27.11.2018 НТВ-ла бауырһаҡ бешерәсәкбеҙ
Иртәгә, 28 ноябрҙә НТВ-лағы “ Поедем, поедим” кулинар- этнографик тапшырыуын алып барыусы, билдәле инглиз эшҡыуары һәм кулинар Джон Уоррен Өфөгә килә.
Ул Салауат Юлаев майҙанында “Башҡортостан гүзәле” матурлыҡ конкурсы һылыуҡайҙары менән рекордҡа бауырһаҡ бешерәсәк. Тапшырыуҙа һәр кем ҡатнаша ала. Башҡорт халҡының милли ризығын бешереү серҙәренә өйрәткән программа телеканалда киләһе йылдың 26 ғинуарында эфирға сыға.
“Поедем, поедим” – социаль әһәмиәтле проект. Рәсәй төбәктәренең, илдәрҙең ыңғай образын булдырыуға йүнәлтелгән тапшырыу эске һәм тышҡы туризмды үҫтереүгә лә өлөш индерә.