НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Бөйөк Еңеүгә 70 йыл тулыуға арналған тимер аҡсалар бик ҡыҙыҡлы булмаҡсы

Бөйөк Еңеүгә 70 йыл тулыуға арналған тимер аҡсалар бик ҡыҙыҡлы булмаҡсы


Бөйөк Еңеүгә 70 йыл тулыуға арналған тимер аҡсалар бик ҡыҙыҡлы булмаҡсыРәсәй Банкыһы 1941 - 1945 йылдарҙағы Бөйөк Ватан һуғышында Еңеүгә 70 йыл тулыуға арналған тимер аҡсалар серияһын сығарасаҡ.
Яңы юбилей һумлыҡтар быйыл һәм 2015 йылда баҫыласаҡ. Быға тиклем 2012 йылда “1812 йылғы Ватан һуғышында Рәсәйҙең еңеүенә 200 йыл” исеме аҫтында 2, 5, 10 һумлыҡ аҡсаларҙан торған йыйылма донъя күргәйне.
Алдан билдәле булыуынса, ”1941 - 1945 йылдарҙағы Бөйөк Ватан һуғышында Еңеүгә 70 йыл” иҫтәлекле аҡсалар серияһы 2014 йылда сығарыласаҡ 18 биш һумлыҡтан һәм киләһе йылда һуғыласаҡ өс ун һумлыҡтан торасаҡ. Шуның менән йыйылма эсендә 21 аҡса буласаҡ.
Биш һумлыҡтар был номиналға ярашлы стандарт үлсәмдә һәм АЦ сифатында гальваник ысул менән никель ялатылған ҡоростан яһаласаҡ. Һәр аҡсаның тиражы 2 миллонд данаға етәсәк. Ә ун һумлыҡтарға килгәндә, улар биметалл – латунь һәм мельхиорҙан АЦ сифатында бишәр миллион данала һуғыласаҡ.
Биш һумлыҡтарға төшөрөләсәк һүрәттәр – мюнцбильд – әлегә билдәһеҙ. 1812 йылғы Ватан һуғышы серияһындағы һымаҡ, уларҙа ла маршалдар Жуков, Рокоссовский, Конев кеүек күренекле хәрби начальниктар йәки алыш урындары, һәйкәлдәр урын алыуы мөмкин. Ун һумлыҡ биметалл аҡсаларҙың тәүгеһе “Бөйөк Ватан һуғышында Еңеүгә 70 йыллыҡты билдәләүҙең рәсми эмблемаһы” тип йөрөтөлә. Бөгөнгә эмблема раҫланмаған, уның варианттары ҡарала.
Икенсе ун һумлыҡ “Донъяны фашизмдан азат итеү” исемен алған. Моғайын, Еңеүҙең традицион символы төшөрөлөр, тип ышанғы килә. Өсөнсө аҡса “Икенсе донъя һуғышы тамамланыу” тип аталасаҡ. Әйткәндәй, донъя тарихын сағылдырған был ун һумлыҡ Ватан нумизматикаһы өсөн ғәҙәти булмаған вариант. Беҙҙә сыҡҡан аҡсалар тик илебеҙҙең үткәндәренә генә ҡағыла.

Яңы аҡсалар бик ҡыҙыҡлы булмаҡсы. Беҙҙең гәзиттең сайтында нумизматика, бонистика һәм башҡа коллекциялау өлкәһенә ҡағылған хәбәрҙәр йыш ҡуйыла. Танышығыҙ, аҡсалар коллекцияһын туплағыҙ, дуҫтар!

Сығыу ваҡыты 14-05-2014, 08:35 | Ҡаранылар: 1287
|
  • Яңы ун һумлыҡтар сығасаҡ
  • Яңы аҡса сығасаҡ
  • Яңы тимер аҡса ҡулланылышта!
  • Яңы аҡсалар сығасаҡ
  • Яңы ун һумлыҡ аҡса сығасаҡ
  • Информация

    Комментировать статьи на сайте возможно только в течении 4 дней со дня публикации.


    Борьба с коррупцией

    [/aviable]

  • Һуңлап килгән аҡыл
  • Ҡолаҡ һал!
  • Үәт, ҡыҙыҡ! (14.09.2018)
  • Таңым нуры инең
  • Тәүге һөйөү шундай ҡыҫҡа булды
  • «Уҡыусың рәхмәтле булһын»
  • «Салауат Юлаев» - «Локомотив»! Кем-кемде?
  • Тормош үҙе йәшәргә өйрәтә
  • Үәт, ҡыҙыҡ! (31.08.2018)
  • Ылау (Хикәйә)



  • Радио Юлдаш FM