18.07.2013 Юлға сыҡҡан малдан һаҡланығыҙ
Йәй етеү менән берәҙәк мал ҡала һәм ауылдарҙың ысын мәғәнәлә проблемаһына әүерелә. Көтөүҙә йөрөмәгән йылҡы, һыйыр малы һәм кәзә - һарыҡ урамда ултыртылған сәскәләргә, парктарға зыян килтерә, транспорт хәрәкәтенә ҡамасаулай. Кисә төндә тап шундай ҡарауһыҙ ебәрелгән мал арҡаһында Сәрмән-Амангилде-Баймаҡ араһындағы юлда юл-транспорт фажиғәһе булды. 23 йәшлек Өфө егете үҙенең дуҫы менән «Шевроле Нива» автомобилендә төндә китеп барғанда, Белорет районының Шығай ауылы янында юлға ат килеп сыға. Водитель уны урап үтә, ләкин шул арала ул икенсе атҡа төкөй. Һөҙөмтәлә «Шевроле - Нива» пассажиры ауыр йәрәхәттәр ала. Егет Белорет ҡалаһы дауаханаһында йән бирә.
Оҡшаш яңылыҡтар
Яңы номер
«Йәшлек» гәзитенең 44-се һанына күҙәтеү1 ноябрь, 2019 йыл
Яңылыҡтар архивы