11.04.2019 Ауылға эшкә ҡайт та - 500 мең ал!

Республикала урта махсус белемле ауыл хужалығының йәш белгестәре 300 мең урынына хәҙер 500 мең дәүләт ярҙамы аласаҡ.
Конкурста эш стажы алты айҙан да кәм булмаған һәм уҡыу йортон 2016 йылдан һуң тамамлаған йәш белгестәр эшләгән агросәнәғәт комплексы ойошмалары ҡатнаша ала.
Документтар тапшырыу июнь айында башлана. Положениеға ярашлы, субсидия урта махсус белемле 70 белгескә, юғары белемле 70 белгескә тапшырылырға тейеш.