НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Ғафури районы Ерек ауылында "Ҡарға бутҡаһы" байрамы үткәрелде
Яңылыҡтар таҫмаһы // 2-07-2017, 13:11


Ғафури районы Ерек ауылында "Ҡарға бутҡаһы" байрамы үткәрелдеТәүҙә бәләкәй малай һәм ҡыҙҙар өй һайын йөрөп һөбә йыйҙы. Кемдер йомортҡа, кемдер таҫтамал, яулыҡ,ҡулъяулыҡ, төрлө күстәнәс бирҙе.
Быуа буйына йыйылып, ҡаҙан аҫып, ут яғып төрлө ярмаларҙан бутҡа бешерҙек. Балалар менән бергә йәшерәк әсәйҙәр халыҡта һаҡланып килгән төрлө -төрлө уйындарҙы уйнаны. Изге теләктәр теләп ерҙән йомортҡалар тәгәрәттек. Бутҡа бешеп сыҡҡас,табын тирәләй ултырышып,ауылыбыҙ абыстайы Ҡөрьән сүрәләре уҡыны. Ил-көндөң тыныс булыуын, игендәрҙең ишелеп үҫеүен, мал-тыуарға үләндең күпереп үҫеүен теләп табын артында доғалар ҡылдыҡ. Ҡаҙанда бешкән тәмле бутҡаны ауыҙ иткәс, самауырҙарҙа сәй ҡайнатып һыйландыҡ. Артып ҡалған бутҡаны, йола буйынса, ҡарғалар һәм башҡа ҡоштар ашаһындар өсөн һамаҡлап ергә һиптек.
Был байрам беҙҙә тәүге тапҡыр ғына үткәрелеүенә ҡарамаҫтан, бик матур үтте. Һәр кем байрамды ойоштороусыларға рәхмәт һүҙҙәрен әйтеп, ҡәнәғәтлек алып,күтәренке күңел менән таралышты. Был йоланы киләһе йылдарҙа ла үткәреп торорға ҡарар иттек", - тип хәбәр итте Гөлшат Дәүләтова...

Уҫманғәлелә - Ҡарға бутҡаһы
Яңылыҡтар таҫмаһы // 30-06-2017, 07:09


Уҫманғәлелә - Ҡарға бутҡаһы"Бөгөн, 29 июндә, йәмле Белорет районы Уҫманғәле ауылының Әпләзе тауында шаулап-гөрләп "Ҡарға бутҡаһы" байрамы үтте. Һәр кескәй тиерлек үҙе менән тары ярмаһы килтереп, оло инәйҙәр телеңде йоторлоҡ итеп "ҡарға" бутҡаһы бешерҙе. Байрам бик күңелле үтте: олоһо ла, кесеһе лә шау-гөр килеп башҡорт халыҡ уйындарын уйнаны, моңло итеп йырланы, хатта бейенеләр ҙә. Ә иң мөһиме, һәр бала тыныс күк йөҙө, йылы һәм аяҙ йәй теләне", - тип хәбәр итте
Нәркәс Баһауетдинова...

Бөрйәндә "Урал батыр" эпосын башҡарыусы йәш сәсәндәрҙең 19-сы республика конкурсы башланды.
Яңылыҡтар таҫмаһы // 29-06-2017, 15:00


Бөрйәндә "Урал батыр" эпосын башҡарыусы йәш сәсәндәрҙең 19-сы республика конкурсы башланды. Рух терелер, күс ойошор миҙгел-
Милләт ҡото ҡайтҡан Бөрйәнгә!
Сәсән телле Урал вариҫтары
Бер йән булып оран һала илгә!...

«Иванушки International» төркөмөнөң йырсыһы Олег Яковлев мәрхүм булды
Яңылыҡтар таҫмаһы // 29-06-2017, 12:01


«Иванушки International» төркөмөнөң йырсыһы Олег Яковлев мәрхүм булды"Иванушкалар" 90-сы йылдарҙа ғәйәт популярлыҡ яулаған төркөм ине. 47 йәшлек Олег Яковлев пневмония сире менән дауаханаға эләккән булған.
...

Граффитиҙа - Рихард Зорге
Яңылыҡтар таҫмаһы // 29-06-2017, 09:40


Граффитиҙа - Рихард Зорге
Баш ҡаланың Спорт һарайы янында тиҙҙән данлыҡлы разведчиктың портреты төшөрөләсәк. Уны Зорге урамынан барғанда күреп буласаҡ....

Башҡортостан мәҙәниәтендә ауыр юғалтыу - музыка ҡоралдары оҫтаһы Вәкил Шөғәйепов вафат булды
Яңылыҡтар таҫмаһы // 28-06-2017, 11:54


Башҡортостан мәҙәниәтендә ауыр юғалтыу - музыка ҡоралдары оҫтаһы Вәкил Шөғәйепов вафат булды
Башҡорт "Страдиварийы" ҡаты ауырыуҙан һуң 81 йәшендә мәрхүм булды.
Ул 1981 йылда юнылған шпондан ҡурай эшләү технологияһын булдырып патентлай. Тап шул мәлдән ҡурай күпләп етештерелә башлай. Вәкил Шакир улының думбыра, ҡыл-ҡумыҙ инструменттарын тергеҙеү, музыкала ҡулланыуға индереүҙә өлөшө ҙур....

Яңы китап сыҡты
Яңылыҡтар таҫмаһы // 27-06-2017, 12:52


Яңы китап сыҡты
Күренекле шағир, Башҡортостандың атҡаҙанған мәҙәниәт хеҙмәткәре, З. Биишева һәм Ш. Хоҙайбирҙин исемендәге премиялар лауреаты Рәмил Йәнбәктең был йыйынтығына төрлө йылдарҙа сыҡҡан китаптарынан алынған һәм һуңғы йылдарҙа яҙылған шиғырҙары тупланды. Хаҡы 110 һум тип хәбәр итәләр З.Биишева исемендәге "Китап" нәшриәтенән....

Өмөтбайҙа - икеләтә байрам
Яңылыҡтар таҫмаһы // 27-06-2017, 11:43


Өмөтбайҙа - икеләтә байрамБаймаҡ районы Өмөтбай ауылы китапханасыһы Әнүзә Мәжитова хәбәр итә:

Бөгөн ауылыбыҙҙа оло, хатта икеләтә байрам. Тәүгеһе - Ураҙа булһа, икенсеһе -беҙҙә иман нуры балҡыны, Аллаһы Тәғәлә йортоның ишеге асылды.
Иртәнсәк ҡойоп яуған ямғыр байрам башланыр алдынан туҡтаны - бына бит ул Хоҙайҙың ҡөҙрәте. Ҡояш йылмайып, һәр беребеҙҙең күңеленә нур өләште.
Өмөтбай ауылында мәсет теүәл 110 йыл элек, 1907 йылда асылған. Бинаһын халыҡ үҙ көсө менән, күмәкләп, өмәләп ҡорған. Манараһы, айы ҡуйыла. Ғоссаметдин Килдейәр улы Рахманғолов имам-хатип итеп тәғәйенләнә. Заманына күрә уҡымышлы булған мулланы ауылда ғына түгел, бөтә тирә- яҡта хөрмәт итәләр. Ауылда ул ғына гәзит алдыра, күрше-күләнен илдәге хәлдәр менән таныштырып бара. Әбейе лә бик уҡымышлы була, балаларға хәреф өйрәтә.
Революция башланғас, мәсеттең манараһын Сыртинскиҙән урыҫтарҙы яллап алып килеп ауҙаралар, халыҡтан береһе лә манараға тейергә баҙнат итмәй. Мәсет дауахана, келәт, клуб ителә.
Совет осоронда дини сараларҙы ауылда бер нисә кеше башҡара. Улар - Ғәйфулла Ҡотлогилдин, Хәләф Ғүмәров, Муса Садыҡов, Сәғиҙулла Ғабдуллин, Кәшиф Зәйнуллин, Кәлимулла Дауытов, Аллабирҙе Ғүмәров, Исмәғил Мәжитов, Таштимер Ҡотлогилдин була. Улар балаға исем ҡуша, аят уҡый, мәйет тәрбиәләй.
Бөгөн беҙҙең ҡыуанысты уртаҡлашырға ҡунаҡтар килде. Район хакимиәте башлығы Илшат Ситдиков, район имам-мөхтәсибе Хәмзә хәҙрәт Хафизов, район Советы депутаты Ильнур Мырҙагилдин, мәғариф бүлеге начальнигы, ауылдашыбыҙ Илдус Зәйнуллин, Билал ауылы хакимиәте башлығы Мәжит Заманов, Төркиә ҡунаҡтары, район ауылдарынан дин әһелдәре, Рәсәй һәм республиканың төрлө төбәктәренән килгән ауылдаштар булды. Улар береһе лә буш ҡул менән килмәгән. Киләсәктә зыяратты тимерҙән кәртәләү өсөн финанс ярҙам да күрһәттеләр.
Район башлығы Илшат Ситдыков йыйылыусыларҙы байрам менән ҡотланы, мәсетте эшләгәндәргә Рәхмәт хаты тапшырҙы.
- Республика райондарында иң күп мәсет Баймаҡта, - тине ул һәм йәштәрҙең иманға ҡайтһын, аҙан тауышы бөтә ауылға ишетелһен тип тауыш көсәйтеү аппаратураһы бүләк итте.
Төркиәнән килгән ҡунаҡтар тәүге тапҡыр Башҡортостанда мәсет асыуҙа ҡатнашты. Сығыштарында башҡорт халҡының ҡунаҡсыллығына, берҙәм булыуына һоҡландылар.
...

«Йәшлек»те хәтерләтеп торһон!
Яңылыҡтар таҫмаһы // 26-06-2017, 08:00


«Йәшлек»те  хәтерләтеп торһон!Гәзитебеҙгә яҙы­лыу­сылар араһында уйнатылған «Аҙна һайын – бүләк» конкурсы тамамланды. Бәйгегә 500-ҙән ашыу хат килде.
Еңеүселәрҙе лототрон ярҙамында һайлап алдыҡ. Был аҙнаның еңеүселәре – Хәйбулла районының Аҡъяр ауылынан Ф. Ҡунаҡова (сәйнүк), Байғусҡар ауылынан Рита Дәүләтбирҙина (көрөшкәләр йыйылмаһы), Баймаҡ районының Төркмән ауылынан Зәйтүнә Өмөтбаева (графин һәм стакандар йыйылмаһы), Салауат ҡалаһынан Х. Рәхимова (термос-көрөшкә) менән бүләкләнә. Бүләктәрҙе килеп алғанда паспорт, СНИЛС, ИНН кәрәк буласаҡ.
Икешәр гәзит-журналға яҙылып, квитанцияларын ебәреүсе уҡыусыларҙың хаттары «Республика Башкортостан» нәшриәт йорто уйнатҡан конкурста ҡатнашасаҡ.
...

Байрам мөбәрәк булһын!
Яңылыҡтар таҫмаһы // 24-06-2017, 20:32


БаБайрам мөбәрәк булһын! шҡортостан Башлығы Рөстәм Хәмитов мосолмандарҙы Ураҙа байрамы менән тәбрикләне. Ҡотлауҙа былай тиелә:

"Башҡортостан Республикаһы мосолмандарын исламдың төп байрамдарының береһе – Ураҙа ғәйете менән ихлас ҡотлайым!
Изге Рамаҙан айының тамамланыуын белдергән ошо яҡты көн – барыһы өсөн дә уртаҡ булған изгелекте һәм миһырбанлыҡты, ғәҙеллекте һәм кешелеклелекте, шәфҡәтлелекте һәм яҡыныңа һөйөүҙе кәүҙәләндергән юғары әхлаҡи ҡиммәттәр символы ул.
Республикабыҙ мосолмандары, күп быуатлыҡ дини һәм мәҙәни йолаларға таянып, Ураҙа байрамын киң билдәләй. Әлеге байрам изгелек ҡылырға, ҡунаҡтар ҡабул итергә, бүләк тапшырырға, мохтаждарға ярҙам күрһәтергә теләк уята. Бындай ғәмәлдәр бөтә дин вәкилдәренә лә берҙәй яҡын һәм аңлайышлы.
Башҡортостандағы мосолман ойошмаларының йәмәғәт һәм мәҙәни тормошта әүҙем ҡатнашыуы, хәйриәлек йолаларын үҫтереүгә, йәштәрҙе төрлө милләт һәм дин вәкилдәренә ихтирамлы мөнәсәбәт нигеҙендә тәрбиәләүгә булышлыҡ итеүе ҡыуаныслы.
Ошо изге Ураҙа байрамы көндәрендә барығыҙға ла ныҡлы һаулыҡ һәм именлек теләйем. Һәр йортта шатлыҡ һәм йылылыҡ, тыныслыҡ һәм татыулыҡ тантана итһен!"...


  • Бер уңмаған һис уңмай
  • Иманың юлдаш булһын, Башҡортостан һандуғасы...
  • Кемпинг янындағы быуала
  • Үәт, ҡыҙыҡ! (28.07.2017)
  • Серҙәремде кемгә һөйләйем?
  • Уҙмыштар юҡ, күрәһең…
  • ЙЫРҒА ӘЙЛӘНГӘН ҒҮМЕР (Хәниә Фәрхи рухына бағышлап)
  • Бала күңеле
  • Уйындан – уймаҡ
  • Йондоҙҙоң батырлығы



  • Радио Юлдаш FM