10.06.2013 Воркаут спорты буйынса ярыштар үтәсәк
Республикала спорттың урам төрҙәре буйынса «Street Workout – Айыҡ һайлау» фестивале уҙасаҡ. Уға һайлап алыу туры 12 июндә Сибай ҡалаһында (Баймаҡ, Әбйәлил, Хәйбулла, Йылайыр райондары өсөн), 29 июндә - Иглин ауылында (Иглин, Өфө, Нуриман, Ҡырмыҫҡалы, Кушнаренко, Ҡырмыҫҡалы, Шишмә, Благовещен, Бөрө, Мишкә) үтәсәк. Был исемлеккә шулай уҡ Нефтекама, Туймазы, Стәрлетамаҡ, Белорет ҡалалалы ла инә. Уларҙың даталары һуңынан әйтеләсәк.
Финал ярыштары август аҙағында Өфө ҡалаһында уҙасаҡ.
Әйтергә кәрәк, воркаут спорты менән һәр теләүсе шөғөлләнә ала. Спортсылар үҙҙәренең көсөн төрлө шарттарҙа үҫтерә. Улар турниктарҙа, бурсаларҙа һәм башҡа конструкцияларҙа үҙ ауырлығы менән көс күнегеүҙәре яһай.
Конкурс шарттары менән http://trezvo-rb.ru/press-czentr/353-street-workout-festival.html сайтында ентеклерәк танышырға мөмкин.
Оҡшаш яңылыҡтар
