RSS-подписка facebook facebook Вконтакте Вконтакте
» » «Салауат»тың уҡсылары ҡайҙа булған?..

10.12.2018 «Салауат»тың уҡсылары ҡайҙа булған?..


йәки «Салауат Юлаев» хоккейсылары дүрт осрашыуҙа бер генә шайба индерҙе

Яйлап быйылғы миҙгелдә лә «Салауат Юлаев» командаһы уҙғанындағы кимәленә ҡайтып бара. Цулыгиндың тәрбиәләнеүселәре, һуңғы арала боҙға нимә өсөн сыҡҡандарын онотопмо, дүрт осрашыу рәттән ни бары бер тапҡыр ғына дәғүәсеһенең ҡапҡаһын «сылатты»… Гол индерә алмағас, еңеү ҡайҙан булһын?!

Алдағы уйындарҙа яулаған мәрәйҙәре генә уларҙы әлегә плей-офф зонаһында тота. Эштәре былай барһа, унда торор­ға ла оҙаҡ ваҡыт ҡалмағандыр. Мәргәнлектәрен арттырыу өсөн Фи­латовты алдылар. Хәҙер килеп «Аҡ барс»тан Бурмистровты ла беҙгә ҡоҙаланылар. Юҡ шул, әлегә килеп сыҡмай... Команда бомбардиры Бурдасов һуңғы ваҡыт уйынға осрашыу аша ғына сыға. Ә инде Умарк гол индереү түгел, матур пастары менән дә командалаш иптәштәрен байытмай башланы. Күрәһең, былтырғы шауҡым менән уйнап килделәр ҙә, яңы «баш» – Николай Цулыгиндың тактикаһына өйрәнеп китә алмайҙар, тигән уй ҡала. Тренерлыҡ эше күренмәй тиерлек. Хәҙер хатта дәғүәсе яғында ла нығына алмай, борт янында ышҡылалар... Комбинацион уйын бөтөнләй юҡҡа сыҡты. Физик яҡтары ла мөшкөл. Батмаҫ борон нимәлер эшләргә кәрәк. һәр хәлдә, эш шуға барған һымаҡ тойола.

һәм бына, ниһайәт, беҙҙе ишетепме, өфөләр еңеү яулап, ике мәрәйле булды. Улар ҡунаҡта «Слован» хоккейсыларын 5:2 иҫәбенә отто. Голдарҙы Харти­кайнен, Дубровский, Хохряков һәм ике тапҡыр Кугрышев индерҙе. Умарк иһә ике голда булышлыҡ итте.



Автор: Н.Ҡәҙербаев
Фото: ХК "Салават Юлаев" сайтынан





Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Ун мәргән

18.01.2019 - Спорт Ун мәргән


Көрәш буйынса  Рәсәй чемпионы – Рушан ИЛЬЯСОВ

Шипулин биатлон  менән хушлашты

Башҡортостан  Рәсәй намыҫын  яҡланы

Өфөлә II Рәсәй-Ҡытай уйындарында рәсәйҙәр 41 миҙал яуланы

Логинов ике «бронза»лы булды

Рәсәй көрәште Бельгия менән башлаясаҡ

Көрәшсе ҡыҙ

08.12.2018 - Спорт Көрәшсе ҡыҙ


Рәсәй көслөләр рәтенә сыға алманы

«Салауат Юлаев» – алтынсы

Сәкәнһеҙ еңеү...

26.10.2018 - Спорт Сәкәнһеҙ еңеү...


«Себер» – антирекорд, СКА рекорд ҡуя