RSS-подписка facebook facebook Вконтакте Вконтакте
» » «78 йәштә Өфөнө тәүгә күрҙем, «Йәшлек»кә рәхмәт», –

28.05.2013 «78 йәштә Өфөнө тәүгә күрҙем, «Йәшлек»кә рәхмәт», –

ти еңеүсебеҙ Вәғиз Оморҙаҡов
«78 йәштә Өфөнө тәүгә күрҙем, «Йәшлек»кә рәхмәт», – «Йәшлек»-фараз» конкурсы еңеүсеһе − Әбйәлил районының Буранғол ауылынан Вәғиз Оморҙаҡовты бүләген алырға телевидениеға саҡырырға тейеш инек. Әммә билдәле сәбәптәр арҡаһында килеп сыҡманы. Беҙҙең өсөн уның бүләк алыу маҡсаты менән үҙ ғүмерендә тәүге тапҡыр Өфөгә килеүе яңылыҡ булһа, Матбуғат йортона аяҡ баҫып, шәхсән үҙенең ҡулына термопотты тапшырыуыбыҙҙы оло мәртәбәгә һананыҡ. Гәзитебеҙҙе ғүмере буйына алдырып уҡыған, тырыш хеҙмәте менән районында абруй ҡаҙанған, өлгөлө ғаилә башлығы булған тоғро дуҫтарыбыҙҙың инселәгән бүләктәребеҙҙе отоуы күңелгә икеләтә ҡыуаныс өҫтәй.
− Үҙ ғүмеремдә баш ҡалабыҙға тәүге тапҡыр килеүем әле. Машиналар себендән дә күп бит. Яғыулыҡты нисек еткерәләрҙер? Йәшеллек, ауылдағы сиҙәм юҡ, газлы һауа тынсыу, − ти Вәғиз олатай, Өфөнө тәүге күреү кисерештәре менән уртаҡлашып.
З4 йыл малсылыҡта эшләгән, һауын һыйыр­ҙар көткән Вәғиз Оморҙаҡов – Буранғол ауылының абруйлы аҡһаҡалдарының береһе.
– Мал йәнле кеше мин. Ғүмер буйы тиерлек «22-се партсъезд», «Амангилде» совхоздарында көтөүсе булып эшләнем. Әле лә атта һыбай йөрөйөм. Өс баш йылҡы малым бар. Хеҙмәтемде яратып башҡарҙым. Малдарға әллә ниҙә бер сыбыртҡы менән киҙәнә торғайным. Килде бит заманалар. Хәҙер мал көтөргә ауылда көтөүсе таба алмайбыҙ. Кеше килмәй, − ти олатай, борсолоп.
Вәғиз Оморҙаҡов намыҫлы һәм фиҙакәр хеҙмәте өсөн күп һанлы маҡтау ҡағыҙы, миҙал менән бүләкләнгән, почетлы малсы исеменә лайыҡ булған.
Оло йәштә булыуына ҡарамаҫтан, ул әле лә бесән саба, баҡса тултырып йәшелсә-емеш ултырта.
Тормош иптәше Факиһа инәй менән 56 йыл татыу ғүмер кисереп, һигеҙ балаға ғүмер биргәндәр.
− 80-де ваҡлауығыҙға ҡарамаҫтан, әле лә ишле мал аҫрауығыҙ, бесән сабыуығыҙ менән һеҙ йәштәргә биргеһеҙ. Эшегеҙ ҙә еңел булмаған. Әүҙем тормош алып барыуығыҙҙың сере нимәлә? – тип ҡартлыҡты сигендереп йәшәгән еңеүсебеҙҙән һорамайынса булдыра алмайым.
− Икенсе яртың, ҡанатың булған хәләл ефетең менән бер-береңде аңлап, хөрмәт итеп, тиң, татыу йәшәүҙә. Парлы ғүмер − бәхетле ғүмер. Булғанына шөкөр итеп йәшәнек. Донъя малы артынан ҡыуманыҡ. Әле лә алған пенсияларыбыҙ үҙебеҙгә етә. Һаулыҡта, именлектә, балаларҙың, ейәндәрҙең ҡыуаныстарын күреп йәшәргә яҙһын, − ти ул.
− «Йәшлек»-фараз» конкурсында гелән ҡатнашаһығыҙ, буғай. Яҡынса тиражды фаразлай алғанһығыҙ…
– «Йәшлек»те күптән алдырабыҙ. Уҡыһаң, гәзиттәге бөтә нәмәләр ҙә оҡшай. Спорт яңылыҡтарын, хоккейҙы даими күҙәтеп барам. Әбейем менән, йырлап, смотрҙарҙа ла ҡатнашабыҙ. Был юлы фараз-купонды уның исеменә ебәрәм әле. Еңергә насип итһә, ул да Өфөнө килеп күрер, − ти Вәғиз олатай, тағы ла конкурста ҡатнашырға ниәтен белдереп.
Бына шулай, эштә лә, тормошта ла һынатмаған, рухи байлыҡты матди байлыҡтан өҫтөн ҡуйған дуҫтарыбыҙға бүләктәр йәл түгел. Сөнки баҫмабыҙҙың яҙмышы тоғро уҡыусыларыбыҙға бәйле.


З. ЙӘҺҮҘИНА.
А. БАЙМӨХӘМӘТОВ фотоһы.








Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Көс-дәрт алып тыуған тупраҡтан

07.02.2019 - Гәзиткә яҙылыу Көс-дәрт алып тыуған тупраҡтан


Яҙылығыҙ һеҙ «Йәшлек»кә!

06.02.2019 - Гәзиткә яҙылыу Яҙылығыҙ һеҙ «Йәшлек»кә!


Велосипедты Салауаттан Рәйес Кәримов отто!

Афарин, Нурсилә апай!

26.12.2018 - Гәзиткә яҙылыу Афарин, Нурсилә апай!


"Йәшлек" 800-ҙән ашыу хат алды

21.12.2018 - Гәзиткә яҙылыу "Йәшлек" 800-ҙән ашыу хат алды


«Йәншишмә»беҙ ҡоромаһын!

18.12.2018 - Гәзиткә яҙылыу «Йәншишмә»беҙ ҡоромаһын!


Һаумыһығыҙ, "Йәшлек" гәзите редакцияһы!

Ә һеҙ "Йәшлек"кә яҙылдығыҙмы әле?

13.12.2018 - Гәзиткә яҙылыу Ә һеҙ "Йәшлек"кә яҙылдығыҙмы әле?


"Йәншишмә»гә ҡурҡыныс янай

12.12.2018 - Гәзиткә яҙылыу "Йәншишмә»гә ҡурҡыныс янай


Ташламалы хаҡҡа яҙылып ҡалығыҙ!

12.12.2018 - Гәзиткә яҙылыу Ташламалы хаҡҡа яҙылып ҡалығыҙ!


Гәзиткә яҙылғас,  бүләге лә бар

11.12.2018 - Гәзиткә яҙылыу Гәзиткә яҙылғас, бүләге лә бар


Иң күп гәзитте Рая апай алдыра

06.12.2018 - Гәзиткә яҙылыу Иң күп гәзитте Рая апай алдыра