НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Динара КӘРИМОВА: “Тормошта үҙемде төрлө яҡтан һынап ҡарарға теләйем”
Яңылыҡтар таҫмаһы / Объявления // 9-12-2016, 13:05


Динара КӘРИМОВА:  “Тормошта үҙемде  төрлө яҡтан һынап  ҡарарға теләйем”
1994 йылда Өфө ҡалаһында тыуғанмын. Әлеге көндә юғары уҡыу йортонда ике йүнәлештә белем алам.
Ҡала шарттарында рухлы башҡорт ҡыҙы булып буй еткергәнемә сикһеҙ ҡыуанам. Уй-фекерҙәремде кескәй­ҙәр һәм өлкәндәргә тәғәйенләнгән шиғыр­ҙарымда, мәҡәләләремдә еткерә алғаныма, күңелемдә ижади орлоҡ яралғанына Аллаһы Тәғәләгә шөкөр итәм. Туған телемә мөхәббәт, халҡым тарихына ихтирамлы мөнәсәбәт тәрбиәләгәне өсөн атай-әсәйемә рәхмәтлемен.
Күп ҡырлы тормошобоҙҙа үҙемде төрлө яҡтан һынап ҡарарға теләйем. Уҡыу, фән, ижтимағи эшмәкәрлек өлкәһендә әүҙем ҡатнашам. 2015 йылда Мостай Кәрим исемендәге фонд грантына лайыҡ булыуым яңы ынтылыш бирҙе. Кескәйҙәр өсөн “Белгем килә бөтәһен!”, “Бәүелсәкле Аҡбуҙат” исемле шиғыр-буям китаптарым донъя күреүе күңелемде үҫтереп, ҙур яуаплылыҡ та өҫтәне.
Хәҙерге заман кешеһе донъя артынан ҡыуғанда рухи ҡиммәттәрен, милли үҙаңын онотмаһын ине.
Киләсәктә башҡортомдоң лайыҡлы ҡыҙы булып, матбуғатыбыҙға үҙ өлөшөмдө индерергә яҙһын.
...

Һәр яҡтан да уңған ҡыҙ
Яңылыҡтар таҫмаһы / Объявления // 6-12-2016, 12:12


Һәр яҡтан да уңған ҡыҙ
Һүрәттәге һылыуҡай – Әлиә Рәшит ҡыҙы Рәшитова. Ул Архангел районының Горный ауылында тыуып үҫкән. Әлиәгә 18 йәш.
Бәләкәй сағынан хайуандарҙы яратыуы уны Башҡорт дәүләт аграр университетының ветеринария факультетына алып килгән. Ҡыҙ йәмәғәт эшендә лә әүҙем, быйыл йәйгеһен “Ырыу” командаһы менән Белгород ҡалаһында IV Рәсәй юғары уҡыу йорттары студенттары ижады фестивалендә ҡатнашып, I дәрәжә лауреат исемен алыуға ҙур көс һалған.
Әлиә буш мәлдәрендә тәбиғәт күренештәрен оҫта итеп фотоға төшөрә, йырларға ярата....

Ҡабаҡлы ҡоймаҡтарҙан торт-ҡабымлыҡ
Яңылыҡтар таҫмаһы / Объявления // 4-12-2016, 13:08


Ҡабаҡлы ҡоймаҡтарҙан торт-ҡабымлыҡУртаса ҙурлыҡтағы 2 ҡабаҡты (кабачки) тышынан һәм орлоҡтарынан таҙартып ҡырғыс аша үткәрәбеҙ. Уға 2 йомортҡа, тоҙ, борос, самалап он (4-5 аш ҡалағы) һалып уртаса шыйыҡлыҡта ҡамыр бутайбыҙ. Был массанан майлы табала 6 ҙур ҡоймаҡ бешереп алабыҙ.
3 аш ҡалағы майонезға 2 тырнаҡ һарымһаҡты иҙеп, 200 грамм ҡаты сырҙы ҡырғыс аша үткәреп һалып бутайбыҙ. Ҡоймаҡтарҙы ҙур тәрилкәгә ҡатлам -ҡатлам итеп һалабыҙ. Һәр ҡат араһына сырлы массаны һыларға, түңәрәкләп теленгән помидор һалырға. Ә иң өҫкө ҡоймаҡ өҫтөнә түңәрәкләп туралған зәйтүн емешен һибергә була.
Был ҡабымлыҡты табынға йылы килеш тә, һыуытып та бирергә була. Ифрат тәмле ризыҡ, һис шикһеҙ бешереп ҡарағыҙ!...

Кәбеҫтәнән бәләкәй бәлештәр
Яңылыҡтар таҫмаһы / Объявления // 30-11-2016, 13:02


Кәбеҫтәнән бәләкәй бәлештәрБәлеш өсөн әсеткеле, шулай уҡ сөсө ҡамыр ҙа ярай. Мин шулай ҙа уны әсеткеле ҡамырҙан яһарға тырышам.
Ярты литр йылымыс һөткә 2-3 аш ҡалағы сөпрә (ҡабартҡы), 3 аш ҡалағы шәкәр һалып болғатырға. Уға өй температураһында йомшарған 200 грамм аҡ май (маргарин да ярай), 3 йомартҡа, 4 аш ҡалағы үҫемлек майы, тәменә ҡарап тоҙ һәм 2 стакан он һалып шыйыҡ ҡамыр туҡыйбыҙ. 1 сәғәт тирәһе ултырып ҡабарғас, тағы ла ярты кило тирәһе он һалып йомшаҡ ҡамыр баҫабыҙ. Уны йылы урынға ҡуйып тағы ла бер ҡабартып алырға.
Ҡамырҙы бәләкәй киҫәктәргә бүлеп әүәләргә лә, йәймәләр йәйергә. Уның уртаһына эслекте һалып, ярым ай кеүек ҡырҙарын семетеп сығырға ла майланған табаға теҙеп сығырға. Бәлештәрҙең өҫтөнә туҡылған йомортҡа һарыһы һөртөп, ҡайнар мейестә әҙер булғансы бешерергә.
Эслек өсөн уртаса ҙурлыҡтағы кәбеҫтәнең яртыһын ваҡ ҡына итеп турарға. Уға тоҙ һибеп оҙаҡ итеп ҡул менән ыуырға кәрәк. (Массаның күләме ике тапҡырға кәмергә тейеш). Кәбеҫтәне һыуынан һарҡытып алырға ла, уға бешеп туралған 4 йомортҡа, 100 грамм тирәһе иретелгән аҡ май, 1 сәй ҡалағы шәкәр ҡомо һалып яҡшылап бутарға....

Тиҙ тоҙланған кәбеҫтә
Яңылыҡтар таҫмаһы / Объявления // 28-11-2016, 17:17


Тиҙ тоҙланған кәбеҫтә
Бер-нисә аҙна элек арзанлығына ҡыҙығып күп итеп кәбеҫтә алғайным. Ял көндәрендә ҡараһам һуңғы ике башы һулыған кеүек йомшай башлаған. Бәлеш бешерергә ирендем, борщ итергә һуң: туҡмаслы аш бешереп өлгөргәйнем. Оҙаҡ уйлап торманым, тоҙларға булып киттем. Апайыма рецепт һорап шалтратыуым булды, маҡтай-маҡтай тиҙ өлгөрә торған ысулды өйрәтә башланы. Ысынлап та, шәмбе көнө эшләгәйнем, кисә кис ашарлыҡ булды.
3 литрлы банкаға 2 килограмм тирәһе кәбеҫтә кәрәк буласаҡ. Кәбеҫтәне, 3 баш кишерҙе һаламлап турарға, уға 3 тырнаҡ һарымһаҡты иҙеп һалырға. Бутағас, йәшелсәләрҙе әллә ни тығыҙ итмәй генә банкаға тутырҙым да, өҫтөнә йылымыс рассол ҡойҙом.
Рассол өсөн 1 литр һыуға 100 грамм шәкәр, 2 аш ҡалағы тоҙ һалып ҡайнатып сығарырға. Ул йылымсаланғас 2 аш ҡалағы уксус, 150 грамм үҫемлек майы һалып бутарға.
Икенсе көнгә тоҙло кәбеҫтә әҙер ҙә була. Аштарығыҙ тәмле булһын!...

Йомортҡанан кәмәләр
Яңылыҡтар таҫмаһы / Объявления // 27-11-2016, 13:06


Йомортҡанан кәмәләрОҙаҡламай Яңы йыл байрамы етә. Байрам табынына йәтеш кенә әҙерләнгән, әммә биҙәк булып ултырасаҡ бер ҡабымлыҡ әҙерләргә өйрәтмәксемен.
Йомортҡаны һыуҙа әҙер булғансы бешергәс уны таҙартып ике өлөшкә бүләбеҙ. Ипләп кенә һарыһын айырып алып, уға тоҙ, борос, майонез, ҡырғыс аша үткәрелгән сыр (йомшағы ла, ҡатыһы ла ярай) менән бутарға. Был массаны матур ғына итеп ҡабат йоморҡа ағына тултырырға. Кәмәләрҙең өҫтөнә ярты ҡалаҡ ҡыҙыл ыуылдырыҡ һалабыҙ, ҡаты сырҙы йоҡа ғына итеп киҫеп, тештаҙартҡыс ярҙамында елкәндәр эшләйбеҙ ҙә, кәмәләргә сәнсеп сығабыҙ.
Ҡабымлыҡ әҙер! Тәмле лә, матур ҙа!...

Пахлава, йәки төрөк тәмлекәсе
Яңылыҡтар таҫмаһы / Объявления // 26-11-2016, 13:04


Пахлава, йәки төрөк тәмлекәсеТөрлө төрөк кафеларында тәмлекәстәр һатыла. Шулар араһынан пахлаваны ныыыыыыҡ яратам. Гел һатып алмаҫ өсөн махсус видеонан бешергә өйрәнеп алдым. Әлбиттә, төрөк кешеһе бешергән кеүек тәмле килеп сыҡмай (ысын булһа был тәмлекәстәрҙе бешерер өсөн ашнаҡсыларҙы 2 йыл уҡыталар ти), шулай ҙа бешереп ҡарарға була.
4 йомортҡаны миксер менән күперткәнсе туҡыйбыҙ, уға 3-4 аш ҡалағы йылымыс һөт, әҙ генә иретелгән аҡ май, сода һәм 450 грамм тирәһе он һалып ҡатыраҡ ҡамыр баҫабыҙ. Уны 10-14 киҫәккә (ҡатламдар һанына ҡарап) бүлеп, бешерәсәк таба ҙурлығында йәймәләр йәйәбеҙ (тәүге ҡат ҙурыраҡ булып, табаның ситенән сығып торорға тейеш). Йәймәләр йоҡа ғына булһын.
100 грам грек сәтләүеген ваҡлап турап шул уҡ күләмдәге шәкәр ҡомо менән бутарға.
Майланған табаға йәймәләрҙең һәр береһен иретелгән аҡ май менән майлап, шәкәрле сәтләүекте һибеп, ҡатлап-ҡатлап һалабыҙ (өҫкө ҡатламдан тыш).
Аҫҡы йәймә менән өҫкө йәймәләрҙе йәбештереп сыҡҡас, пахлаваны үткер бысаҡ менән шаҡмаҡлап киҫеп сығабыҙ. Аҫҡы бер-нисә ҡат киҫелмәй ҡала. Аҙаҡ уның өҫтөнә туҡылған йомортҡа һарыһын һөртөп ҡайнар мейестә бешереп алабыҙ. Ул һыуынмаҫ борон киҫкән урындар буйлап шыйыҡ бал ҡойоп сығырға.
Пахлаваны киҫәктәрен бер-береһенән айырып һыуытҡас ҡына табынға бирергә ярай.
Сәйҙәрегеҙ тәмле булһын, ҡәҙерле дуҫтар!...

Бауырҙан ҡабымлыҡ
Яңылыҡтар таҫмаһы / Объявления // 24-11-2016, 14:09


Бауырҙан ҡабымлыҡ300 г бешкән бауырҙы эре ҡырғыстан үткәрегеҙ. 5 – 6 йомортҡаны туҡып, табала йоҡа ғына итеп ҡоймаҡ ҡойоп алығыҙ. Ҡоймаҡты ҡатлап һалып, ваҡ ҡына итеп турағыҙ. Уртаса ҙурлыҡтағы 3 – 4 баш һуғанды ярым балдаҡлап ҡырҡығыҙ. Бөтәһен бергә ҡушып, майонез һалып бутағыҙ. Ярты лимон һутын һыҡһағыҙ, тағы ла яҡшыраҡ. 1 – 2 бүлкәт һарымһаҡ ҡушырға ла мөмкин.

...

Тәмле ҡабартмалар
Яңылыҡтар таҫмаһы / Объявления // 24-11-2016, 13:58


Тәмле ҡабартмаларЯрты литр һөттө бер аҙ йылытып уға ярты стакан һыу, 3 аш ҡалағы шәкәр, 10 грамм ҡоро сөпрәне һалып бутарға ла, 10-15 минут тирәһе ултыртып торорға. Уға 2 йомортҡа, 120 грамм иретелгән аҡ май, сама менән тоҙ һәм он һалып (артыҡ ҡаты булмаҫлыҡ итеп ) ҡамыр баҫырға. Ҡамыр ҡабарғас уны 1 см ҡалынлығында йәйергә лә, стакан ярҙамында түңәрәктәр киҫеп алырға.
Уртаса ҙурлыҡтағы табаға үҫемлек майы ҡойоп ҡайнатып сығарабыҙ ҙа унда ҡабартмаларҙы ике яҡлап бешереп алабыҙ. Артыҡ май булмаһын өсөн уларҙы салфеткаларға һалып торорға була.
Сәйҙәрегеҙ тәмле булһын!...

Эремсекле печенье
Яңылыҡтар таҫмаһы / Объявления // 23-11-2016, 18:30


Эремсекле печенье
150 г он, 150 г шыйыҡ бал, 150 г эремсек, 150 г шәкәр, 100 г аҡ май, ярты лимон, 2 йомортҡа һарыһы, 1 балғалаҡ ҡамыр йомшартҡыс, 1 балғалаҡ төйөлгән дәрсен (корица) кәрәк.
Тәрән табаға май һалығыҙ, бал өҫтәгеҙ, май ирегәнсе һәм бал менән ҡушылып бер төрлө ҡатнашма хасил булғансы болғатығыҙ. Аҙаҡ уттан алып, бер аҙ һыуытығыҙ. Эремсекте иләк аша үткәреп, бал һәм май ҡатнашмаһына өҫтәгеҙ. Лимонды ҡабығы менән бергә ҡырғыс аша ҡырығыҙ. Эремсек ҡатнашмаһын икенсе һауытҡа бушатығыҙ, йомортҡа һарыһы, лимон, дәрсен һәм ҡамыр йомшартҡыс өҫтәп, яҡшылап бутағыҙ. Онға эремсек ҡатнашмаһын ҡушып, ҡамыр баҫығыҙ һәм уны 1 см ҡалынлыҡта йәйегеҙ. Түңәрәк, шаҡмаҡ итеп ҡырҡып алығыҙ. Мейесте 200 градусҡа тиклем ҡыҙҙырығыҙ. Печеньены майлы табаға теҙегеҙ, өҫтөнә шәкәр һибегеҙ һәм 15 минут бешерегеҙ. Табынға бирер алдынан өҫтөнә шәкәр оно һибегеҙ.

...


  • Исемең матур, кемдәр ҡушҡан, Һине күреп кем туйған…
  • Дилә ИШБАЕВА.
  • “Кеше үлемендә минең дә ғәйебем бар...”
  • Ҡалған ризыҡты нимә эшләтергә?
  • Үҙҙәре «һауын»ға әйләнеп бара...
  • Үәт, ҡыҙыҡ! (3.11.2017)
  • Донъяһына күрә түрәһе
  • Ләйсән Ҡаразбаева хәбәр итә:
  • Бала тәрбиәләүсе ғаиләләр өсөн ташламалар һәм пособиелар
  • Кешегә исем бүләк итәләр



  • Радио Юлдаш FM