02.08.2013 Салауатта сираттағы ярғанат фатирға ингән
Яңыраҡ беҙ Салауат ҡалаһында фатирға осоп ингән ярғанат тураһында хәбәр ирткәйнек. Тап шундай осраҡ шул уҡ ҡалала йәнә лә ҡабатланды.
31 июлдә, сәғәт киске ун тирәһендә Ленинград урамындағы йорттоң һигеҙенсе ҡатындағы фатирға ярғанат осоп инә. Бүлмәлә булған 25 йәшлек ҡыҙ ҡотҡарыу хеҙмәтенә шылтырата һәм бәләкәй балаһы менән бәҙрәфкә инеп йәшенә.
Кухня тәҙрәһенән осоп ингән хайуандың ҡанаттар араһы 25 сантиметр тәшкил иткән. Ҡотҡарыусылар уны эҙләп, шкафтарҙы тикшерә, ләкин ярғанат буш телевизор ҡумтаһына йәшенгән булған. Бәхеткә күрә, был ваҡиғала бер кем дә зыян күрмәгән. Ә ярғанатты йорттан алыҫҡа алып китеп иреккә ебәргәндәр.
Оҡшаш яңылыҡтар
Яңы номер
«Йәшлек» гәзитенең 44-се һанына күҙәтеү1 ноябрь, 2019 йыл
Яңылыҡтар архивы