11.02.2019 Хәрби иҫәпкә ҡуйыу ябайлашты

Хәрби иҫәпкә фактик йәшәгән урының буйынса ла торорға мөмкин. Теркәлеү урыныңа хәҙер ҡарамаясаҡтар. Ил Президенты Владимир Путин ошо турала законға ҡул ҡуйҙы.

Ҡанунға индерелгән үҙгәрештәр, әрме хеҙмәтенә алыныусыларға ла, запастағы хәрбиҙәргә лә ҡағыла. Бының өсөн уҡыған йәки эшләгән урыныңдан хәрби комиссариатҡа белешмә генә килтерергә кәрәк. Яңы ҡағиҙәләр хәрби хеҙмәткә саҡырыу комиссияларының һөҙөмтәлелеген күтәреү мөмкинлеге бирәсәк.