05.10.2019 Антон Бурдасов СКА-ға барып юлыҡты

Рәсәй хоккейсыһы Антон Бурдасов үҙенә яраҡлы клуб эҙләй торғас, ниһайәт эшле булды.
28 йәшлек һөжүмсе СКА менән миҙгел аҙағына тиклем килешеү төҙөнө. Быға тиклем ул НХЛ-дың «Эдмонтон» командаһында тикшеренеү үткәйне. Тимәк, ярамаған.
Бурдасов Питер клубында бер заман уйнап, улар составында Гагарин кубогын да яулап өлгөрҙө. Шулай уҡ уҙған миҙгел «Салауат Юлаев» командаһында ла сығыш яһаны.