30.06.2019 Европа чемпионы «Урал»ға килә

Рәсәй йыйылма командаһының билдәле волейболсыһы, команда составында Европа беренселеге чемпионы, донъя лигаһы турнирының ике тапҡыр еңеүсеһе Александр Спиридонов киләһе миҙгелдән Өфөнөң «Урал» клубында карьераһын дауам итәсәк.

30 йәшлек спортсы быға тиклем Ҡазандың «Зенит»ында сығыш яһап, уның составында ике тапҡыр Рәсәй чемпионы һәм Чемпиондар лигаһы еңеүсеһе булды. Спиридонов быға тиклем дә бер миҙгел өфөләр командаһында һынау үтеп өлгөргәйне. Хәҙер ул беҙҙең клуб менән бер миҙгелгә килешеү төҙөнө.