НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Кишерҙән бисквит
Яңылыҡтар таҫмаһы / Объявления // 22-12-2016, 16:09


Кишерҙән бисквит
Үҙенсәлекле тәмлекәс бешереп ҡарарға теләйһегеҙме? Кишерҙән сәй табыны өсөн телеңде йоторлоҡ ризыҡ бешерергә була.Уртаса ҙурлыҡтағы 2 кишерҙе һәм 2 телем лимонды белендерҙа ваҡлайбыҙ. 3 йомортҡаға 1 стакан шәкәр ҡушып миклер менән күпергәнсе туҡыйбыҙ. Ике массаны бергә ҡушып, 2,5 стакан он, 1 ҡап разрыхлитель, 100 грамм тирәһе таҙартылған үҫемлек майы ҡушып уртаса ҡуйылыҡтағы ҡамыр туғырға кәрәк.
Табаны майлап ҡамырҙы тигеҙләп йәйергә лә ҡайнар мейестә 40 минут тирәһе бешерергә. Сәйҙәрегеҙ тәмле, өйҙәрегеҙ йәмле булһын!...

Итле бәлеш йәки беляши
Яңылыҡтар таҫмаһы / Объявления // 21-12-2016, 16:24


Итле бәлеш йәки беляшиЯрты литр йылымыс һөткә 50 грамм ҡоро сүпрә, 1 аш ҡалағы шәкәр ҡомо, 1 йомортҡа, самалап тоҙ һалып бутайбыҙ. Уға әҙ-әҙләп он һала -һала йомшаҡ ҡамыр баҫып 30-40 минут ҡабартып алабыҙ.
Фарш өсөн майһыҙ итте иттурағыс аша ике ҡат үткәреп, тоҙ, борос, ваҡлап уралған һуған һалып бутайбыҙ.
Ҡамырҙы ваҡ өлөштәргә бүлергә лә, уларҙы йәйеп, ит һалып түңәрәк бәлештәр әүәләргә. Майҙы ҡыҙҙырып бәлештәрҙе ике яҡлап ҡыҙҙырырға....

Эремсекле тәмлекәс
Яңылыҡтар таҫмаһы / Объявления // 20-12-2016, 11:10


Эремсекле тәмлекәс
Ярты килограмм эремсекте иләк аша үткәрәбеҙ. Уға 4 аш ҡалағы ҡаймаҡ, 100 грамм манный ярмаһы, 2 аш ҡалағы шәкәр, 50 грамм иретелгән аҡ май һәм 1 ҡап ванилин һалып бутайбыҙ. Ҡамырҙы майланған табаға һалғас өҫтөнә туҡылған йомортҡа һылап ярты сәғәт тирәһе ҡайнар мейестә бешереп алабыҙ.
Сәй табыны өсөн телеңде йоторлоҡ тәмлекәс әҙер!...

Фольгала бешкән ҡабымлыҡ
Яңылыҡтар таҫмаһы / Объявления // 19-12-2016, 12:13


Фольгала бешкән ҡабымлыҡ
Тауыҡтың түш итен артыҡ ваҡ итмәй генә турарға ла, өҫтөнә 1 стакан һөт һалып 1-2 сәғәт ултыртып торабыҙ.
Фольганы ныҡ ҡына итеп майларға ла, унан сөм һауыттар эшләргә. Уға түңәрәкләп ҡырҡылған 2-3 телем картуф һалырға. Өҫтөнә тоҙ, борос һибергә, түңәрәкләп туралған һуған, помидор һалабыҙ. Тағы ла тоҙ һәм борос һибергә. Мул ғына итеп тауыҡ итен һалғас соус ҡойорға ла, ярты сәғәт ҡайнар мейестә бешереп алырға. Бешер алдынан 5 минут ҡала өҫтөнә ҡырғыс аша үткәрелгән ҡаты сыр һибергә була.
Соус өсөн майонезға йомортҡа һытып оҙаҡ ҡына туҡыйбыҙ, уға иҙелгән һарымһаҡ, гәрсис өҫтәйбеҙ....

Яңы йыл табынын биҙәйәсәк ҡабымлыҡ
Яңылыҡтар таҫмаһы / Объявления // 16-12-2016, 15:33


 Яңы йыл табынын биҙәйәсәк ҡабымлыҡ
Был ҡабымлыҡ бик тәмле, шул уҡ ваҡытта табынды ла биҙәп ултырасаҡ.
Бешкән 3 йомортҡаны һәм 150 грамм ҡаты сырҙы ҡырғыс аша үткәрергә, 2-3 тырнаҡ һарымһаҡты төйөргә һәм уларҙы 3 аш ҡалағы майонез менән бутарға. Был массанан бәләкәй генә шарҙар йомарларға кәрәк.
200 грамм краб таяҡсаларын туң килеш ваҡ ҡырғыс аша үткәреп ҡуябыҙ. Улар бер аҙ ирегәс, сырлы шарҙарҙы ошо таяҡсаларҙа әүәләйбеҙ.
Әҙер ҡабымлыҡты бер аҙ һыуытҡыста тотоп алғас табынға бирергә була....

Бауыр салаты
Яңылыҡтар таҫмаһы / Объявления // 15-12-2016, 18:05


 Бауыр салаты
Был салат өсөн 200 грамм бауыр ите кәрәк (ҡош бауыры ла ярай). Уны бешереп, эре ҡырғыс аша үткәреп, тәрилкәгә йәйеп һалабыҙ, майонез һөртәбеҙ. Уның өҫтөнә майҙа ҡыҙҙырылған 2 һуған, артабан ваҡлап туралған 4 тоҙло ҡыяр һалабыҙ, майонез һылайбыҙ. Артабан бешкән 2 кишер (ҡырғыс аша үткәрелгән), ваҡлап туралған 2 йомортҡаның ағын һалабыҙ. Майонез һылағас салаттың өҫтөн ҡырғыс аша үткәрелгән йомортҡа һарыһы менән биҙәп, табынға бирәбеҙ....

Динара КӘРИМОВА: “Тормошта үҙемде төрлө яҡтан һынап ҡарарға теләйем”
Яңылыҡтар таҫмаһы / Объявления // 9-12-2016, 13:05


Динара КӘРИМОВА:  “Тормошта үҙемде  төрлө яҡтан һынап  ҡарарға теләйем”
1994 йылда Өфө ҡалаһында тыуғанмын. Әлеге көндә юғары уҡыу йортонда ике йүнәлештә белем алам.
Ҡала шарттарында рухлы башҡорт ҡыҙы булып буй еткергәнемә сикһеҙ ҡыуанам. Уй-фекерҙәремде кескәй­ҙәр һәм өлкәндәргә тәғәйенләнгән шиғыр­ҙарымда, мәҡәләләремдә еткерә алғаныма, күңелемдә ижади орлоҡ яралғанына Аллаһы Тәғәләгә шөкөр итәм. Туған телемә мөхәббәт, халҡым тарихына ихтирамлы мөнәсәбәт тәрбиәләгәне өсөн атай-әсәйемә рәхмәтлемен.
Күп ҡырлы тормошобоҙҙа үҙемде төрлө яҡтан һынап ҡарарға теләйем. Уҡыу, фән, ижтимағи эшмәкәрлек өлкәһендә әүҙем ҡатнашам. 2015 йылда Мостай Кәрим исемендәге фонд грантына лайыҡ булыуым яңы ынтылыш бирҙе. Кескәйҙәр өсөн “Белгем килә бөтәһен!”, “Бәүелсәкле Аҡбуҙат” исемле шиғыр-буям китаптарым донъя күреүе күңелемде үҫтереп, ҙур яуаплылыҡ та өҫтәне.
Хәҙерге заман кешеһе донъя артынан ҡыуғанда рухи ҡиммәттәрен, милли үҙаңын онотмаһын ине.
Киләсәктә башҡортомдоң лайыҡлы ҡыҙы булып, матбуғатыбыҙға үҙ өлөшөмдө индерергә яҙһын.
...

Һәр яҡтан да уңған ҡыҙ
Яңылыҡтар таҫмаһы / Объявления // 6-12-2016, 12:12


Һәр яҡтан да уңған ҡыҙ
Һүрәттәге һылыуҡай – Әлиә Рәшит ҡыҙы Рәшитова. Ул Архангел районының Горный ауылында тыуып үҫкән. Әлиәгә 18 йәш.
Бәләкәй сағынан хайуандарҙы яратыуы уны Башҡорт дәүләт аграр университетының ветеринария факультетына алып килгән. Ҡыҙ йәмәғәт эшендә лә әүҙем, быйыл йәйгеһен “Ырыу” командаһы менән Белгород ҡалаһында IV Рәсәй юғары уҡыу йорттары студенттары ижады фестивалендә ҡатнашып, I дәрәжә лауреат исемен алыуға ҙур көс һалған.
Әлиә буш мәлдәрендә тәбиғәт күренештәрен оҫта итеп фотоға төшөрә, йырларға ярата....

Ҡабаҡлы ҡоймаҡтарҙан торт-ҡабымлыҡ
Яңылыҡтар таҫмаһы / Объявления // 4-12-2016, 13:08


Ҡабаҡлы ҡоймаҡтарҙан торт-ҡабымлыҡУртаса ҙурлыҡтағы 2 ҡабаҡты (кабачки) тышынан һәм орлоҡтарынан таҙартып ҡырғыс аша үткәрәбеҙ. Уға 2 йомортҡа, тоҙ, борос, самалап он (4-5 аш ҡалағы) һалып уртаса шыйыҡлыҡта ҡамыр бутайбыҙ. Был массанан майлы табала 6 ҙур ҡоймаҡ бешереп алабыҙ.
3 аш ҡалағы майонезға 2 тырнаҡ һарымһаҡты иҙеп, 200 грамм ҡаты сырҙы ҡырғыс аша үткәреп һалып бутайбыҙ. Ҡоймаҡтарҙы ҙур тәрилкәгә ҡатлам -ҡатлам итеп һалабыҙ. Һәр ҡат араһына сырлы массаны һыларға, түңәрәкләп теленгән помидор һалырға. Ә иң өҫкө ҡоймаҡ өҫтөнә түңәрәкләп туралған зәйтүн емешен һибергә була.
Был ҡабымлыҡты табынға йылы килеш тә, һыуытып та бирергә була. Ифрат тәмле ризыҡ, һис шикһеҙ бешереп ҡарағыҙ!...

Кәбеҫтәнән бәләкәй бәлештәр
Яңылыҡтар таҫмаһы / Объявления // 30-11-2016, 13:02


Кәбеҫтәнән бәләкәй бәлештәрБәлеш өсөн әсеткеле, шулай уҡ сөсө ҡамыр ҙа ярай. Мин шулай ҙа уны әсеткеле ҡамырҙан яһарға тырышам.
Ярты литр йылымыс һөткә 2-3 аш ҡалағы сөпрә (ҡабартҡы), 3 аш ҡалағы шәкәр һалып болғатырға. Уға өй температураһында йомшарған 200 грамм аҡ май (маргарин да ярай), 3 йомартҡа, 4 аш ҡалағы үҫемлек майы, тәменә ҡарап тоҙ һәм 2 стакан он һалып шыйыҡ ҡамыр туҡыйбыҙ. 1 сәғәт тирәһе ултырып ҡабарғас, тағы ла ярты кило тирәһе он һалып йомшаҡ ҡамыр баҫабыҙ. Уны йылы урынға ҡуйып тағы ла бер ҡабартып алырға.
Ҡамырҙы бәләкәй киҫәктәргә бүлеп әүәләргә лә, йәймәләр йәйергә. Уның уртаһына эслекте һалып, ярым ай кеүек ҡырҙарын семетеп сығырға ла майланған табаға теҙеп сығырға. Бәлештәрҙең өҫтөнә туҡылған йомортҡа һарыһы һөртөп, ҡайнар мейестә әҙер булғансы бешерергә.
Эслек өсөн уртаса ҙурлыҡтағы кәбеҫтәнең яртыһын ваҡ ҡына итеп турарға. Уға тоҙ һибеп оҙаҡ итеп ҡул менән ыуырға кәрәк. (Массаның күләме ике тапҡырға кәмергә тейеш). Кәбеҫтәне һыуынан һарҡытып алырға ла, уға бешеп туралған 4 йомортҡа, 100 грамм тирәһе иретелгән аҡ май, 1 сәй ҡалағы шәкәр ҡомо һалып яҡшылап бутарға....


  • Ҡолаҡ һал!
  • Йондоҙнамә (9-15 июль)
  • Олатай иҫтәлеге
  • Бейей-бейей оҫтарған
  • Тыңлауһыҙ ҡыҙ
  • "Йондоҙло табын" - Гөлмирә Исмәғилева
  • Ашыҡтырма, яҙмыш...
  • «Өнһөҙ һуғыш»ты оҙаҡҡа һуҙмағыҙ
  • Мәңге йәш булыу сере
  • Ғашиҡтар бер-береһен һүҙһеҙ ҙә аңлай



  • Радио Юлдаш FM