RSS-подписка facebook facebook Вконтакте Вконтакте
» » Көрәш буйынса Рәсәй чемпионы – Рушан ИЛЬЯСОВ

06.01.2019 Көрәш буйынса Рәсәй чемпионы – Рушан ИЛЬЯСОВ

Быйылғы йыл Ауырғазы районының Мораҙым ауылында тыуып үҫкән егет өсөн бик уңышлы булды. Әлшәй, Илеш, Асҡын, Шишмә, Ауырғазы райондарының һабантуй байрамдарында һәм Дим буйы йәштәре йыйынында ҡатнашып, рәттән 1-се урынды яулап, Рушан үҙенең “алтын”дарының һанын арттырҙы. Бынан тыш, ул Өфө ҡалаһы һабантуйында һәм ҡала мэры кубогына үткәрелгән турнирҙа 2-се урындарҙы алды. Ҡурған өлкәһендә үткән Рәсәй ауыл һабантуйында иһә еңеп кенә ҡалманы, чемпиондар араһында йәрәбә буйынса машина отто.

Ун тапҡыр – Башҡортостан, бер тапҡыр Волга буйы федераль округы чемпионы, ике тапҡыр Урал кубогы еңеүсеһе, биш тапҡыр Рәсәй чемпионатының көмөш призеры Рушан Ильясов үҙенең 12 йыл буйы күңелендә йөрөткән иң ҙур хыялын тормошҡа ашырҙы: 7 – 8 декабрҙә Ҡазан ҡалаһында үткән Рәсәй чемпионатында ул алтын миҙал яуланы. Илдең өр-яңы чемпионы гәзитебеҙ аша үҙенең рәхмәт һүҙҙәрен еткерҙе:

– Һәр ярыш һайын минең өсөн борсолоп, шул уҡ ваҡытта еңеүгә көс, дәрт биреп торған ата-әсәйемә, ғаиләмә, туғандарыма, дуҫтарыма һәм тренерҙарым Илдус Йәғәфәр улы Нәҙершин менән Рәмил Рәил улы Ғәлимовтарға рәхмәтлемен. Уларға һәм барлыҡ “Йәшлек” гәзитен уҡыусыларға Яңы йылдың уңыштар, һаулыҡ-бәхеттәр, именлек һәм еңеүҙәр килтереүен теләйем,– ти ул.

Әйткәндәй, Рушандың Рәсәй чемпионы булыуына иң ҙур бүләкте ҡатыны Гүзәлиә әҙерләгән: күптән түгел йәш ғаиләлә тәүге бәпәйҙәре – малайҙары тыуҙы. Рушан улына үҙенең юлын дауам итер, киләсәктә Рәсәй чемпионы булыр, тигән өмөттәр менән Батыр тигән исем ҡушты.



Автор: Гөлнур ҠЫУАТОВА
Фото: Юлай КӘРИМОВ





Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Шипулин биатлон  менән хушлашты

Башҡортостан  Рәсәй намыҫын  яҡланы

Өфөлә II Рәсәй-Ҡытай уйындарында рәсәйҙәр 41 миҙал яуланы

Логинов ике «бронза»лы булды

Рәсәй көрәште Бельгия менән башлаясаҡ

«Салауат»тың уҡсылары ҡайҙа булған?..

Көрәшсе ҡыҙ

08.12.2018 - Спорт Көрәшсе ҡыҙ


Рәсәй көслөләр рәтенә сыға алманы

«Салауат Юлаев» – алтынсы

Сәкәнһеҙ еңеү...

26.10.2018 - Спорт Сәкәнһеҙ еңеү...


«Себер» – антирекорд, СКА рекорд ҡуя

«Себер»ҙе «Салауат Юлаев»  та йәлләмәне...