НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Башҡортостан флагы Төньяҡ ҡотопҡа ҡаҙаласаҡ!
Яңылыҡтар таҫмаһы // 28-03-2013, 12:50


Башҡортостан флагы Төньяҡ ҡотопҡа ҡаҙаласаҡ! 5 апрелдән 15 апрелгәсә «Саңғыларҙа – Төньяҡ ҡотопҡа!» исемле алтынсы бөтә Рәсәй йәштәр экспедицияһы үтәсәк. Ул «Динамо» спорт ойошмаһына 90 йыл тулыуға арнала. Матвей Шпаро һәм Борис Смолин етәкселегендә ете үҫмер Арктиканың урта өлөшөндәге дрейфта булған боҙҙар аша 110 саҡрым араны алты тәүлектә үтәсәк. Артабан команда Төньяҡ ҡотопҡа Рәсәй, «Динамо» ойошмаһы, ил төбәктәре флагтарын ҡаҙаясаҡ. Унда Башҡортостан флагы ла буласаҡ, сөнки эспедицияла Өфө ҡалаһының 100-сө мәктәбе уҡыусыһы Владислав Яхин да ҡатнаша.
Бынан тыш, спортсылар киләһе быуындар өсөн яҙылған хат менән махсус капсула ла ҡалдырасаҡ.
...

Бер йыл да үтмәйенсә йәнә төрмәгә
Яңылыҡтар таҫмаһы // 27-03-2013, 19:18


Бер йыл да үтмәйенсә йәнә төрмәгә Өфө ҡалаһында йәшәүсе ир талау һәм автомобиль урлау арҡаһында төрмәлә ултырып, былтыр июнь айында иреккә сыға. Эшкә төшмәйенсә, әсәһе биргән аҡсаға йәшәй. Шулай ҙа енәйәти үткәненә ҡарап тормай – супермаркет янындағы автомобилдән сумка урлай. Уның эсенән ҡиммәтле әйберҙәрҙе һәм аҡсаны ала.
Ноябрҙә автомобиль быялаһын ярып, видеорегистратор урлай һәм уны шунда уҡ 1500 һумға һата. Яңы йыл алдынан фургонлы автомашинаның запас тәгәрмәсенә айыу майы һөртә.
Был ир осраҡлы ғына тотола. Дуҫының машинаһында китеп барғанда, иптәше уны ҡалдырып магазинға инә. Ҡулына двигателе лә һүндерелмәгән транспорт сараһы эләккәс, бур күп уйлап тормай, автомобилде алып ҡаса. Әммә ул алыҫҡа китә алмай, полиция хеҙмәткәрҙәре уны күрше урамда көрткә батҡан көйөнсә таба.
Бер йыл да иректә булып өлгөрмәгән ирҙе яңынан төрмә көтә.
...

Тай боксынан ярыштар көтөлә
Яңылыҡтар таҫмаһы // 27-03-2013, 19:15


Тай боксынан ярыштар көтөлә
11 - 14 апрелдә 32-се балалар һәм үҫмерҙәр спорт мәктәбендә (Б. Бикбай урамы, 13) тай боксы буйынса Башҡортостан Республикаһы асыҡ чемпионаты һәм беренселеге үткәреләсәк. Был ярыш май айында Анапала үҫмерҙәр араһында үтәсәк Рәсәй беренселегендә (РСБИ уйындары) һайлап алыуға һуңғы этап. Пермь крайынан, Ханты-Мансы автономиялы округынан, Омск, Төмән һәм Силәбе өлкәләренән спортсылар килеүе көтөлә.
Тай боксы йәки муай-тай – Таиланд иленән килгән боронғо һуғыш оҫталығы булып тора. Заман тай боксында йоҙроҡ, табан, терһәк һәм тубыҡ менән һуғырға мөмкин. Ушу йәки каратэлағы һымаҡ ката, таолу формаль комплекстары унда ҡулланылмай, уның урынына ике-өс һуғыуҙан торған база элементтары, спаррингылар, «тәпәй»ҙәрҙә (лапы) һәм тоҡтар ярҙамында күнекмәләр индерелгән.
...

Ниндәй заманала йәшәйбеҙ…
Яңылыҡтар таҫмаһы // 27-03-2013, 13:37


Ниндәй заманала йәшәйбеҙ…
«eBay» интернет-аукционында Башҡортостанда йәшәүсе кеше Рәсәйҙе 1 центҡа (31 тингә) һатыуға ҡуйған. Был лотты һатып алырға 26 кеше теләк белдергән, ставка хаҡы 97,1 мең долларға (3 миллион һумдан ашыу) күтәрелгән. Әлеге ваҡытта был иғлан сайт администрацияһы тарафынан юйҙырылған.
Аукционда лот тураһында «был ил мең йыл буйы файҙаланыуҙа булды һәм яҡшы торошта» тип яҙылған. Шулай уҡ унда Рәсәйҙең майҙаны һәм халҡының иҫәбе лә күрһәтелгән.
Әйткәндәй, илебеҙҙе һатыуға Бәләбәй ҡалаһында йәшәүсе кеше ҡуйған.
«eBay»ҙа илдәрҙе һатыуға ҡуйыу осраҡтары быға тиклем дә теркәлгән. 2007 йылда шундай ысул менән Белгия һәм уның премьер-министры Ив Летермға хаҡ ҡуйылған. Исландия менән Грецияны ла һатырға теләүселәр булған.
...

Сирена тауышын ишетелһә - ҡурҡмағыҙ
Яңылыҡтар таҫмаһы // 27-03-2013, 13:36


Сирена тауышын ишетелһә - ҡурҡмағыҙ
Рәсәйҙең Ғәҙәттән тыш хәлдәр министрлығының Башҡортостан Республикаһы буйынса Баш идаралығынан белдереүҙәренсә 28 мартта үҙәкләштерелгән хәбәр итеүҙең төбәк системаһына техник тикшереү уҙғарыласаҡ. Бөтә ерҙә лә электросиреналар аша «Барығыҙға ла иғтибар!» сигналы биреләсәк. Радио һәм телевидение каналдарында «Иғтибар! Хөрмәтле Башҡортостан Республикаһы халҡы һәм ҡунаҡтар. Хәбәр итеү системаһына техник тикшереү үткәрелә! Хәбәр итеү системаһына техник тикшереү үткәрелә! Тәртип һәм тыныслыҡ һаҡлап ҡалыуығыҙ һорала» тигән иғлан тапшырыласаҡ....

Тротуарҙағы янъял
Яңылыҡтар таҫмаһы // 27-03-2013, 13:34


Тротуарҙағы янъял Өфө ҡалаһының Калинин районында ике кеше зыян күргән янъял буйынса тикшереү үткәрелә. Автомобилен туҡтау урынына ҡағиҙәләрҙе боҙоп ҡуйған водителгә өс егет иҫкәрмә яһай. Һүҙ көрәштергәндән һуң водитель уларҙың яғына травматик ҡоралдан бер нисә тапҡыр ата. Артабан үҙе һәм уның менән бергә булған кешеләр ҡаса. Ә зыян күреүсе егеттәр тән яралары ала.
Әлеге ваҡытта полиция тарафынан янъял булған урындағы сауҙа нөктәләренең видеокүҙәтеү ҡорамалдары яҙмаларын тикшерә, енәйәтселәрҙең шәхесе асыҡлана.

...

Айыу балалары цирк артистары буласаҡ
Яңылыҡтар таҫмаһы // 27-03-2013, 12:46


Айыу балалары цирк артистары буласаҡ
Башҡортостан урмансылығының Өфө паркында инә айыуҙың алты балаһы тыуған. Нимәһе ҡыҙыҡ – парк хеҙмәткәрҙәре был хәл тураһында бәләкәй айыуҙарҙың үҙ аллы өң эсенән килеп сыҡҡас ҡына белеп ҡала.
Айыу балаларының өсәүһен Өфөлә гастролдә булған Филатовтар циркы һатып алды ла инде. Был цирк Башҡортостан урмансылығының Өфө паркы тәрбиәләнеүселәрен элек тә алған булған.
Ә ҡалған өс айыу балаһы әсәләренән айырым урында көтөлә.
...

Республикабыҙҙың данын яҡлайыҡ!
Яңылыҡтар таҫмаһы // 26-03-2013, 18:02


Республикабыҙҙың данын яҡлайыҡ!
Кисә «Россия 10» проекты старт алды. Уның барышында дөйөм халыҡ һайлауы менән Рәсәйҙең 10 яңы визуаль символы һайланасаҡ. Был сара 29 сентябрҙә тамамланасаҡ.
Конкурс барышында алдан һайлап алыу турында Рәсәй төбәктәренән 700-ҙән ашыу объект – иң матур тәбиғәт ҡомартҡылары, илебеҙҙең архитектура һәм мәҙәниәт ҡомартҡылары тәҡдим ителде.
Республикабыҙ унда Салауат Юлаев һәйкәле, солоҡсолоҡ, Ирәмәл тауы, Шихандар, Шүлгәнташ мәмерйәһе, «Ләлә-Тюльпан» мәсете, Янғантау тауы, Красноусол минераль һыу сығанаҡтары һәм «Ирәндек айыуы» алтыны менән күрһәтелгән. Проекттың беренсе этабында (25 март – 30 июнь) федераль округтар кимәлендә 10 объект һайланыласаҡ. Икенсе этапта (1 июль – 1 сентябрь) Рәсәйҙең бар төбәктәренән 30 объект финалда ҡараласаҡ. 2 сентябрҙән 29-ына тиклем Рәсәй буйынса 10 объект һайланасаҡ.
...

Өфө янындағы йылғалар боҙҙан иртәрәк асыласаҡ
Яңылыҡтар таҫмаһы // 26-03-2013, 17:54


Өфө янындағы йылғалар боҙҙан иртәрәк асыласаҡ Баш ҡала хакимиәтендә үткән оператив кәңәшмәлә Граждандар оборонаһы идараһының начальнигы Александр Сопин белдереүенсә, Ҡариҙел йылғаһы 4-10 апрелдә, Дим – 8-14 апрель, Ағиҙел 5-11 апрелдә боҙҙан асыласаҡ. Был иһә ғәҙәти сроктарҙан бер-ике көнгә иртәрәк тигәнде аңлата. Йыл да һыу баҫҡан Затон, Дим, Нижегородка биҫтәләре халҡы менән инструктаж үткәрелгән, ауырлы ҡатындар һәм сирлеләр иҫәбе алынған, бөтә хеҙмәттәр әҙерлек режимына күсерелгән. Әйтергә кәрәк, һыу баҫыу ҡурҡынысы янаған урындарҙа 744 йорт һанала һәм 2880 кеше йәшәй.
Өфө ҡалаһы хакимиәте башлығы Ирек Ялалов белдереүенсә, һыу баҫыу йылғаларҙың ташыуынан ғына түгел, ә ҡар иреүҙән дә булыуы мөмкин. Ҡала мэры шулай уҡ яуаплы хеҙмәттәргә ҡыҫҡа ваҡыт эсендә ямғыр коллекторҙарын таҙартырға һәм урамдарҙа һыу йыйылыуын булдырмаҫҡа бойорҙо.

...

«Башҡортостан Республикаһы кубогы»н кем яулар?
Яңылыҡтар таҫмаһы // 26-03-2013, 17:49


«Башҡортостан Республикаһы кубогы»н кем яулар? 26 августан алып 30-ына тиклем Өфөлә «Башҡортостан Республикаһы кубогы»на Халыҡ-ара традицион турнир үтәсәк. Ул 15-се мәртәбә үткәрелә һәм быйыл юбилейлы статусын аласаҡ.
Турнирҙа биш команда: «Салауат Юлаев», «Авангард», Новокузнецкиҙың «Металлург»ы һәм «Атлант»ы менән Чехияның «Энергия» (Карловы Вары) хоккейсылары көс һынашасаҡ.
Уйындарҙың теҙмәһе:
26 август (дүшәмбе):
15:00. «Авангард» — «Атлант»
19:00. «Салауат Юлаев» — «Энергия»
27 август (шишәмбе):
15:00. «Энергия» — «Металлург»
19:00. «Салауат Юлаев» — «Атлант»
28 август (шаршамбы):
15:00. «Энергия» — «Атлант»
19:00. «Авангард» — «Металлург»
29 август (кесе йома):
15:00. «Энергия» — «Авангард»
19:00. «Салауат Юлаев» — «Металлург»
30 август (йома):
15:00. «Атлант» — «Металлург»
19:00. «Салауат Юлаев» — «Авангард»....


Борьба с коррупцией

[/aviable]

  • Ҡолаҡ һал!
  • Ҡорбанлыҡ урлыҡ менән килмәгәнме? Тикшерегеҙ
  • Организм нимә хаҡында иҫкәртә?
  • Һуңлап килгән аҡыл
  • Таңым нуры инең
  • Тәүге һөйөү шундай ҡыҫҡа булды
  • «Уҡыусың рәхмәтле булһын»
  • «Салауат Юлаев» - «Локомотив»! Кем-кемде?
  • Күп балалы бәхет
  • Тормош үҙе йәшәргә өйрәтә



  • Радио Юлдаш FM