НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Йәйғор нурын яратаһың икән-
Яңылыҡтар таҫмаһы / Объявления // 22-09-2016, 10:44


Йәйғор нурын яратаһың икән-Йәйғор нурын яратаһың икән-
Ямғыр үткәндәрен көтә бел.
Дауылдар ҙа мәңге ҡоторонмай,
Ғәрәсәттең һуңы- имле һил.

Һөйөләһең килһә- кисерә бел,
Хискә һыуһағанһың- кисә бел,
Тоғро дуҫтар кәрәк тиең икән-
Күңелеңдә һаҡла иҫәбен.

Бәхет кәрәк икән, һағыш аша
Офоҡ алланғанын күрә бел.
Тартып торған меңәр нурҙарынан
Үҙеңдекен генә тирә бел.
...Был тормоштан ниҙер кәрәк икән-
Аҡтыҡ түҙемеңде бирә бел...

Наилә Хамбалеева...

Нью-Йоркта – башҡорттар йыйыны
Яңылыҡтар таҫмаһы / Объявления // 21-09-2016, 13:09


Нью-Йоркта  –  башҡорттар йыйыныйәки Сит илдә йәшәүсе милләттәштәребеҙ унан дәртләнеп, сәмләнеп ҡайтты

Былтыр йәй матбуғатта Баймаҡ районының Темәс ауылы ҡыҙы Линера Юламанова Өфө егете Азат Ғилфановҡа кейәүгә сығып, Америкала йәшәүҙәре, сит мөхиттә Асҡар исемле улдарын башҡорт рухлы итеп үҫтереүҙәре хаҡында мәҡәлә баҫылғайны. Линера «Ҡомартҡы» сайтын инглизсәгә тәржемә иткән. Социаль селтәрҙәрҙә ойошторолған конкурстарҙың береһендә ҡатнашып, сит ерҙәрҙә башҡорттарҙы танытып йәшәгәне, фото төшөрөү менән мауыҡҡаны һәм башҡа күркәм сифаттары өсөн ҡазан ҡалаһы модельеры Алина Хилалованың киске күлдәгенә лайыҡ булғайны. Быйыл ҡыҙҙың әсәһе Венера Юламанованың «Бәйләнештә» селтәрендә ҡуйған фотоларына ҡарап, был ханымдың ҡыҙы, кейәүе, ейәне янында Америкала йөрөүенә иғтибар иттем. Ял көнө таңғы сәғәт биштә интернет селтәренә инеүем булды, онлайн режимында булған дуҫым Венера Юламанова: «Ни эшләп йоҡламайһың? һеҙҙә бит яңы таң ата», – тип яҙҙы. «Эйе, ә һеҙҙә сәғәт нисә?» – тип ҡыҙыҡһындым. «Киске һигеҙ», – тине. Шулай һүҙгә һүҙ ялғанды, хәл-әхүәлдәрҙе һораштыҡ. ҡоҙағыйым (Венера – бер туған апайымдың апһыны) апрелдән Америкала икән. Темәс мәктәбендә балалар уҡытҡан мөғәллимә, педагогик стажы 25 йылға тулғанлыҡтан, ваҡытынан алда пенсия юллаған. Сираттағы отпускыһы мәлендә ҡыҙына ҡунаҡҡа барған һәм йәйҙе шунда үткәрергә, улай ғына ла түгел, тағы бер йыл шунда ҡалырға ҡарар иткән....

Изге хәтер баҡсаһы
Яңылыҡтар таҫмаһы / Объявления // 18-09-2016, 07:30


Изге хәтер баҡсаһыЯрты быуат әүәл Өфөлә Башҡортостан урмансылары исемендәге паркҡа фатиха бирелгәйне

Аҡсарлаҡтар, ҡанат осо менән тулҡындар өҫтөндәге күбекте элеп ташлап, Ағиҙел буйлап кәйелеп оса. Йылға көньяҡтан килеп төньяҡҡа боролған урында, текә яр башынан, меңдәрсә күҙ-тәҙрә ошо мәңгелек ағымды әҫәрләнеп күҙәтә. “Ағиҙелдең ағымын күргәндә һеҙҙе һағынып йырҙар яҙырмын”, – тигән бит шағир ҙа.
Ошонда ғүмереңдең иң матур йылдары үткән ҡалаға мөнәсәбәтеңде ниндәй һүҙҙәр менән генә еткермәк икән? Өфөнөң йөҙөн һүрәтләү өсөн ҡандай буяуҙар табырға? Сөнки унда батырлыҡ һәм наҙ, игелектәр һәм сир-сырхауҙар бер юлы сағылырға, олпат ҡарт менән йөрәкһеү йәш кеше күренергә тейеш. Ҡалаларҙың үҙ ғәҙәте: йылдар үткән һайын улар йәшәрә генә бара. Уйымса, таш ярҙамында ошо музыканы хасил иткән халыҡ уға үҙенең йәшәү һуттарын һәр даим өҫтәй тора....

Юҡҡа барҙыҡ аулаҡҡа...
Яңылыҡтар таҫмаһы / Объявления // 16-09-2016, 12:05


Юҡҡа барҙыҡ аулаҡҡа...– Матур итәктәр һатам, күрһәтәйемме? – Асия менән танышлыҡ уның ошо һүҙҙәренән башланды. Ул ишектән башын тығып һораны ла, ыңғай яуап ишеткәс, ҙур сумкаһын һөйрәтеп эш бүлмәбеҙгә килеп инде, шунан һуң ғына һаулыҡ һорашты:
– Һаумыһығыҙ!...

Айгөлдөң йырлы иле
Яңылыҡтар таҫмаһы / Объявления // 6-09-2016, 17:17


Айгөлдөң  йырлы илеУл мәктәп уҡыусыһы булғанда уҡ йырҙары менән билдәлелек яуланы. “Өршәгем – бала сағым”, “Ҡар бөртөгө”, “Рәхмәт, атай-әсәй” йырҙары менән сәхнәгә сыҡҡан Айгөл МУЛЛАГИЛДИНА бөгөн бөтөнләй яңы стилдә сығыш яһай. Уның башҡарыуындағы “Миңә бик күп тә кәрәкмәй”, “Зинһар, ышан”, “Килерһеңме” йырҙары уның бер урында тапанмауын, үҫешен дәлилләй. Йәш йырсы – Өфө сәнғәт училищеһының 3-сө курс студенты, былтыр “Йәшлек-шоу” фестивалендә лауреат исемен яуланы. Гәзит уҡыусыларҙы Айгөл менән яҡынданыраҡ таныштырып үтәбеҙ....

“Бөтәһе лә “Таврида” буласаҡ!”
Яңылыҡтар таҫмаһы / Объявления // 2-09-2016, 16:17


“Бөтәһе лә  “Таврида” буласаҡ!”Ҡырымға сәфәр бәхеттең тик үҙебеҙҙә икәнен иҫбатланы

9 – 24 августа Ҡырым ярымутрауының төньяҡ-көнбайышында – Раздольненский районындағы «Бакальская коса» паркында “Таврида – 2016” Бөтә Рәсәй йәштәр форумының етенсе сменаһы үтте. Ул “Төбәк һәм урындағы киң мәғлүмәт сараларының йәш журналистары” тип исемләнде. Бөтә Рәсәй халыҡ фронты һәм “Россия сегодня” халыҡ-ара мәғлүмәт агентлығы үткәргән ҙур сарала бар илебеҙҙән 450-гә яҡын гәзит-журнал хәбәрсеһе, радио-телевидение, интернет агентлыҡтары хеҙмәткәре, блогер йыйылды. Улар билдәле журналистар, телевидение алып барыусылары, Рәсәй Журналистар союзы вәкилдәре менән аралашты, оҫталыҡ дәрестәрендә, һөнәри уйында ҡатнашты....

Уңғанбикәләрҙең өҫтәле лә һыйға мул
Яңылыҡтар таҫмаһы / Объявления // 1-09-2016, 17:33


Уңғанбикәләрҙең  өҫтәле лә һыйға мулЙәйен-көҙөн уңған хужабикәләр­ҙең үҙ хәстәре: емеш-еләкте йыйып, ҡышҡылыҡҡа ҡайнатма-компотын, ҡағын, джемын-повидлоһын, баҡсалағы йәшелсәһенән салаттар, ашҡа тәмләткестәр әҙерләп ҡалырға тырышалар. Кемдер барыһын турап-ваҡлап, туңдыр­ғыста ғына һаҡлауҙы ҡулай күрә. Ни тиһәң дә, үҙҙәренсә ҡышҡа әҙерләнәләр. Ҡышҡыһын йәшелсә-емешкә хаҡ икеләтә артып киткәндә, уларҙың файҙаһы, ысынлап та, бик ҙур. Өҫтәүенә, тәмле лә. Әле баҡсала помидорҙың өлгөрөп еткән мәле, кишер менән сөгөлдөр ҙә үҫкән, кемдеңдер ташҡабағы ла барҙыр әле. Бөгөн бер нисә салат рецебы тәҡдим итмәксебеҙ....

Бер йондоҙҙоң атылғаны йәки Популяр йырсы бөгөн асфальт һала
Яңылыҡтар таҫмаһы / Объявления // 1-09-2016, 12:29


Бер йондоҙҙоң атылғаны йәки Популяр йырсы бөгөн асфальт һалаУл 90-сы йылдар аҙағында бик популяр ине: “Юлдаш” радиоһынан йырҙары көнө-төнө тигәндәй яңғыраны, бер-бер артлы төрлө йыр бәйгеһендә призлы урындар яуланы, Башҡортостан юлдаш телевидениеһының барлыҡ тапшырыуҙарында ла уның менән әңгәмә ҡорҙолар. Тәнҡитселәр, ҙур йырсылар дан-шөһрәт, яҡты киләсәк юраны. Биш-алты йыл буйы шулай үтә лә популяр булып йөрөнө лә, сығыштары һирәкләнде, яйлап юғалды. Бөҙрәләнеп торған ҡара сәсе, матур йөҙө, моңло тауышы бик күп ҡыҙҙы ғашиҡ иттергәйне, 16 йәшлек мин дә тәүге һөйөү уттарында уның тураһында хыялланып яндым. Халыҡ йырҙары менән бер рәттән, эстрада әҫәрҙәрен дә башҡарған йырсыны йәше-ҡарты үҙ итте. Сәхнәнән юғалғас, эскелек һаҙлығына батҡандыр тип уйланым. Институтта уның күрше ауылынан бер ҡыҙ менән уҡырға тура килде, һорашҡанымда ниндәйҙер район мәҙәниәт йортонда эшләүен әйтте. Интернет селтәренән эҙләү ҙә һөҙөмтә бирмәне, “Яндекс” тик элекке йырҙарын, уның хаҡындағы тапшырыуҙарҙы ғына күрһәтте.
...

Төрлө салаттарҙы эшләп ҡарағыҙ!
Яңылыҡтар таҫмаһы / Объявления // 17-08-2016, 15:25


Төрлө салаттарҙы эшләп ҡарағыҙ!Сөгөлдөр салаты
3 кг сөгөлдөр, 1 кг кишер, ярты кило һуған, 300 г татлы борос алына.
Йәшелсәләрҙе ҡырғыстан үткәреп йәиһә ваҡ ҡына итеп турап, 1,5 стакан көнбағыш майы һәм тейешенсә тоҙ өҫтәп, яҡшылап бутағыҙ. 1 сәғәт духовкала быҡтырығыҙ.

Ҡауын салаты
Уртаса ҙурлыҡтағы бер ҡауынды әрсеп, орлоҡтарын алығыҙ, турап, салат һауытына өйөп һалығыҙ. Һауытҡа һалғанда, һәр рәтенә шәкәр һибеп (бер стакан), иң һуңынан бер лимон һуты өҫтәгеҙ....

Өршәк буйын йәмләй Мораҙым, уны данлай егет-ҡыҙҙары
Яңылыҡтар таҫмаһы / Объявления // 15-08-2016, 14:48


Өршәк буйын йәмләй Мораҙым, уны данлай егет-ҡыҙҙары
Биллеғылыс тигән йылғаның Өршәккә ҡушылған еренән алыҫ түгел, үҙенә генә хас йәме менән бер ауыл урынлашҡан. Ҡыҙҙар тауын ҡосоп ултырған йыйнаҡ өйҙәр Мораҙым ауылына берләшкән. Был ауыл халҡына ғорурлыҡ та, алсаҡлыҡ та, ихласлыҡ та, рух көсө лә хас. Сөнки улар үҙ тарихы менән ғорурлана, тамырҙарын онотмай: легендаларҙа, риүәйәттәрҙә данланған Мең-меркет ырыуының бөгөнгөһө, Мораҙым бей нәҫеле, Ауырғазының даны ул мораҙымдар. Бындағы халыҡ һәр ваҡыт үҙ ерҙәренән сыҡҡан күренекле шәхестәрен йәш быуынға үрнәк итеп ҡуя, улар өлгөһөндә тәрбиәләй. Ә шәхестәр бында байтаҡ: хәрбиҙәр ҙә, артистар ҙа, фән эшмәкәрҙәре лә, яҙыу­сылар ҙа, билдәле нефтселәр ҙә бар. Ә хәрби авиация кадрҙары әҙерләүгә баһалап бөткөһөҙ ҙур көс һалыу­сы, бик күп геройҙар, шул иҫәптән ике тапҡыр Советтар Союзы Геройы Муса Гәрәев кеүек кешеләрҙе тәрбиәләүсе, Башҡортостандың тәүге летчигы Ғәли Ишмырҙинға мораҙымдар Сынтимер Сафин ярҙамы менән үҙенсәлекле һәйкәл-стела ла урынлаштырған. Дүрт метр бейеклектә торбаға беркетелгән “Як – 42” самолеты ел ыңғайына үҙ күсәре тирәләй әйләнеп, һәр кемгә сәләм бирә. Был стела ауыл­ға үҙенсәлекле биҙәк тә, килгән ҡунаҡтарға матур хәтирә лә.
Мораҙымда батырҙар ҙа, талантлылар ҙа, уңғандар ҙа, уҡымышлылар ҙа етерлек. Бөгөн бында 240 йорт иҫәпләнә, уларҙа 700-ҙән ашыу кеше йәшәй. Мәктәп, балалар баҡсаһы, почта-элемтә бүлексәһе, мәҙәниәт йортон, райондың спорт мәктәбе филиалын, амбулаторияны һәм музейҙы берләштергән социаль-мәҙәни үҙәк эшләй. Ҡыҫҡаһы, Өршәк буйын йәмләп, данлап ултырған ауыл ул – Мораҙым....


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Маринадланған кәбеҫтә
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM