14.04.2019 Кучеров Овечкиндан ҡалышмаҫҡа уйлай
НХЛ-дың «Тампа-Бэй» клубында сығыш яһаған билдәле Рәсәй һөжүмсеһе Никита Кучеров быйылғы даими беренселектә 128 (41 гол, 87 пас) мәрәй йыйып, чемпионаттың бомбардиры булып таныла.
Ул был йәһәттән элекке билдәле беҙҙең Александр Могильныйҙың күрһәткесен бер мәрәйгә уҙып китә. Саша 1992/93 йылдарҙа 127 мәрәй йыйып, Рәсәй хоккейсылары араһында әлегә тиклем рекордсы булып һанала.
25 йәшлек уйынсы – Мәскәү хоккей мәктәбе тәрбиәләнеүсеһе. ЦСКА командаһы өсөн бер миҙгел уйнағандан һуң, 2012 йылда НХЛ-ға юллана. 1,5 йыл түбәнге лигала сығыш яһағандан һуң «Тампа-Бэй»ҙың төп составында нығынып китә һәм әлеге көнгә тиклем унда уйнай.