НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Сирена тауышын ишетелһә - ҡурҡмағыҙ
Яңылыҡтар таҫмаһы // 27-03-2013, 13:36


Сирена тауышын ишетелһә - ҡурҡмағыҙ
Рәсәйҙең Ғәҙәттән тыш хәлдәр министрлығының Башҡортостан Республикаһы буйынса Баш идаралығынан белдереүҙәренсә 28 мартта үҙәкләштерелгән хәбәр итеүҙең төбәк системаһына техник тикшереү уҙғарыласаҡ. Бөтә ерҙә лә электросиреналар аша «Барығыҙға ла иғтибар!» сигналы биреләсәк. Радио һәм телевидение каналдарында «Иғтибар! Хөрмәтле Башҡортостан Республикаһы халҡы һәм ҡунаҡтар. Хәбәр итеү системаһына техник тикшереү үткәрелә! Хәбәр итеү системаһына техник тикшереү үткәрелә! Тәртип һәм тыныслыҡ һаҡлап ҡалыуығыҙ һорала» тигән иғлан тапшырыласаҡ....

Тротуарҙағы янъял
Яңылыҡтар таҫмаһы // 27-03-2013, 13:34


Тротуарҙағы янъял Өфө ҡалаһының Калинин районында ике кеше зыян күргән янъял буйынса тикшереү үткәрелә. Автомобилен туҡтау урынына ҡағиҙәләрҙе боҙоп ҡуйған водителгә өс егет иҫкәрмә яһай. Һүҙ көрәштергәндән һуң водитель уларҙың яғына травматик ҡоралдан бер нисә тапҡыр ата. Артабан үҙе һәм уның менән бергә булған кешеләр ҡаса. Ә зыян күреүсе егеттәр тән яралары ала.
Әлеге ваҡытта полиция тарафынан янъял булған урындағы сауҙа нөктәләренең видеокүҙәтеү ҡорамалдары яҙмаларын тикшерә, енәйәтселәрҙең шәхесе асыҡлана.

...

Айыу балалары цирк артистары буласаҡ
Яңылыҡтар таҫмаһы // 27-03-2013, 12:46


Айыу балалары цирк артистары буласаҡ
Башҡортостан урмансылығының Өфө паркында инә айыуҙың алты балаһы тыуған. Нимәһе ҡыҙыҡ – парк хеҙмәткәрҙәре был хәл тураһында бәләкәй айыуҙарҙың үҙ аллы өң эсенән килеп сыҡҡас ҡына белеп ҡала.
Айыу балаларының өсәүһен Өфөлә гастролдә булған Филатовтар циркы һатып алды ла инде. Был цирк Башҡортостан урмансылығының Өфө паркы тәрбиәләнеүселәрен элек тә алған булған.
Ә ҡалған өс айыу балаһы әсәләренән айырым урында көтөлә.
...

Республикабыҙҙың данын яҡлайыҡ!
Яңылыҡтар таҫмаһы // 26-03-2013, 18:02


Республикабыҙҙың данын яҡлайыҡ!
Кисә «Россия 10» проекты старт алды. Уның барышында дөйөм халыҡ һайлауы менән Рәсәйҙең 10 яңы визуаль символы һайланасаҡ. Был сара 29 сентябрҙә тамамланасаҡ.
Конкурс барышында алдан һайлап алыу турында Рәсәй төбәктәренән 700-ҙән ашыу объект – иң матур тәбиғәт ҡомартҡылары, илебеҙҙең архитектура һәм мәҙәниәт ҡомартҡылары тәҡдим ителде.
Республикабыҙ унда Салауат Юлаев һәйкәле, солоҡсолоҡ, Ирәмәл тауы, Шихандар, Шүлгәнташ мәмерйәһе, «Ләлә-Тюльпан» мәсете, Янғантау тауы, Красноусол минераль һыу сығанаҡтары һәм «Ирәндек айыуы» алтыны менән күрһәтелгән. Проекттың беренсе этабында (25 март – 30 июнь) федераль округтар кимәлендә 10 объект һайланыласаҡ. Икенсе этапта (1 июль – 1 сентябрь) Рәсәйҙең бар төбәктәренән 30 объект финалда ҡараласаҡ. 2 сентябрҙән 29-ына тиклем Рәсәй буйынса 10 объект һайланасаҡ.
...

Өфө янындағы йылғалар боҙҙан иртәрәк асыласаҡ
Яңылыҡтар таҫмаһы // 26-03-2013, 17:54


Өфө янындағы йылғалар боҙҙан иртәрәк асыласаҡ Баш ҡала хакимиәтендә үткән оператив кәңәшмәлә Граждандар оборонаһы идараһының начальнигы Александр Сопин белдереүенсә, Ҡариҙел йылғаһы 4-10 апрелдә, Дим – 8-14 апрель, Ағиҙел 5-11 апрелдә боҙҙан асыласаҡ. Был иһә ғәҙәти сроктарҙан бер-ике көнгә иртәрәк тигәнде аңлата. Йыл да һыу баҫҡан Затон, Дим, Нижегородка биҫтәләре халҡы менән инструктаж үткәрелгән, ауырлы ҡатындар һәм сирлеләр иҫәбе алынған, бөтә хеҙмәттәр әҙерлек режимына күсерелгән. Әйтергә кәрәк, һыу баҫыу ҡурҡынысы янаған урындарҙа 744 йорт һанала һәм 2880 кеше йәшәй.
Өфө ҡалаһы хакимиәте башлығы Ирек Ялалов белдереүенсә, һыу баҫыу йылғаларҙың ташыуынан ғына түгел, ә ҡар иреүҙән дә булыуы мөмкин. Ҡала мэры шулай уҡ яуаплы хеҙмәттәргә ҡыҫҡа ваҡыт эсендә ямғыр коллекторҙарын таҙартырға һәм урамдарҙа һыу йыйылыуын булдырмаҫҡа бойорҙо.

...

«Башҡортостан Республикаһы кубогы»н кем яулар?
Яңылыҡтар таҫмаһы // 26-03-2013, 17:49


«Башҡортостан Республикаһы кубогы»н кем яулар? 26 августан алып 30-ына тиклем Өфөлә «Башҡортостан Республикаһы кубогы»на Халыҡ-ара традицион турнир үтәсәк. Ул 15-се мәртәбә үткәрелә һәм быйыл юбилейлы статусын аласаҡ.
Турнирҙа биш команда: «Салауат Юлаев», «Авангард», Новокузнецкиҙың «Металлург»ы һәм «Атлант»ы менән Чехияның «Энергия» (Карловы Вары) хоккейсылары көс һынашасаҡ.
Уйындарҙың теҙмәһе:
26 август (дүшәмбе):
15:00. «Авангард» — «Атлант»
19:00. «Салауат Юлаев» — «Энергия»
27 август (шишәмбе):
15:00. «Энергия» — «Металлург»
19:00. «Салауат Юлаев» — «Атлант»
28 август (шаршамбы):
15:00. «Энергия» — «Атлант»
19:00. «Авангард» — «Металлург»
29 август (кесе йома):
15:00. «Энергия» — «Авангард»
19:00. «Салауат Юлаев» — «Металлург»
30 август (йома):
15:00. «Атлант» — «Металлург»
19:00. «Салауат Юлаев» — «Авангард»....

Юғары стандартлы юл төҙөләсәк!
Яңылыҡтар таҫмаһы // 26-03-2013, 13:36


Юғары стандартлы юл төҙөләсәк! Республика автомобилселәренә һөйөнөслө яңылыҡ - быйыл «Күмертау - Һағарсын» дүрт һыҙатлы автомобиль юлы төҙөлә башлаясаҡ. Ул «Европа – Көнсығыш Ҡытай» транспорт коридорына инәсәк.
Юл Ырымбур өлкәһе Аҡбулаҡ районындағы Һағарсын ауылынан төҙөлә башлаясаҡ. Уның оҙонлоғо 190 километр тәшкил итеп, ул «1-б» – I категориялағы дөйөм тәғәйенешле магистраль юл төрөнә инәсәк.

...

Тәмәке арҡаһында үҙенең дә, күршеһенең дә өйөн яндыра
Яңылыҡтар таҫмаһы // 26-03-2013, 13:26


Тәмәке арҡаһында үҙенең дә, күршеһенең дә өйөн яндыра Кисә Дим биҫтәһендә шәхси йортта йәшәүсе кеше тәмәке төпсөгөнән арҡаһында сыҡҡан янғында һәләк була. 59 йәшлек ир туғандарының эргәһендә йәшәгән. Янғын башланғас, ут икенсе өйҙөң ҡыйығына тоҡана.
Янғын һүндереүселәр өйҙә һәләк булыусының кәүҙәһен таба. Туғандары белдереүенсә, ул эсергә лә яратҡан һәм өйөндә тәмәке лә тартҡан була....

Миллион һумдан ашыу хаҡҡа алтын урланған
Яңылыҡтар таҫмаһы // 26-03-2013, 13:22


Миллион һумдан ашыу хаҡҡа алтын урланған Өфөлә Голливуд фильмдарынан таныш сценарий буйынса ломбард талана. 12 мартта был фирмаға егет кеше инеп, сит күҙҙәр юҡлығына ышанып, үҙенең иптәштәренә сигнал бирә. Биттәренә маска кейгән ҡораллы өс ир-егет залға инә һәм һаҡ хеҙмәткәрен, һатыусы ҡыҙҙы туҡмап, витриналарға ҡуйылған ҡиммәтле әйберҙәрҙе алып ҡаса. Талаусылар ҡулына 1 миллион һумдан ашыу хаҡҡа баһаланған бер килограмдан күберәк алтын төшә.
Бер аҙнанан һуң полицияның оператив хеҙмәткәрҙәренә Өфөлә алтын әйбер һынығын һатырға теләгән егет барлығы асыҡлана. 250 грамм ҡиммәтле металды контроль һатып алыуҙа хоҡуҡ һаҡлау хеҙмәткәре ҡатнаша. Һөҙөмтәлә һатыусы ҡулға алына.

...

Май айында 13 көн ял буласаҡ
Яңылыҡтар таҫмаһы // 26-03-2013, 13:17


Май айында 13 көн ял буласаҡ РФ Хеҙмәт министрлығында белдереүенсә, май айында ял көндәрен ҡуша индереп һанағанда, 13 ял көнө буласаҡ. Был ҡыш мәлендәге ялдарҙы күсереү һөҙөмтәһе ул.
1-5 май арауығына 5-6 ғинуарға тура килгән ялдар тура килә, 10 майға 23 февраль байрамының көнө өҫтәлә. 18,19, 25, 26 май – шишәмбе-йәкшәмбе. Дөйөм һанағанда 1, 2, 3, 4, 5, 9, 10, 11, 12, 18, 19, 25, 26 май – 13 көн ялға тура киләсәк.

...


Борьба с коррупцией

[/aviable]

  • Һуңлап килгән аҡыл
  • Ҡолаҡ һал!
  • Үәт, ҡыҙыҡ! (14.09.2018)
  • Таңым нуры инең
  • Тормош – ҡуласа, әйләндереп бер баҫа
  • Тәүге һөйөү шундай ҡыҫҡа булды
  • «Уҡыусың рәхмәтле булһын»
  • «Салауат Юлаев» - «Локомотив»! Кем-кемде?
  • Тормош үҙе йәшәргә өйрәтә
  • Үәт, ҡыҙыҡ! (31.08.2018)



  • Радио Юлдаш FM