21.03.2014 «Ант» төркөмө балаларға ҡурай тураһында һөйләне
Кисә баш ҡаланың Нижегородка биҫтәһендә урынлашҡан 18 - се балалар китапханаһында үҙенсәлекле сара үткәрелде. Унда 24-се, 25-се мәктәп уҡыусылары алдында башҡорт эстрадаһының мэтрҙары, данлыҡлы “Ант” төркөмө сығыш яһаны. Башҡортостандың атҡаҙанған артистары, Ш.Бабич исемендәге республика дәүләт йәштәр премияһы лауреаттары Алмас Ғафаров менән Рәмил Ихсанов үҙенсәлекле дәрес-концерт күрһәтте. Йырсылар балаларға ҡурай тураһында һөйләп, уның башҡа инструменттарҙан нимәһе менән айырылып тороуын күрһәтте. Артабанғы әңгәмәлә миҫалдар менән башҡорт йырҙарының үҙенсәлектәре күрһәтелде. Алмас Айрат улы тамашасыларға башҡорт халҡына, Тыуған илгә һөйөү тураһында һөйләне.
“Ант”тар балалар алдында үҙҙәренең үлемһеҙ хиттарын - “Сәләм-сәләм”, “Попурри”, “Медицинская”, “Башкирский мед” һәм башҡа йырҙарын башҡарҙы.
Был осрашыу тураһында гәзитебеҙҙең киләһе һанында ентеклерәк танышырға мөмкин буласаҡ.
Оҡшаш яңылыҡтар
