НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Тиҙ тоҙланған кәбеҫтә
Яңылыҡтар таҫмаһы / Объявления // 28-11-2016, 17:17


Тиҙ тоҙланған кәбеҫтә
Бер-нисә аҙна элек арзанлығына ҡыҙығып күп итеп кәбеҫтә алғайным. Ял көндәрендә ҡараһам һуңғы ике башы һулыған кеүек йомшай башлаған. Бәлеш бешерергә ирендем, борщ итергә һуң: туҡмаслы аш бешереп өлгөргәйнем. Оҙаҡ уйлап торманым, тоҙларға булып киттем. Апайыма рецепт һорап шалтратыуым булды, маҡтай-маҡтай тиҙ өлгөрә торған ысулды өйрәтә башланы. Ысынлап та, шәмбе көнө эшләгәйнем, кисә кис ашарлыҡ булды.
3 литрлы банкаға 2 килограмм тирәһе кәбеҫтә кәрәк буласаҡ. Кәбеҫтәне, 3 баш кишерҙе һаламлап турарға, уға 3 тырнаҡ һарымһаҡты иҙеп һалырға. Бутағас, йәшелсәләрҙе әллә ни тығыҙ итмәй генә банкаға тутырҙым да, өҫтөнә йылымыс рассол ҡойҙом.
Рассол өсөн 1 литр һыуға 100 грамм шәкәр, 2 аш ҡалағы тоҙ һалып ҡайнатып сығарырға. Ул йылымсаланғас 2 аш ҡалағы уксус, 150 грамм үҫемлек майы һалып бутарға.
Икенсе көнгә тоҙло кәбеҫтә әҙер ҙә була. Аштарығыҙ тәмле булһын!...

Йомортҡанан кәмәләр
Яңылыҡтар таҫмаһы / Объявления // 27-11-2016, 13:06


Йомортҡанан кәмәләрОҙаҡламай Яңы йыл байрамы етә. Байрам табынына йәтеш кенә әҙерләнгән, әммә биҙәк булып ултырасаҡ бер ҡабымлыҡ әҙерләргә өйрәтмәксемен.
Йомортҡаны һыуҙа әҙер булғансы бешергәс уны таҙартып ике өлөшкә бүләбеҙ. Ипләп кенә һарыһын айырып алып, уға тоҙ, борос, майонез, ҡырғыс аша үткәрелгән сыр (йомшағы ла, ҡатыһы ла ярай) менән бутарға. Был массаны матур ғына итеп ҡабат йоморҡа ағына тултырырға. Кәмәләрҙең өҫтөнә ярты ҡалаҡ ҡыҙыл ыуылдырыҡ һалабыҙ, ҡаты сырҙы йоҡа ғына итеп киҫеп, тештаҙартҡыс ярҙамында елкәндәр эшләйбеҙ ҙә, кәмәләргә сәнсеп сығабыҙ.
Ҡабымлыҡ әҙер! Тәмле лә, матур ҙа!...

Пахлава, йәки төрөк тәмлекәсе
Яңылыҡтар таҫмаһы / Объявления // 26-11-2016, 13:04


Пахлава, йәки төрөк тәмлекәсеТөрлө төрөк кафеларында тәмлекәстәр һатыла. Шулар араһынан пахлаваны ныыыыыыҡ яратам. Гел һатып алмаҫ өсөн махсус видеонан бешергә өйрәнеп алдым. Әлбиттә, төрөк кешеһе бешергән кеүек тәмле килеп сыҡмай (ысын булһа был тәмлекәстәрҙе бешерер өсөн ашнаҡсыларҙы 2 йыл уҡыталар ти), шулай ҙа бешереп ҡарарға була.
4 йомортҡаны миксер менән күперткәнсе туҡыйбыҙ, уға 3-4 аш ҡалағы йылымыс һөт, әҙ генә иретелгән аҡ май, сода һәм 450 грамм тирәһе он һалып ҡатыраҡ ҡамыр баҫабыҙ. Уны 10-14 киҫәккә (ҡатламдар һанына ҡарап) бүлеп, бешерәсәк таба ҙурлығында йәймәләр йәйәбеҙ (тәүге ҡат ҙурыраҡ булып, табаның ситенән сығып торорға тейеш). Йәймәләр йоҡа ғына булһын.
100 грам грек сәтләүеген ваҡлап турап шул уҡ күләмдәге шәкәр ҡомо менән бутарға.
Майланған табаға йәймәләрҙең һәр береһен иретелгән аҡ май менән майлап, шәкәрле сәтләүекте һибеп, ҡатлап-ҡатлап һалабыҙ (өҫкө ҡатламдан тыш).
Аҫҡы йәймә менән өҫкө йәймәләрҙе йәбештереп сыҡҡас, пахлаваны үткер бысаҡ менән шаҡмаҡлап киҫеп сығабыҙ. Аҫҡы бер-нисә ҡат киҫелмәй ҡала. Аҙаҡ уның өҫтөнә туҡылған йомортҡа һарыһын һөртөп ҡайнар мейестә бешереп алабыҙ. Ул һыуынмаҫ борон киҫкән урындар буйлап шыйыҡ бал ҡойоп сығырға.
Пахлаваны киҫәктәрен бер-береһенән айырып һыуытҡас ҡына табынға бирергә ярай.
Сәйҙәрегеҙ тәмле булһын, ҡәҙерле дуҫтар!...

Бауырҙан ҡабымлыҡ
Яңылыҡтар таҫмаһы / Объявления // 24-11-2016, 14:09


Бауырҙан ҡабымлыҡ300 г бешкән бауырҙы эре ҡырғыстан үткәрегеҙ. 5 – 6 йомортҡаны туҡып, табала йоҡа ғына итеп ҡоймаҡ ҡойоп алығыҙ. Ҡоймаҡты ҡатлап һалып, ваҡ ҡына итеп турағыҙ. Уртаса ҙурлыҡтағы 3 – 4 баш һуғанды ярым балдаҡлап ҡырҡығыҙ. Бөтәһен бергә ҡушып, майонез һалып бутағыҙ. Ярты лимон һутын һыҡһағыҙ, тағы ла яҡшыраҡ. 1 – 2 бүлкәт һарымһаҡ ҡушырға ла мөмкин.

...

Тәмле ҡабартмалар
Яңылыҡтар таҫмаһы / Объявления // 24-11-2016, 13:58


Тәмле ҡабартмаларЯрты литр һөттө бер аҙ йылытып уға ярты стакан һыу, 3 аш ҡалағы шәкәр, 10 грамм ҡоро сөпрәне һалып бутарға ла, 10-15 минут тирәһе ултыртып торорға. Уға 2 йомортҡа, 120 грамм иретелгән аҡ май, сама менән тоҙ һәм он һалып (артыҡ ҡаты булмаҫлыҡ итеп ) ҡамыр баҫырға. Ҡамыр ҡабарғас уны 1 см ҡалынлығында йәйергә лә, стакан ярҙамында түңәрәктәр киҫеп алырға.
Уртаса ҙурлыҡтағы табаға үҫемлек майы ҡойоп ҡайнатып сығарабыҙ ҙа унда ҡабартмаларҙы ике яҡлап бешереп алабыҙ. Артыҡ май булмаһын өсөн уларҙы салфеткаларға һалып торорға була.
Сәйҙәрегеҙ тәмле булһын!...

Эремсекле печенье
Яңылыҡтар таҫмаһы / Объявления // 23-11-2016, 18:30


Эремсекле печенье
150 г он, 150 г шыйыҡ бал, 150 г эремсек, 150 г шәкәр, 100 г аҡ май, ярты лимон, 2 йомортҡа һарыһы, 1 балғалаҡ ҡамыр йомшартҡыс, 1 балғалаҡ төйөлгән дәрсен (корица) кәрәк.
Тәрән табаға май һалығыҙ, бал өҫтәгеҙ, май ирегәнсе һәм бал менән ҡушылып бер төрлө ҡатнашма хасил булғансы болғатығыҙ. Аҙаҡ уттан алып, бер аҙ һыуытығыҙ. Эремсекте иләк аша үткәреп, бал һәм май ҡатнашмаһына өҫтәгеҙ. Лимонды ҡабығы менән бергә ҡырғыс аша ҡырығыҙ. Эремсек ҡатнашмаһын икенсе һауытҡа бушатығыҙ, йомортҡа һарыһы, лимон, дәрсен һәм ҡамыр йомшартҡыс өҫтәп, яҡшылап бутағыҙ. Онға эремсек ҡатнашмаһын ҡушып, ҡамыр баҫығыҙ һәм уны 1 см ҡалынлыҡта йәйегеҙ. Түңәрәк, шаҡмаҡ итеп ҡырҡып алығыҙ. Мейесте 200 градусҡа тиклем ҡыҙҙырығыҙ. Печеньены майлы табаға теҙегеҙ, өҫтөнә шәкәр һибегеҙ һәм 15 минут бешерегеҙ. Табынға бирер алдынан өҫтөнә шәкәр оно һибегеҙ.

...

Ҡабаҡтан ҡоймаҡтар
Яңылыҡтар таҫмаһы / Объявления // 22-11-2016, 16:08


Ҡабаҡтан ҡоймаҡтар
Ауылдан алып килгән бер ҡабаҡ (кабачки) бешергә сират көтөп ята ине. Бер көн уларҙан ҡоймаҡ ҡойоп ҡараным әле. Быға тиклем дә бешергәнем булды, тик был юлы әҙ генә үҙгәртеп ҡараным.
Таҙартылған ҡабаҡты (200 грамм тирәһе) әҙер булғансы духовкала бешереп алдым да, уны блендер менән иҙҙем. Уға 2 йомортҡа, 4 аш ҡалағы шәкәр, 1 стакан һөт, 1,5 стакан он һәм бер ҡап ҡабартҡыс (разрыхлитель) ҡушып ҡамыр әҙерләнем.
Майланған табала ике яҙлап ҡоймаҡты ҡыҙҙырып алаһың да, тәмлекәс әҙер ҙә була. Табынға уны бал менән бирергә була....

“Ябайлыҡты яратам, “йондоҙ” булырға ынтылмайым”
Яңылыҡтар таҫмаһы / Объявления // 21-11-2016, 15:27


“Ябайлыҡты яратам,  “йондоҙ” булырға  ынтылмайым”
йәки Популяр тележурналист нисек итеп 5-се кластан балалар баҡсаһында эшләй башлаған

21 ноябрҙә Бөтә донъя телевидение көнө билдәләнә. Ошо уңай­ҙан “Йәшлек” ҡунағы”на Башҡортостан телетамашасыларына “Тай-тулаҡ”, “Шәп арба”, “Көндәлек”, “Бала-саға” тапшырыуҙары аша яҡшы билдәле журналист, алып барыусы Фәрхәт ҒӘЙНЕТДИНОВТЫ саҡырҙыҡ....

Тултырылған балыҡ
Яңылыҡтар таҫмаһы / Объявления // 20-11-2016, 10:40


Тултырылған балыҡ
Эй ошолай бешерелгән балыҡты яратам мин!!!! Берәй ҡунаҡта уны күрһәм, барлыҡ салаттарҙан баш тартып, тултырыған балыҡ ҡына ашап ултырам. Әммә уны өйҙә әҙерләүе ой-ой ҡатмарлы! Оҫталығым менән маҡтана алмайым: тәмле килеп сыға ул, әммә биҙәлеше әллә ни түгел. Шуға күрә әлегә кеше күп саҡта бешермәҫкә тырышам))) Йәмшәйгән, ҡыйшайған, тиреһе 2-3 урындан йыртылған балыҡты минең әҙерләүҙә биииик һирәк кенә кешеләр тәмләне))
Был һүрәт интернет селтәренән алынды)
Тултырыу өсөн 1,5-2 килограмлы, әҙ ҡылсыҡлы, итле балыҡ алырға кәрәк. Уның тиреһен йыртмайынса ғына, ипләп кенә тәңкәләренән таҙартырға. Ә эсен баш яғынан ғына ҡырҡып алаһың. Йыуып, таҙартҡас һыуын һарҡытып алаһың. Балыҡты икегә йәки өскә бүлеп (ҙурлығына ҡарап), тиреһен йырмайса ғына үткер бысаҡ менән итен алырға, уны ҡылсыҡтарынан таҙартырға.
Балыҡ итенә аҡ икмәк (200-300 грамм тирәһе), 2 кишер ҡушып 2 тапҡыр ит тартҡыс аша үткәрергә. Был массаға майҙа ҡыҙҙырылған 2 баш һуған, тоҙ, борос, 2 йомортҡа ҡушып яҡшылап бутарға.
Яйлап ҡына ошо массаны балыҡ тиреһе эсенән тултыра башлайбыҙ. Һәр бүлкәтте бысаҡтың үтмәҫ яғы менән тигеҙләй барырға кәрәк.
Духовка табаһын майлап балыҡты матурлап һалырға ла, яртылаш күмелерлек итеп һыу ҡойорға. Өҫтөн фольга менән ҡаплап ҡайнар мейестә 1 тирәһе бешереп алабыҙ.
Был тәмле балыҡты табынға һәр кем үҙенсә биҙәп бирә.
Ризыҡты әҙерләү мәшәҡәтле, әммә ул өмөттәрҙе аҡлаясаҡ: тәме телеңде йоторлоҡ була!...

Эремсектән тәмле запеканка
Яңылыҡтар таҫмаһы / Объявления // 19-11-2016, 10:43


Эремсектән тәмле запеканка
Ярты килограмм эремсекте иләк аша үткәреп, уға 3-әр аш ҡалағы манный ярмаһы, шәкәр ҡомо, ҡайнар һыуҙа бүрттерелгән ярты стакан йөҙөм емеше, иҙелгән 1 банан ҡушып яҡшылап бутарға кәрәк. Әгәр масса ҡоро кеүек күренһә уға ҡаймаҡ ҡушырға була.
Әҙер массаны майланған фольга йәйеп, табала 40 минут тирәһе бешереп алабыҙ (эремсек табаға йәбешеүсән була, шуға күрә мотлаҡ фольга йәйергә кәрәк). Мейестән алып запеканка өҫтөнә 4 аш ҡалағы ҡаймаҡ һөртәбеҙ ҙә, таҡы ла 10 минутҡа мейескә тығабыҙ.
Тәмлекәс әҙер! Сәйҙәрегеҙ тәмле булһын!...


  • Ҡолаҡ һал!
  • Йондоҙнамә (9-15 июль)
  • Олатай иҫтәлеге
  • Бейей-бейей оҫтарған
  • Оҙаҡ йәшәүҙең туғыҙ сере
  • Тыңлауһыҙ ҡыҙ
  • "Йондоҙло табын" - Гөлмирә Исмәғилева
  • Ашыҡтырма, яҙмыш...
  • «Өнһөҙ һуғыш»ты оҙаҡҡа һуҙмағыҙ
  • Мәңге йәш булыу сере



  • Радио Юлдаш FM