул тамуҡтан ҡотҡара торған ҡалҡаныбыҙ ниҙер?» – тип һораған. Бәйғәмбәр: «Тамуҡтан ҡотҡара торған ҡалҡанығыҙ – «Собханаллаһ, үә әлхәмдүлиллаһ, үә лә иләһә илләләлаһу, үә Аллаһу әкбәр, үә лә хәүлә үә лә ҡүүәтә иллә бил-ләһил – ғалиййилғазим!» – тигән һүҙҙер тигән», – тип һөйләгән.
Ҡөрьән буйынса, был һүҙҙәрҙе әйтеүсене ожмахҡа илтерҙәр, тамуҡ ғазабынан ҡотҡарырҙар, һәр бер яуызлыҡтан һаҡларҙар.
Факиһ Әбүл-л-Ләис әйткән:...

Тиңдәш
Махсус бит // 12-03-2011, 18:08


«Бөгөн маҡсатһыҙ йәшәү мөмкин түгел»
ТиңдәшФәнил Ҡолшәрипов Башҡорт дәүләт университетының тарих факультетын тамамларға йыйына. Беҙ мөрәжәғәт иткәндә БР тарихы һәм этнология кафедраһының бишенсе курс студенты дәүләт имтиханын «бишле»гә биреп сыҡҡайны. «Тарих менән бәләкәйҙән ҡыҙыҡһынһам да, шул юлдан китермен тип уйламай инем. Атай-әсәйем йүнәлеш бирҙе. Диплом алғас, аспирантураға инеп, артабан да ошо өлкәлә белемде камиллаштырмаҡсымын. Әрме сафтарына барып ҡайтыу теләге лә бар», – ти егет. Фәнил – Күгәрсен районының Мораҡ ауылынан. Донъяға алдынғы ҡарашы, әүҙемлеге, йыр-моң яратыуы менән айырылып тора. Дуҫ-иштәре күп. Берҙәмлекте ярата. Рәми Ғарипов исемендәге республика башҡорт гимназия-интернатында уҡығанда уҡ әле «Күгәрсен райо­ны йәштәре берлеге» төҙөй, яҡташтары менән таныша. Былтыр «Кесе Эйек» йәштәр яҡташтар ойошмаһы төҙөлгәс, ойоштороусылар рәтендә әүҙем ағза булып китә. Шулай итеп, Фәнил Ҡолшәриповтан уңышҡа биш аҙым....

Рәхилә түбәһе
Новости / Тарих // 12-03-2011, 15:23


Рәхилә түбәһеБеҙҙең яҡтарҙа тәбиғәт бигерәк матур. Ҡуйы урмандары, сылтырап аҡҡан шишмә-йылғалары, көҙгөләй күлдәре, ғорур тауҙары һәр ҡайһыһы үҙенең тарихын һаҡлай. Минең өләсәйем күрше ауылда ғына йәшәй. Ял көндәрендә, каникул етһә, ҡәҙерле кешем янына ашығам. Ул беҙҙе һәр ваҡыт ҡолас йәйеп ҡаршы ала. Миңә бигерәк тә өләсәйемдең тәмле сәй артында тыуған яҡтар тураһында һөйләгән хәтирәләре, ер-һыу атамаларының легендалары оҡшай. Бигерәк тә «Рәхилә түбәһе» легендаһы күңелемә яҡын һәм яратҡан «Йәшлек» гәзитендә иғлан ителгән конкурсҡа ошо легенданы тәҡдим итәм.
Рәхилә инәй революцияға тиклем бер байҙың берҙән-бер ҡыҙы булған. Ата-әсәһе тирә-яҡта уҡымышлылығы, кешелеклелеге ме­нән дан тотҡан. Рәхилә инәйҙе лә Ғәрәбстанда уҡытҡандар. Бөтә ғаиләләре менән ике тапҡыр хажға ла барып ҡайтҡандар. Ата-әсәһе гүр эйәһе булғас, бар мөлкәткә Рәхилә инәй хужа булып ҡалған. Уның бер ваҡытта ла ғаиләһе лә, балалары ла булмаған....

Уҡытыусы балалар
Рубрикалар // 12-03-2011, 15:19


Бер нисә йыл элек Сиэтлдағы Олимпиадала 100 метрлыҡ йүгереү дистанцияһы стартына туғыҙ атлет сығып баҫты. Уларҙың бөтәһе лә физик йәки аҡыл яғынан зәғиф ине.
Стартты аңлатҡан атыу яңғыраны. Спортсылар йүгерә башланы, тиһәм, дөрөҫ булмаҫ: араларында йүгерә алмаусылар ҙа байтаҡ ине, әммә улар йүгереүҙән бигерәк ҡатнашыу теләге менән стартҡа сыҡҡайны....

Йәнем өҙгөләнгән саҡтарымда дауаларҘЫ ҡайҙан алайым?..
Рубрикалар // 12-03-2011, 15:18


Инфаркт кисереп, ҡала дауаханаларының береһендә дауаланып ятам. Бөгөн ҡатыным килгән. Хәлемде белергә, тип уйлай­һығыҙҙыр. Юҡ. Кредит түләү өсөн аҡса һорарға. Исем өсөн бер шешә һыу тотоп килһә икән? Палаталаштар алдында оят булып китте хатта.
Ә ҡасандыр уның өсөн йәнемде лә фиҙа ҡылырға әҙер инем. Үҙе аварияға осрап, бер-бер артлы ике операция үткәргәндә хәләлемде ҡотҡарыу өсөн көсөмдән килгәндәрҙең барыһын да эшләнем: ҡан бирергә кешеләрен дә таптым, ҙур бурысҡа батып, ҡиммәтле дарыуҙар ҙа алдым. Хатта түшәктә ятҡанда эшемдән түләүһеҙ отпуск алып та уны тәрбиәләнем. Тик ул һауыҡһын, Ғазраил йәнемдең яртыһын тартып алмаһын, балаларҙы әсәйһеҙ ҡалдырмаһын, тип көнө-төнө теләнем. Унһыҙ тормошомдо бер нисек тә күҙ алдына ла килтермәй инем....

Был хеҙмәттең ауырлығын ул ғына белә...
Рубрикалар // 12-03-2011, 15:15


йәки Хат ташыусы икмәген әсе тир аша таба
Был хеҙмәттең ауырлығын ул ғына белә...Танышымдың дүрт йәшлек улы Иҙелбайҙан: «Yҫкәс, кем булаһың?» – тип һораным. Малай күп уйлап торманы: «Ҙурайғас, атай булам, ә атайым олатай була». Баланың был тапҡыр яуабы һоҡландырҙы. Әлбиттә, ул әйтеп һалған хәбәренең асылына төшөнмәй, әммә яуапта ысынбарлыҡ ята. Күп малайҙар – атаһына, ҡыҙҙар әсәһенә оҡшарға тырыша, хатта уларҙың һөнәрен үҙ итә. Мин дә әсәйемдең сабырлығына, үҙ эшенә яуаплы ҡарауына һәр саҡ һоҡландым. Ләкин уның кеүек хат ташыусы булыу теләге башыма ла инеп сыҡманы. Уның ҡарауы, етеҙ-етеҙ аҙымдар менән ауылды «һә» тигәнсе урап үтеүсе, юлында осраған кешеләр менән ихлас аралашыусы, яңғыҙаҡ әбейҙәргә туҡталып, йорт эштәрендә ярҙамлашып йөрөүсе әсәйемә ҡарап, ҡайһы бер әхирәттәрем: «Үҫкәс, һинең әсәйең кеүек хат ташыусы булам», – тип әйтә торғайны. Хатта тиңдәш ҡыҙҙар оҙайлы йәйге каникул мәлендә беҙгә килеп, миңә эйәреп, ауыл халҡына гәзит-журнал таратыуҙы ҡыҙыҡ күрҙе. Ә бит хат ташыусының эше бының менән генә бөтмәй......

Гөрләп торҙо ҡумыҙ байрамы
Новости / Мәҙәниәт // 12-03-2011, 14:54


Мәсетле районында үткән бәйгелә ағас ҡумыҙҙа ла уйнанылар
Гөрләп торҙо ҡумыҙ байрамыҠумыҙ – башҡорт халҡының быуындан-быуынға тапшырылып, яҡшы һаҡланып ҡалған һәм бөгөн дә үҙенең абруйын һис тә юғалтмаған милли уйын ҡоралы. Милли кейемдәге башҡорт һылыуының йәки егетенең ошо тылсымлы инструментты ҡулына алып күңелде иретерлек матур көйҙәр сығарыуы йәнгә рәхәтлек, күңел тыныслығы бирә. Шуға ла республикабыҙҙа ҡумыҙҙа уйнаусылар сәңғәтен үҫтереүгә, уны бар донъяға данлауға ҙур иғтибар бүленә....


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Маринадланған кәбеҫтә
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM