25.09.2018 Үҙебеҙ яһаған нутелла

Балалар бигерәк ярата ошо ризыҡты. Ә уның хаҡы, ай-һай, тешләшә, йыш һатып ала торған тәмлекәс түгел шул. Замана балаһы телевизорҙан нисек итеп тәмле итеп ашағандарын күрә һәм таптыра. Иң яҡшыһы – өй шарттарында нутелланы үҙең әҙерләү.
Бының өсөн ике йомортҡа, 3 стакан шәкәр, 2 ҡалаҡ какао, 4 ҡалаҡ он, бер семтем ванилин, 1 стакан фундук, 1 балғалаҡ аҡ май һәм 2 стакан һөт кәрәк буласаҡ.
Йомортҡаны шәкәр менән ныҡлап болғатырға. Артабан он, какао, ваҡланған сәтләүекте, аҡ майҙы һәм ванилинды ҡушырға. Унан һөт өҫтәп, утҡа ҡуйырға һәм ҡуйырғансы ҡайнатырға кәрәк. Үҙең ҡайнатҡан нутелла һатып алғандан һис тә ҡалышмай. Тәмле!