«Йәшлек» гәзите » Яңылыҡтар таҫмаһы » Рәсәйҙең 28 еңел атлеты Катарға барасаҡ



06.08.2019 Рәсәйҙең 28 еңел атлеты Катарға барасаҡ

Быйыл сентябрҙә Катарҙа буласаҡ еңел атлетика буйынса донъя чемпионатына Рәсәй спортсыларынан 28 атлет ҡатнашырға хоҡуҡ яуланы.
Улар нейтраль флаг аҫтында сығыш яһаясаҡ. Унда бейеклеккә һикереү буйынса донъя лидеры Мария Ласицене һәм Илья Иванюк, ҡолға менән һикереүҙән Анжелика Сидорова һәм Алена Лутовская, оҙонлоҡҡа һикереүҙән Дарья Клишина менән Елена Соколова, уналыштан – Илья Шкуренков, ядро этәүҙән – Максим Афонин, молотты ырғытыуҙан – Денис Лукьянов, Евгений Кротовский, Елизавета Царева һәм Софья Папкина, копье ырғытыуҙан – Екатерина Старыпина, спорт атлауынан – Василий Мизинов менән Яна Смердова, марафондан – Федор Шутов, 110 метр араға барьер аша йүгереүҙән – Сергей Шубенков, 400 метр араға йүгереүҙән – Полина Миллер, 400 метр араға барьер аша йүгереүҙән – Вера Рудакова менән Валерия Андреева бар.





Автор: Нур ҠӘҘЕРБАЕВ
Фото: ТАСС


Сайтҡa күcергәБаҫып cығарырға