07.10.2016 Осрашайыҡ ялдарҙа
Дуҫтар, ошо көндәрҙә ваҡытлы матбуғатҡа яҙылыу барғанын беләһегеҙҙер? “Йәшлек” менән бергә ҡалырға теләүселәр, иҫегеҙҙә тотоғоҙ: был юлы гәзиткә ярты йылға ла, бер йылға ла яҙылырға мөмкин.
Хаҡтар, әлбиттә, беҙ теләгәнсә арзан түгел, шулай ҙа тотош йылға яҙылғанда, экономияны күрергә була. Бер йылға – 1341 һум 12 тин. Алты айға иһә – 744 һум 54 тин. Шунан иҫәпләп ҡарағыҙ инде.
Алдан әйтеүебеҙсә, күп төрлө бүләк инселәнгән уйындарҙа ла ҡатнаша алаһығыҙ.
Белегеҙ: беҙ һеҙҙең өсөн эшләйбеҙ! Һеҙ ял минуттарында ҡулығыҙға ҡыштырлап торған гәзит алып, уҡып, донъя хәл-әхүәлдәре менән танышып, белем һәм фекер даирәһен киңәйтһен өсөн. Һеҙ булмаһағыҙ, беҙҙең дә тырышыуҙың мәғәнәһе юҡ. Быныһы пессимистарса килеп сыҡты, ахыры. Әлбиттә, беҙ һәммәбеҙ ҙә бар, булдыҡ һәм буласаҡбыҙ!
Бергәбеҙ, бергә ҡалайыҡ!