НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » "Йондоҙло табын" - Гөлмирә Исмәғилева

"Йондоҙло табын" - Гөлмирә Исмәғилева


"Йондоҙло табын" - Гөлмирә Исмәғилева
Бөгөн үҙенең аш-һыу серҙәре менән Мәжит Ғафури исемендәге Башҡорт дәүләт академия драма театры актрисаһы, “Сәләм” тапшырыуының алып барыусыһы Гөлмирә ИСМӘҒИЛЕВА бүлешә.

Бауырһаҡ

Биш дана йомортҡаны алдан уҡ һыуытҡыстан алып ҡуйырға кәрәк. Ул бүлмә температураһында булырға тейеш. Йомортҡаға бер семтем тоҙ, берәр ҡалаҡ аш содаһы һәм үҫемлек майы ҡушып, миксер менән күпергәнсе туҡырға. Уға самалап он һалып, йомшаҡ ҡына ҡамыр баҫып, 5 – 15 минут ултыртып торорға.
Ҡамырҙы йоҡа булмаған йәймә итеп йәйергә лә, уны тәүҙә таҫмаларға, аҙаҡ таҫмаларҙан эре бүлкәттәр – бауырһаҡтар ҡырҡырға. Бауырһаҡтарҙы йылы майға һалып, 200 градусҡа тиклем ҡыҙҙырылған духовкаға ултыртырға. Артыҡ ҡыҙарып, көйөп китмәһен өсөн уларҙы әйләндереп торорға кәрәк. Табынға шәкәр иретелгән баллы сироп менән бутап бирергә.
Сироп өсөн 50 мл һыуға өс ҡалаҡ шәкәр, биш ҡалаҡ бал һалып, ирегәнсе утта тотор­ға.

Эремсекле салат

Йәй миҙгеле – йәшелсә-емешкә бай мәл. Уларҙан көн һайын еңел салаттар эшләп ашау һаулыҡ өсөн файҙалы. Мин “Грек” салатын яратып ашайым. Классик рецепт буйынса уны фета сыры менән әҙерләргә кәрәк. Ә үҙебеҙҙә һәр йортта әҙерләнгән ябай эремсек менән эшләһәң, күпкә арзаныраҡ та, файҙалыраҡ та була. Сөнки эремсекте помидор менән бергә ашаһаң, кальций­ҙы организм еңел үҙләштерә.
Теләгән күләмдә ҡыяр, помидор, татлы борос, һуған, укроп һәм петрушканы турап, үҫемлек майы, самалап тоҙ һалып бутарға. Табынға бирер алдынан ғына эремсек өҫтәргә кәрәк.

Ҡабаҡтан татлы бәлеш

200 грамм онға ике ҡалаҡ шәкәр, самалап тоҙ, 100 грамм аҡ май һалып ыуылып торған ҡамыр әҙерләргә. Уны табаға тигеҙләп йәйеп һалып, ситтәрен бер аҙ күтәренке итергә кәрәк. Ярты сәғәт тирәһенә һыуытҡысҡа ҡуйып торорға.
Эслек өсөн бер кг таҙартыл­ған ҡабаҡты бешереп алырға ла иҙмә (пюре) яһарға. Уға ике йомортҡа, бер банка ҡуйыртылған һөт, самалап тоҙ, балғалаҡ менән дәрсен (корица) ҡушып бу­тар­ға. Ҡамыр өҫтөнә эслекте тигеҙләп һалырға ла 170 градуслы духовкаға ҡуйырға. 50 минутта бәлеш әҙер ҙә була.

Гөлнур ЮЛДАШЕВА
яҙып алды.

Сығыу ваҡыты 17-07-2018, 07:00 | Ҡаранылар: 455
|
  • Тәмле бәлеш
  • Эльмира ЮЛДАШЕВА аш-һыу серҙәре менән бүлешә
  • Алма печеньеһы
  • «Фәрештәнең күҙ йәше» бәлеше
  • Дөгө бәлеше
  • Информация

    Комментировать статьи на сайте возможно только в течении 4 дней со дня публикации.


    Борьба с коррупцией

    [/aviable]

  • Ҡолаҡ һал!
  • Организм нимә хаҡында иҫкәртә?
  • Монафиҡ (Хикәйә)
  • Тыуған ауылына рәхмәтле йырсы
  • Оҙаҡ йәшәүҙең туғыҙ сере
  • Үткәндәргә илаулап, бөгөнгөһөн юғалта күрмәгеҙ
  • Үәт, ҡыҙыҡ! (3.08.2018)
  • Вниманию зарегестрированнх кандидатов, избирательных объединений, на выборах депутатов Государственного Собрания – Курултая Республики Башкортостан шестого созыва
  • Үәт, ҡыҙыҡ! (20.07.2018)
  • Ҡартлыҡ бәхеттәре кемгә насип?



  • Радио Юлдаш FM