16.04.2019 27 миллион һум бурысҡа алған да тайған

Мәләүез районынан бер ҡатын, 2010 йылдан алып таныштарынан бурысҡа аҡса алып торор булған. Төрлө сәбәптәр менән бурыстарын кире биреүҙән баш тартҡан.


Ә ғинуар айында кредиторҙарынан ҡасып, Башҡортостандан ситкә сығып киткән. Мут ханымды федераль эҙләүгә биргәндәр һәм Мәскәүҙә ҡулға алғандар.

Бөгөн унан 30 кеше зыян күргән, бурыс күләме — 27 миллион һумдан ашыу. Енәйәт эшенең барышын район-ара прокуратура контролдә тота.