RSS-подписка facebook facebook Вконтакте Вконтакте
» » Башҡортостанда Радий Хәбиров тәүге эш сәфәре менән «Башнефть» компанияһында булды

15.10.2018 Башҡортостанда Радий Хәбиров тәүге эш сәфәре менән «Башнефть» компанияһында булды

Башҡортостанда Радий Хәбиров тәүге эш сәфәре менән «Башнефть» компанияһында булды
Республика Башлығы вазифаһын ваҡытлыса башҡарыусы Радий Хәбиров эш сәфәре менән «Башнефть» компанияһы предприятиеларында булды. Компания идараһы рәйесе Андрей Шишкин менән бергә ул «Новойл»да водород етештереү ҡулайламаһын, «Башнефть-Өфөнефтехим» нефть эшкәртеү заводында биологик таҙартыу ҡоролмаларын ҡараны.

— Тәүге сәфәремде махсус рәүештә республикабыҙ иҡтисады локомотивы һәм төп һалым түләүселәрҙең береһе булған «Башнефть» компанияһына ойоштороуҙарын һораным. Мин эш менән танышырға, бында нимә барғанын, барлыҡ иҡтисады процестарҙы аңларға теләнем, — тине Радий Хәбиров.

Республика Башлығы вазифаһын ваҡытлыса башҡарыусы республиканың эре бизнесы менән конструктив мөнәсәбәттәр булдырыуын дауам итәсәге хаҡында һөйләне.

— Эре бизнес, эре предприятиелар һалым базаһын булдыра һәм республикабыҙ үҫешенә булышлыҡ итә. Әлбиттә, был мөнәсәбәттәр конструктив булырға тейеш. Бының эш урындары ла, социаль өлкә лә, үҫеш тә, халҡыбыҙ именлеге лә икәнен яҡшы аңлайбыҙ. Шул уҡ ваҡытта республика биләмәһендә эшләгән предприятиелар ҙа социаль яуаплы булырға, экология, тәбиғәтте һаҡлау эшмәкәрлеге менән шөғөлләнергә тейеш. Ҙур предприятиеларҙың оҙаҡ йылдар эшләү осоронда Башҡортостандың барыһы менән дә тиерлек конструктив мөнәсәбәттәре булдырылған. Ошо трендты ла дауам итербеҙ тип уйлайым, — тине Радий Хәбиров.

Сәфәр аҙағында Андрей Шишкин республика Башлығы вазифаһын ваҡытлыса башҡарыусыға предприятиенан таҙартылған һыу өлгөһөн күрһәтте.

Евразиялағы ҙур таҙартыу ҡоролмаларын төҙөү 2017 йылда тамамланды. Улар өс предприятиенан сәнәғәт һәм хужалыҡ аҡмаһын таҙартыу өсөн тәғәйенләнгән һәм тәүлегенә 84 мең кубометр һыу таҙартырға һәләтле. Проекттың хаҡы 11,5 миллиард һум тәшкил итте.








Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Руководитель Башкирии дал две недели на решение экологической проблемы в Сибае

Радий Хабиров: Жители Сибая при каждом чихе должны без очередей попадать к врачу

Радий Хабиров наградил призеров юношеского первенства Башкирии по греко-римской борьбе

Радий Хабиров: Прокуратура в 2018 году добилась возврата 650 млн руб долгов по зарплате

Радий Хәбиров ил субъекттары башлыҡтарының йоғонто яһау рейтингында күтәрелде

Радий Хабиров встретился с жителями Белокатайского района

Радий Хабиров стал участником заседания Госсовета РФ, посвященного Году добровольца

Радий Хабиров: «Быть спасателем - достойное призвание сильных духом людей»

Руководитель Башкортостана Радий Хабиров вручил государственные награды

“Беҙ яҡшыраҡ булдырабыҙ!” –

Радий Хәбиров именлек органдары хеҙмәткәрҙәрен һөнәри байрамдары менән ҡотланы

Ил башлығының журналистар менән осрашыуы: тура эфир