НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Шихандар лидерлыҡты бирмәй
Яңылыҡтар таҫмаһы // 3-04-2013, 17:57


Шихандар лидерлыҡты бирмәй «Рәсәй 10» мультимедия проект-конкурсында - http://10russia.ru/sights/7/881 - тауыш биреү дауам итә.
Волга буйы федераль округы кимәлендә Стәрлетамаҡтағы Шихандар беренсе урында килә. Ул 23 меңдән ашыу тауыш йыйған.
Икенсе урында – Пермь крайындағы Көнгөр мәмерйәһе (13 мең тауыш),
Өсөнсөлә - Салауат Юлаевтың һәйкәле (14 меңдән ашыу тауыш).
Конкурс һөҙөмтәләре буйынса еңеүсе объекттарҙың бәләкәйсәйтелгән күсермәләре Мәскәү өлкәһендә барлыҡҡа киләсәк ландшафт паркында урын аласаҡ.
Тауыш биреп республикабыҙ данын яҡлайыҡ! http://10russia.ru/sights/7/881 - ошо йүнәлтмә буйынса инеп, бер компьютерҙан тәүлегенә өс мәртәбә тауыш бирергә мөмкин.

...

Һауа шарҙары фестивале уҙасаҡ
Яңылыҡтар таҫмаһы // 3-04-2013, 13:55


Һауа шарҙары фестивале уҙасаҡ 9 апрелдән 11 апрелгәсә баш ҡалала IV Өфө һауа шарҙары фестивале үткәреләсәк. Унда бирелгән темаға декораторҙар һауа шарҙарынан скульптуралар яһаясаҡ. Конкурс программаһында ҙур скульптура композицияһы, шарҙарҙан арка һәм костюм номинациялары ла билдәләнгән.
Декораторҙар Пермь крайынан, Екатеринбург, Белгород, Тольятти, Һамар, Курск, Барнаул, Качканар, Түбәнге Новгород, Ҡурған, Омск ҡалаларынан киләсәк.
Фестиваль 2014 йылда Сочила үтәсәк ҡышҡы Олимпия уйындарына бағышлана һәм «Олимпиада ышаныстары» тип исемләнә. Сара иртәнге сәғәт 11-ҙән киске сәғәт һигеҙгә тиклем дауам итәсәк.

...

60 килограмм дары табылған
Яңылыҡтар таҫмаһы // 3-04-2013, 13:51


60 килограмм дары табылған Дүшәмбелә 47 йәшлек ир Өфө ҡалаһының лицензиялау һәм рөхсәт биреү подразделениеһына мөрәжәғәт итә. Ул кискеһен гараж кооперативы янынан үткәндә, ташландыҡ тоҡ күреүен һәм унда комбикорм булыуын белдерә. Иртәнсәк килеп ҡараһа, тоҡ эсендә дары булыуын аңлай.
Әлеге ваҡытта ғариза биреүсе белдергән был версия тикшереү үтә. Тоҡ эсендәге 60 килограмм шартлатҡыс матдә экспертизаға ебәрелгән.
РФ Эске эштәр министрлығының Башҡортостан буйынса идаралығы иғлан иткән «Ҡорал тапшырған өсөн аҡса ал!» акцияһы барышында әгәр ҙә тикшереү барышында үрҙә әйтелгән версия раҫланһа, дары тапшырған кешегә 700 мең һумдан ашыу аҡса түләнәсәк.

...

Еңеү байрамында тимер юл тарифтары кәмейәсәк
Яңылыҡтар таҫмаһы // 3-04-2013, 13:47


Еңеү байрамында тимер юл тарифтары кәмейәсәкАлыҫ араларға йөрөүсе поездарға билет хаҡы 50 процентҡа төшәсәк. Был акция – миҙгелле кәметеү коэффициенты 8-9 майҙа башлана. Уның сиктәрендә был көндәрҙә плацкарт һәм дөйөм вагондарға билет хаҡы уртаса йыллыҡ тарифтарҙан 50 процентҡа осһоҙораҡ буласаҡ. 9 майҙа СВ һәм купелы вагондарға ла билет хаҡы ҡәҙимгегә ҡарағанда ярты хаҡҡа төшәсәк. Был хеҙмәт «Динамик хаҡ булдырыу» хаҡтарҙы билдәләү системаһы буйынса эшләгән поездарға ҡағылмай.
...

Тәҙрә ярып күрше-тирәһенән үс алған
Яңылыҡтар таҫмаһы // 3-04-2013, 13:44


Тәҙрә ярып күрше-тирәһенән үс алған Ошо көндәрҙә Рәсәй Эске эштәр министрлығының «Ҡырмыҫҡалы» муниципаль-ара бүлегенә 30 йәшлек Атйетәр ауылы кешеһе мөрәжәғәт итә. Уның өйөнә билдәһеҙ кеше инеп, бар нәмәне емергән була.
Полиция хеҙмәткәрҙәре бер сәғәт эсендә хоҡуҡ боҙоусыны – 24 йәшлек егетте ҡулға ала. Ул был көндө ғариза биреүсенең өйөнән тыш, ауылдағы тағы бер мунса менән һарайға төҙөлә башлаған күп фатирлы йортҡа ла зыян килтергән.
Был енәйәттең сәбәбе үҙенсәлекле – егет яңыраҡ күршеһендә йәшәгән ҡатынға хужалығында ярҙам итә. Бер нисә көн үтеүгә ул эш өсөн аҡса һорап, күршеһенә инә. Ҡатын өйҙә булмай сыға һәм егет асыуланып, ерҙә ятҡан торбаны ала һәм һарай менән мунса тәҙрәләрен яра.
Артабан ул күршелә йәшәгән 30 йәшлек ирҙең – үҙенең ағаһының дуҫы өйгә килеүен иҫләй. Был ирҙәр эсеп, хулиган егеткә йоҡларға ҡамасаулағас, хәҙер ул шуның өсөн үс алырға уйлай. Күршеһенә инһә, бәхеткә күрә, өйҙә булмай. Ләкин егет балта алып, күҙенә нимә күренә - мебелде, һауыт-һабаны, хатта ноутбукты сапҡылай.
Бынан һуң да хулиган тынысланмай, тышҡа сығып, эргәлә төҙөлөүсе кирбес йорттоң 15 тәҙрәһен селпәрәмә килтерә. Тик шунан һуң ғына ул өйөнә ҡайта һәм уны полиция хеҙмәткәрҙәре ҡулға ала.

...

«Үҙегеҙҙең ҡан баҫымын күҙәтегеҙ!»
Яңылыҡтар таҫмаһы // 2-04-2013, 17:27


«Үҙегеҙҙең ҡан баҫымын күҙәтегеҙ!» Бөтә донъя һаулыҡ һаҡлау көнө алдынан Өфө ҡалаһы халҡы ҡан баҫымы һәм күреү һәләтен тикшерә аласаҡ.
7 апрелдә үтәсәк был сараны «Үҙегеҙҙең ҡан баҫымын күҙәтегеҙ!» девизы аҫтында үткәреү ҡаралған.
Был көндә баш ҡалабыҙҙың 2-се, 38-се, 46-сы поликлиникаһында, 5-се һәм 8-се балалар поликлиникаһында урынлашҡан Һаулыҡ үҙәктәре һәм Өфөнөң дауалау-профилактика учреждениеларының табипҡа тиклем күренеү кабинеттары көсәйтелгән режимда эшләйәсәк. Һәр мөрәжәғәт итеүсенең буйы, кәүҙә ауырлығы, артериаль ҡан баҫымы, ҡандың шәкәр күләме тикшереләсәк, ауырыуҙарҙы иҫкәртеүгә ҡағылышлы кәңәштәр биреләсәк. Мохтаждар өҫтәмә тикшерелеүгә лә ебәреләсәк.
5 апрелдә 4-се, 111-се, 350-се дарыуханаларҙа артериаль ҡан баҫымын, 111-се һәм 350-се дарыуханаларҙа күреү һәләтен бушлай тикшерәсәктәр. Белем биреү учреждениеларында махсус дәрестәр һәм байрамдар үтәсәк.

...

Учалы районының яңы символы буласаҡ
Яңылыҡтар таҫмаһы // 2-04-2013, 17:22


Учалы районының яңы символы буласаҡ Тиҙҙән Учалы районында Ағиҙел йылғаһы сығыу урыны төҙөкләндереләсәк. Йылға башы – ер аҫтынан урғылып сыҡҡан шишмә тирәһе йәшмә менән биҙәләсәк, Урал батырҙың ҡылысы һынландырыласаҡ. Шулай уҡ был ергә беседка ла ҡуйыласаҡ.
Йылға башын төҙөкләндереү эскизын исеме республикала киң билдәле Әмир Шакиров яһаған. Әйткәндәй, тап ул үткән быуаттың 60-сы йылдарында ошо урында ҡуйылған, ләкин хәҙерге көндә тиклем һаҡланмаған Салауат Юлаевҡа арналған ағас һәйкәлдең авторы булып тора.
Урал батыр комплексын ҡороуға аҡсаны бағыусылар бүлгән. Шишмә башын тәртипкә килтереү эштәре йәйгеһен башҡарыласаҡ.

...

Башҡорт тирмәләре Силәбелә сығарыла башлаясаҡ
Яңылыҡтар таҫмаһы // 2-04-2013, 17:17


Башҡорт тирмәләре Силәбелә сығарыла башлаясаҡ
Халҡыбыҙҙың күсереп йөрөтмәле йәйге торлағы төрлө үлсәмдә һәм конструкцияла Силәбелә йыйыласаҡ. Әлегә тиклем тирмәләр республикала ғына сығарыла ине.
Ошо көндәрҙә Силәбеләге Башҡортостан Республикаһы вәкиле Амур Хәбибуллин һәм урындағы бер фирма директоры араһында килешеү төҙөлдө. Уға ярашлы, яңы производствола тирмә каркасы тәүге осорҙа тимер торбаларҙан яһалһа, артабан еңеләйтелгән арматуралы махсус пластик конструкцияға күсәсәктәр. Диаметры 6, 12 һәм 18 метр булған был тирмәләрҙе ҡышҡыһын да ҡулланырға мөмкин. Хәҙерге заман тирмәһен ҡунаҡ өйө йәки беседка итергә лә була.
...

Өфөләр экологияға битараф түгел
Яңылыҡтар таҫмаһы // 2-04-2013, 13:16


Өфөләр экологияға битараф түгел Алдан хәбәр итеүебеҙсә - http://www.ye02.ru/news/online/6858-124011...5yraby1177.html - 30 мартта БР «Тәбиғәт» дәүләт унитар предприятиеһы хеҙмәткәрҙәре ЭКА хәрәкәте әүҙемдәре менән берлектә «Субботка-переработка» экологик акцияһын ойошторҙо. Ҡала халҡы көн һыуыҡ тип ҡарап торманы, сараға теләп килде. Өфө дәүләт профессиональ-педагогия колледжы студенттары унда практик дәрестәр сиктәрендә ҡатнашты.
Илленән ашыу энергияны һаҡлаусы лампа алып килгән егет уларҙы эшендәге коллегаларҙан йыйып алыуын белдерҙе. Тирә-яҡ мөхитте һаҡларға теләгән ошондай кешеләрҙең булыуына тик «афарин» тиергә генә ҡала.
Ә «Тәбиғәт»тең инженер-экологы Альбина Шәмсетдинова белдереүенсә, тәбиғәтте һаҡлау һәр беребеҙҙең бурысы булып тора.
- Дөйөм йортобоҙ – Ерҙе балаларыбыҙға һәм артабанғы быуындарға яҡшы хәлдә тапшырырға тейешбеҙ. Тәбиғәттә булған етди процестарға беҙ һәр ваҡыт ҡыҫыла алмайбыҙ, ләкин йәшәгән урыныбыҙҙы, ял иткән ерҙе таҙа тоторға бурыслыбыҙ. Экология проблемаларына иғтибар иткән кешеләрҙең күбәйеүе тик шатландыра ғына. Был иһә ҡалабыҙҙың көндән-көн таҙара барыуын күрһәтә, тип тамамланы ул һүҙен.
Шәмбе акцияһы йомғаҡтары буйынса барлығы 355 кг макулатура, 2 кг быяла, 2 кг пластик һәм полиэтилен, 65 энергияны һаҡлаусы лампа, 2 кг ҡалай, 32 кг металл һынығы, 9 батарея йыйылды.

...

Һаҡ булығыҙ! Алдаҡсы «ейән»дәр инәйҙәрҙе талай
Яңылыҡтар таҫмаһы // 2-04-2013, 13:05


Һаҡ булығыҙ! Алдаҡсы «ейән»дәр инәйҙәрҙе талай
Октябрьский ҡалаһында йәшәгән 84 йәшлек инәйҙең фатирында көндөҙ телефон шылтырай. Трубкала Губкинский ҡалаһында йәшәгән ейәненең тауышы яңғырай. Уның тиҙ һөйләүенә ҡарағанда, ул бер ҡыҙҙы тапата. Зыян күреүсе дауахананың реанимация бүлегенә һалынған, ә полиция менән проблемаларҙы хәл итергә аҡса кәрәк. Инәйҙең ейәне тәғәйен сумманы әйтмәй, йыя алған тиклемде дуҫым аша ебәр, тип белдерә.
Бер аҙ ваҡыттан тағы ла телефон шылтырай. Был иһә аҡса артынан килгән ейәненең дуҫы була. Инәй уға үҙен ерләргә тәғәйенләп йыйған аҡсаһын – барлығы 50 мең һумды биреп ебәрә.
Аҙаҡтан, үҙенең туғандары менән шылтыратышып хәл белешкәс кенә инәй үҙенең мутлашыусылар тарафынан алдағанын белә. Ул полициға мөрәжәғәт итә, ләкин аҡсаны алып китеүсе кешенең автомобиль маркаһын да, номерын да иҫләй алмай.
Бер көндән полицияның дежур часына тағы ла бер телефон ҡорбаны мөрәжәғәт итә. 87 йәшлек инәй ҙә ошо сценарий буйынса талана. «Ейән»енең дуҫтарына ул 15 мең һум аҡса бирә.
Был ике мутлашыу факты буйынса енәйәти эш ҡуҙғатылған.
Ә беҙ, үҙ сиратыбыҙҙа, телефон аферистары хәүефе барлығын иҫтә тоторға, улар айырыуса яңғыҙ йәшәгән оло йәштәгеләр менән мутлашыуҙарын күҙ уңынан ысҡындырмаҫҡа тейеш....


Борьба с коррупцией

[/aviable]

  • Һуңлап килгән аҡыл
  • Ҡолаҡ һал!
  • Үәт, ҡыҙыҡ! (14.09.2018)
  • Таңым нуры инең
  • Тәүге һөйөү шундай ҡыҫҡа булды
  • «Уҡыусың рәхмәтле булһын»
  • «Салауат Юлаев» - «Локомотив»! Кем-кемде?
  • Тормош үҙе йәшәргә өйрәтә
  • Үәт, ҡыҙыҡ! (31.08.2018)
  • Ылау (Хикәйә)



  • Радио Юлдаш FM