«Йәшлек» гәзите » Яңылыҡтар таҫмаһы » Мексика бокссыһы Ковалевты ауыр нокаутҡа ебәрҙе



03.11.2019 Мексика бокссыһы Ковалевты ауыр нокаутҡа ебәрҙе

Рәсәй профессиональ бокссыһы Сергей Ковалев ярымауырлыҡ категорияһында донъя чемпионы титулын һаҡлап ҡалыр өсөн Мексика атлеты менән осрашты.
Ҡыҙғанысҡа ҡаршы АҠШ-та уҙған бәйгелә беҙҙең 36 йәшлек чемпионыбыҙ 11-се раундта дәғүәсеһенең йоҙроғонан ауыр нокаутҡа ҡолап, билбауынан ҡолаҡ ҡаҡты. “Крушитель” атамаһын йөрөткән Ковалев, хатта тора алмай, сит ярҙамы менән аяғына баҫты.
Ә инде 29 йәшлек Сантос Сауль Альварес быға тиклем яулаған өс билбауына дүртенсеһен ҡушып, хәҙер дүрт ауырлыҡ категория буйынса донъя чемпионы булып һанала. Ул үҙ карьераһында инде 57 осрашыу уҙғарып, 54-ндә еңеү яулай. Шуларҙың 37-һен нокаут менән. Ике тапҡыр дәғүәселәре менән еңеүсене асыҡлай алмай һәм береһендә генә отола.
Ковалеа иһә, бәтәһе 39 осрашыу уҙғарып, 34-ндә ота, бер тапҡыр еңеүсене асыҡлай алмай һәм дүрт тапҡыр дәғүәселәренә отола.





Автор: Нур ҠӘҘЕРБАЕВ
Фото: ТАСС


Сайтҡa күcергәБаҫып cығарырға