31.12.2018 Бынан ары башҡорт теле мәктәптәрҙә ситләтелмәҫ!

Башҡорт теле дәреслектәре федераль исемлеккә инде.

РФ мәғариф министры Ольга Васильева «О федеральном перечне учебников, рекомендуемых к использованию при реализации имеющих государственную аккредитацию образовательных программ начального общего, основного общего, среднего общего образования» бойороғона ҡул ҡуйҙы.

Дәреслектәрҙең федераль исемлеге элеккесә өс бүлектән тора. Базаға 910 әсбап ингән. Исемлектә һаулыҡ яғынан мөмкинлектәре сикләнгән балалар өсөн адаптив дәреслектәр, төбәк һәм этномәҙәниәт компонентлы китаптар һаналған.

Бойороҡ нигеҙендә ил мәктәптәре китапханалары яңыртылып тулыланасаҡ.