13.04.2019 19 апрелдә Өфөгә "Добропоезд" киләсәк

16 апрелдә Мәскәүҙә «Добропоезд – 2019» акцияһы башланасаҡ. Махсус поезд илебеҙҙең 9 ҡалаһы: Тамбов, Пенза, Өфө, Силәбе, Омск, Төмән, Пермь, Киров, Түбәнге Новгород аша үтәсәк.

Делегация Өфө станцияһына 19 апрелдә килеп етәсәк. Ул беҙҙә "Минең уңыш тарихы" форумы үткәрәсәк. Унда фигуралы шыуыу буйынса билдәле спортсы Ирина Слуцкая, йырсы Диана Гурцкая кеүек шәхестәр ҡатнашасаҡ. Студенттар, ирекмәндәр, инвалидтар менән эшләүсе социаль хеҙмәткәрҙәр, мәшғүллек үҙәктәре белгестәре лә сарала буласаҡ. Аҙаҡтан тема буйынса "түңәрәк өҫтәл", оҫталыҡ дәрестәре, Яҡутов паркында "Йөрө, Рәсәй!" һаулыҡ һәм Себер йөрөшө фестивален үткәреү ҙә ҡаралған.

"Добропоезд" Өфөгә 19 апрелдә иртәнге сәғәт 8-ҙә килеп етәсәк. Форумды сәғәт 10-сы яртыла үткәреү күҙаллана.