RSS-подписка Вконтакте Вконтакте
» » Үҙҙәрен Бразилия уйынсылары кеүек тойҙо

15.06.2019 Үҙҙәрен Бразилия уйынсылары кеүек тойҙо

йәки Беҙҙең илдең йыйылма командаһы көсһөҙҙәрҙән үсен алып, майҙанда үҙен герой итеп танытты…


Һуңғы көндәрҙә Европа халҡы ҙур футбол менән йәшәне. Сөнки киләһе йылда буласаҡ ҡитға беренселегенә эләгеү өсөн уның 55 командаһы төркөм осрашыуҙары уҙғарҙы.

«I» төркөмөндә сығыш яһаған Рәсәй йыйылма командаһы ике уйынын үҙ майҙа­нында үткәрҙе. Башта ул рейтинг буйынса иң түбән баҫҡыста торған Сан-Марино футболсыларына ҡаршы һынау тотто. Урам командаһын йәлләмәй, рә­хәтләнеп бер-бер артлы гол индерҙеләр. Иҫәпте арттыра барып, рекордҡа ла барып еттеләр. Шул уҡ Сан-Марино уйынсыларын бер мәл 7:0 иҫәбенә еңгәйнеләр, хәҙер килеп уларҙы 9:0 иҫәбенә ҡыйраттылар. Тарихи ре­кордҡа Артем Дзюба ла саҡ барып етмәне. Уның иҫәбендә – дүрт гол.

Шулай итеп, Станислав Черчесовтың тәрбиәләнеүселәре артабан шулай уҡ түбәнге рәттә торған Кипр уйынсылары менән уйнаны. Бында ла улар дәғүәсене шул уҡ юҫыҡта алдырмаҡсы булғайны ла, килеп сыҡманы. Беҙҙекеләр осрашыу буйы өҫтөнлөк итһә лә, тик бер тапҡыр ғына уңышҡа өлгәшеп, эшлекле еңеү яуланы. Хәҙер улар, өс осрашыу рәттән еңеп, туғыҙ мәрәй менән, Бельгиянан ҡала, икенсе урында урынлашты.

Футболсыларыбыҙ киләһе уйынын 6 сен­тябрҙә Шотландия ко­ман­даһы менән уҙғарасаҡ.

Элекке союздаш респуб­ликаларҙан Әрмәнстан, Ҡа­ҙағстан һәм Украина уйынсылары ғына уңыш ҡаҙанды. Тәүгеһе Грецияла урындағы команданы 3:2 иҫәбенә еңеп ҡайтһа, ҡаҙаҡтар Сан-Мариноны 4:0 иҫәбенә еңеп, украиндар Люксембургты көскә 1:0 иҫәбенә отто. Ҡал­ғандар ошолай таралышты: Сербия – Литва – 4:1, Беларусь – Төньяҡ Ирландия – 0:1, Германия – Эстония – 8:0, Дания – Грузия – 5:1, Әзербайжан – Словакия – 1:5, Латвия – Словения – 0:5, Албания – Молдова – 2:0.




Автор: Н. Ҡәҙербаев
Фото: vk.com






Оҡшаш яңылыҡтар



«Өфө»гә VAR системаһы ярҙамға килә

Бәлки, “Зенит”ҡа ла сират етер...

Олимпия уйындарына  путевка яуланылар

Линус УМАРК, “Салауат Юлаев” командаһы һөжүмсеһе: “Беҙ киләһе Гагарин  кубогын яулаясаҡбыҙ”

Синхрон йөҙөүҙә Рәсәйгә етеүсе юҡ

Рәсәй Премьер-лига  чемпионаты юлға сыға

Панарин 100 миллион  долларҙан баш тартты…

II Европа  уйындары  тамамлана

«Салауат Юлаев» клубы  пландары менән уртаҡлашты

«Өфө» элитала урынын һаҡлап ҡалды

Дацюк Екатеринбургҡа  юлланды

«Бронза» өсөн ҡыуанырға кәрәк

«Алтын»дан да башҡа баһа юҡ

Эштә лә, уҡыуҙа ла,  спортта ла алда баралар

Итальяндар ҙа  хоккей уйнарға өйрәнер

ЦСКА  «Гагарин»ды яуланы

ЦСКА «Гагарин»ға  бер аҙым яһаны

Улар еңелмәне…

13.04.2019 - Спорт Улар еңелмәне…


«Салауат Юлаев» сенсацияһын дауам итте

Кимәленән  сыға алманылар

Өфө боҙо тайғаҡ шул...  йәки «Автомобилист»ың шиптары шымарҙы ахыры

Милли көрәшкә – яңы һулыш

«Йәншишмә» гәзите призына

Магнитты «алдыҡ», киттек Екатеринбургҡа...