НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

"Китапханаға кил, дуҫтарыңды ла саҡыр!" 7-9 класс
Яңылыҡтар таҫмаһы // 16-05-2017, 14:41


"Китапханаға кил, дуҫтарыңды ла саҡыр!" 7-9 классАлдан хәбәр итеүебеҙсә, Баймаҡ районының Билал ауыл китапханаһында "Китапханаға кил, дуҫтарыңды ла саҡыр!" исемле акция старт алғайны. Акцияның шарты буйынса уҡыусылар, класс етәксеһе менән бергәләп китапханаға килә һәм дәрестә ҡатнаша. Артабан уҡыусылар үҙҙеренең дуҫтарын, башҡа синыф уҡыусыларын китапханаға саҡырырға тейеш....

Тауыҡтан шешлек
Яңылыҡтар таҫмаһы / Объявления // 15-05-2017, 15:57


Тауыҡтан шешлек
1-се ысул: 1 кг тауыҡ ите, 1 баш һуған, 100 г майонез, тәмләткестәр.
Тауыҡты вағыраҡ киҫәктәргә ҡырҡҡыларға, тоҙ һәм борос һибергә. Һуғанды балдаҡлап турарға, майонез һалып бутарға. Бөтә ингредиенттарҙы бергә ҡушырға ла, ике сәғәткә һыуытҡысҡа ҡуйырға. Әгәр тауыҡтың аҡ ите лә бар икән, һыуытҡыста тағы ла оҙағыраҡ тоторға тура киләсәк. Итте турар алдынан йылымыс һыуҙа йыуалар.
2-се ысул: 1 кг тауыҡ ҡанаты, 5 г кипкән базилик, 350 г магазин ҡаймағы (артыҡ майлы булмаһын), ҡара һәм ҡыҙыл борос, тоҙ.
Ҡанаттарҙы яҡшылап йыуырға. Ҡаймаҡҡа тоҙ, базилик һәм борос өҫтәп бутарға. Бөтә ингредиенттарҙы бергә ҡушырға һәм һыуытҡысҡа ҡуйырға. Ит һыуытҡыста өс сәғәт самаһы торһон. Шешлекте ҡыҙҙырған ваҡытта йыш-йыш ҡына әйләндереп торорға онотмағыҙ....

Матур хәбәребеҙ бар!
Яңылыҡтар таҫмаһы // 15-05-2017, 15:54


Матур хәбәребеҙ бар!
Йәмәғәт! Ораны –“Аҡтайлаҡ!”, тамғаһы – һәнәк, ағасы – аҡ өйәңке, ҡошо иһә әтәлге булған ниндәй ырыуҙы беләһегеҙ? Ошо билдәләргә тағы “Батыры – Ҡараһаҡал, ғалимы – Әхмәтзәки Вәлиди” тигәнде лә өҫтәһәк? Әлбиттә, атыбыҙ ҙа, затыбыҙ ҙа, ырыуыбыҙ ҙа – Юрматы беҙҙең!
Ишеткәнһегеҙҙер, 20 майҙа Ишембай районында юрматылар йыйын ойоштора, Торатау буйына аҡ тирмәләр ҡороп, ырыуҙаштарҙы ла, башҡа ырыу вәкилдәрен дә, сит-ят тарафтарҙан килгән ҡунаҡтарҙы ла бер ҡорға йыя.
Ишембай, Стәрлебаш, Стәрлетамаҡ, Федоровка, Мәләүез, Ауырғазы, Ғафури, Баҡалы райондарында, Ишембай, Стәрлетамаҡ, Салауат, Мәләүез ҡалаларында, Ырымбур өлкәһендә, Татарстанда, Венгрияла йәшәүсе ырыуҙаштар йыйынының тәүге өлөшө Ишембай ҡалаһының Мәҙәниәт йортонда (Ленин урамы, 23) иртәнге сәғәт 9-ҙа башлана. Унда ошо көндәрҙә райондарҙа булып үткән йыйындарҙа һайланған делегаттар ҡатнашасаҡ.
Ә сәғәт 2-лә иһә ырыуҙаштарҙы һәм ҡунаҡтарҙы изге Торатау буйында көтәбеҙ. Торатау буйындағы байрам программаһына 1812 йылғы Ватан һуғышы геройы Ҡаһым Мырҙашев исеменә – милли көрәш, Юрматы ере батыры, 1735-1740 йылдарҙағы башҡорт ихтилалы етәксеһе, Ҡырым ханлығында һәм Осман империяһында башҡорт илселеге ағзаһы булған Килмәк абыҙ Нөрөшев кубогына традицион уҡтан атыу буйынса “Мәргән уҡсы” турниры индерелгән (ярыштарҙа ҡатнашыу өсөн заявкалар ҡабул итеү бара).
Байрамыбыҙҙы юғарыла барланған райондарҙың тирмәләре, шәжәрәләр, халыҡ һөнәрмәндәре эштәре һәм милли ризыҡтар күргәҙмәләре биҙәйәсәк. Һәм, әлбиттә, танылған сәнғәт әһелдәре һәм райондарҙың үҙешмәкәр коллективтары тарафынан ойошторолған ҙур концерт программаһы ла әҙерләнә.
Байрамыбыҙға башҡа ырыу башҡорттары ла рәхим итһен, ә юрматыларға иһә үҙ байрамына килмәй ҡалыу оят булыр! Яҡты уйҙар, матур теләктәр, асыҡ һәм ихлас күңел менән килегеҙ изге тауыбыҙ эргәһендәге йыйынға, тип, бар тарафҡа саҡырыу ебәрәбеҙ! Йыйыныбыҙҙың ҡото йоҡһон!

...

"Киске уйын"да көтәбеҙ!
Яңылыҡтар таҫмаһы // 15-05-2017, 10:30


"Киске уйын"да көтәбеҙ!
Был аҙна шәмбеһендә, йәғни 20 майҙа киске сәғәт 6-ла Башҡортостан йәштәрен баш ҡаланың Салауат Юлаев һәйкәле янында "Киске уйын"да көтәбеҙ. Йәштәр өсөн "Юлдаш" радиоһы алып барыусылары мауыҡтырғыс уйын һәм конкурстар әҙерләй. Шәп бүләктәр буласаҡ. Һеҙҙең өсөн башҡорт эстрадаһы йондоҙҙары сығыш яһай....

"Таҙа Һаҡмар" темәстәргә күсте
Яңылыҡтар таҫмаһы // 13-05-2017, 21:17


"Таҙа Һаҡмар" темәстәргә күстеБөгөн Баймаҡ районының Билал – Темәс ауыл биләмә сигендә “Таҙа Һаҡмар” эстафетаһы темәстәргә тапшырылды.
Башҡортостандың халыҡ шағиры Рәшит Ниғмәти 50-се йылдарҙа беҙҙең районға килеп, Һаҡмар буйы ауылдарында була һәм аҙаҡ, алған тәьҫораттарына таянып, “Һаҡмар ҡыҙы” поэмаһын ижад итә. Унда шундай юлдар бар: “Һаҡмар һыуҙың һылыулығы күпме-күпме йырҙа йырланған, ләкин Һаҡмар буйын тағы йөҙ йыл, тағы мең йыл була йырларға”.
Ҡыҙғанысҡа ҡаршы, бөгөн йылғабыҙҙың гүзәллеген, уның тирә-яғының матурлығын һис тә шағирса тасуирлай алмайбыҙ. Быға тәбиғәт кенә түгел, күп осраҡта үҙебеҙ ҙә ғәйепле.
Район вәкилдәре Динар Хисмәтуллин, Ғәлим Сәфиуллин, Темәс биләмә башлығы Бикйән Камалитдинов етәкселегендә делегация ағзалары “Атайсал” клубы рәйесе Сәлимйән Вәлиев, китапханасылар Миңзәлә Әүәлбаева, Миңзифа Низамова, “Темәс” тарихи - мәҙәни үҙәге методисы Лилиә Ишбаева был турала әсенеп һөйләне. Темәс мәктәбенең хужалыҡ эштәре буйынса директор урынбаҫары Рәмил Әбсәләмов: “Бөгөн ололар Һаҡмар йылғаһы бысраҡ, йәштәр йылғаны таҙалау өсөн үҙ өлөшөн индермәй, тиеүҙәре менән килешеп бөтмәйем. Сөнки күптән түгел Темәс мәктәбе уҡыусылары, уҡытыусылары, урындағы халыҡ менән бергәләп 600 – гә яҡын ағас ултыртты, экологик өмәгә сыҡтыҡ. Йылғала бәрҙе, йәйен балығы бар, ә ул балыҡтар таҙа һыуҙа ғына була. Беҙгә, йәш быуынға, Һаҡмарыбыҙҙың таҙа, мул һыулы булыуы өсөн артабан да көрәшергә генә ҡала”, - тине.
Фирҙәүес Ҡаһарманова, Әхәт Урмантаев, Илфат Сирусиндың моңло йырҙары, Билал мәктәбе уҡыусыһы Айнур Әхмәтовтың дәртле бейеүе байрамға йәм өҫтәне. Биләмә башлығы Мәжит Заманов етәкселегендәге делегация ағзалары Райхана Булатова, Әнүзә Мәжитова, Зифа Мәүлитова, Айгизә Хамматова, Сәғилә Ғайсина, Зәйнитдин Хөсәйенов эстафетаны тапшырып ҡына ҡалманы, артабан һәр ауылда экологик өмәләр үткәреүгә йөкләмә лә алды.
“Таҙа Һаҡмар” акцияһы темәстәргә тапшырылды. Был эстафета минән киткәнсе, эйәһенә еткәнсе булмһын ине. Йылғаларҙың таҙалығын һаҡлар өсөн, Тыуған илебеҙ сәскә атһын өсөн бер сара күрергә ваҡыт түгелме беҙгә?! Кешеләр, үҙебеҙҙең хатабыҙҙы аңларға ваҡыт еткән түгелме?! Беҙҙең Тыуған илебеҙҙе, тыуған еребеҙҙе, тыуған тәбиғәтебеҙҙе, йылға - күлдәребеҙҙе беҙҙән башҡа кем яҡлар, кем һаҡлар, кем ҡурсалар?!...

Эремсекле кекс
Яңылыҡтар таҫмаһы / Объявления // 13-05-2017, 16:05


Эремсекле кексКексты әҙерләү өсөн 400 г эремсек, 200 г маргарин, 1 стакан шәкәр, 3 йомортҡа, 100 г йәки 5 ҡалаҡ крахмал, 1 ҡалаҡ ҡамыр ҡабартҡыс (разрыхлитель), 150 г он, ярты лимондың ҡабығы кәрәк.
Майға шәкәр, һуңынан эремсек, йомортҡа һалырға. Лимон ҡабығын ыуғыста ыуырға һәм ҡамырға өҫтәргә. Аҙлап-аҙлап он, крахмал, ҡамыр ҡабарт­ҡыс ҡушып, ҡуйы ҡаймаҡ кеүек ҡамыр барлыҡҡа килгәнсе болғатырға. Махсус кекс формаларына һалырға һәм 200 градус ҡыҙыулыҡтағы мейестә 20 минут бешерергә....

Иглингә "Еңеү поезы" килде
Яңылыҡтар таҫмаһы // 11-05-2017, 17:36


Иглингә "Еңеү поезы" килде
Билдәле рәссам, быға тиклем Өфөләге күп ҡатлы йорттарҙы биҙәгән Олег Кайбышев ике аҙна дауамында Иглин ауылының күп функциялы үҙәге бинаһында монументаль һүрәт төшөрҙө....

Баймаҡ районы "Таҙа Һаҡмар" акцияһын ҡабул итте!
Яңылыҡтар таҫмаһы // 11-05-2017, 16:57


Баймаҡ районы "Таҙа Һаҡмар" акцияһын ҡабул итте!Уралтауҙың ҡуйынынан урғып,
Ҡиблаларға табан юл алған.
Тарихтарҙа данлы эҙҙәр ҡалған
Һаҡмар ҙа ғына тигән йылғанан.
Тормош һүнмәҫ,
Сүллек хәлен күрмәҫ,
Алҡынланып та аҡһа мең дәүер.
Таҙа һаҡмар итеп,
Кемдәр һине һаҡлар?!
Хужа була белсе, түңгәүер!
(Мәүҙиға Баймөхәмәтова)

Һыуҙың ҡәҙере йылға ҡороғас ҡына беленә, ти халыҡ әйтеме. Ер ҡуйынын сылтырап аҡҡан шишмә – күлдәр, йылғалар кемгә генә ҡәҙерле түгел икән? Беҙҙең, һәр беребеҙҙең бала саҡтары шунан башлана бит. Малайҙарҙың тәрән йылғаларҙа ат йөҙҙөрөүе, еңгәйҙәребеҙҙең кер сайҡауы, бала - сағаларҙың ғына түгел, өлкәндәрҙең дә ҡолас ташлап бер йылға ярынан, икенсеһенә йөҙөп сығыуы, ағайҙарҙың балыҡ ҡармаҡлауы үткән заманда ғына ҡалып бара түгелме? Йылғалар тәбиғәткә йән өрөүсе булараҡ, борон-борондан бик ҡәҙерле булған. Һәр йыл һайын экологик өмәләрҙә ҡатнашһаҡ та йылғаларыбыҙға иғтибарҙы кәметеп ебәрҙек....

Һис онотолмаҫ башҡорт яугиренең исеме!
Яңылыҡтар таҫмаһы // 11-05-2017, 16:18


Һис онотолмаҫ башҡорт яугиренең исеме!112-се Башҡорт кавалерия дивизияһының данлы һәм шанлы яу юлы буйлап уҙғарылған автоуҙыш 5 майҙа тамамланды

... Меңдәрсә саҡрым юл үтеп, Волгоград, Ростов ҡояшы аҫтында ҡара янып, йәнә лә үҙебеҙҙең һыуыҡ яҡтарға етеп киләбеҙ. Бына “Башҡортостан республикаһы” тип яҙылған юл тамғаһы. Шунда уҡ бөтәбеҙ ҙә, бар донъяны яңғыратып, “Шайморатов генерал”ды йырлай башланыҡ. Эйе, “Башҡорттар китте һуғышҡа” тип был йырҙы юл башында башҡарырға тейеш инек: ләкин бер аҙна самаһы һуҙылған сәфәр дауамында ғына һуғыштың бар афәтен, тыныслыҡтың ни тиклем мөһим икәнен аңланыҡ, күңел менән тойҙоҡ. Беҙҙең был йыр Шайморатовтың, яуҙа баштарын һалған дивизия һалдаттарының яҡты рухына арналған гимн булып яңғыраны...

"Бәйләнештә" селтәрендәге төркөмөбөҙгә инеп фотоларҙы ҡарағыҙ!
https://vk.com/album-35065816_244458884...

Яҙылығыҙ, бүләкле булырһығыҙ!
Яңылыҡтар таҫмаһы // 11-05-2017, 13:29


Яҙылығыҙ, бүләкле булырһығыҙ!Хөрмәтле гәзит уҡыусылар! Ырыҫ ул шундай нәмә – кемгәлер даими рәүештә бәхет һәм байлыҡ килтереп тора, ә кемгәлер көтмәгәндә генә йылмая ла ҡуя. Әммә «Йәшлек»кә яҙылғандарҙың береһен дә урап үтмәй ул! Тағы ла бер тапҡыр быны иҫбат итер өсөн «Республика Башкортостан» нәшриәт йорто ойошторған « Аҙна һайын – бүләк» уйынында ҡатнашырға саҡырабыҙ.
Бәйгенең шарттары ябай – икенсе ярты йыллыҡҡа «Йәшлек»кә яҙылыу тураһындағы квитанцияғыҙҙың күсермәһен редакцияға ебәрергә кәрәк. Еңеүселәр лототрон ярҙамында һайлап алынасаҡ. Бүләккә көрөшкәләр, салат һауыттары тупланмаһы, сәйнүк әҙерләнгән. Республика баҫмаһына һәм район гәзитенә яҙылыусыларға «Республика Башкортостан» нәшриәт йорто тағы ла ҡиммәтерәк бүләктәр вәғәҙә итә. Тәүәккәлләгеҙ!...


  • «Башҡортостандың 100 шәхесе»
  • “Ҡыҙлы кеше бәхетле...”
  • Рамаҙанды ураҙа, изгелек эшләүебеҙ менән биҙәйек!
  • «Уҡыйым. Бейейем. Ҡул эштәре менән булышам»
  • Бахыр бала. Йәне йәннәттә булһын...
  • Хәйер (хикәйә)
  • “Матурлыҡҡа һоҡланып йәшәйем”
  • Үәт, ҡыҙыҡ! (16.06.2017)
  • “...Халҡым киләсәге – егет-ҡыҙҙар булғанда, Онотолмаҫ рухың был ерҙә...”
  • Йондоҙнамә (5 – 11 июнь)



  • Радио Юлдаш FM