29.10.2019 Инсультты асыҡлау өсөн нимә эшләргә?

Инсультты асыҡлау өсөн нимә эшләргә? Башҡорт Википедияһы түбәндәге кәңәштәрен бирә.


Өс төп алым бар, ул "УЗП " тип атала. Зыян күреүсенән һорарға:

У — улыбнуться (йылмайырға). Инсульт осрағында йылмайыу ҡыйыш килеп сыға, ирен сите өҫкә түгел, ә аҫҡа йүнәлтелә.

З — заговорить (һөйләшергә). Мәҫәлән: "Бөгөн ҡояшлы көн" тип артығыҙҙан ҡабатларға ҡушығыҙ. Инсульт осрағында йыш ҡына телмәр боҙола, әммә һәр ваҡыт түгел.

П — поднять обе руки (ике ҡулын да өҫкә күтәрергә ҡушығыҙ). Ҡулдар бер төрлө күтәрелмәһә, инсульт билдәһе булыуы мөмкин.

Өҫтәмә диагностика алымдары:

Зыян күреүсене телен күрһәтеүен һорағыҙ. Әгәр теле тигеҙ туры түгел һәм бер яҡҡа ҡыйшайған булһа, был инсульт билдәһе.

Зыян күреүсене ус төптәрен өҫке ҡаратып, ике ҡулын өҫкә һуҙырға һәм күҙҙәрен йоморға ҡушығыҙ. Берәй ҡул ҡырын йәки аҫҡа китһә, был инсульт билдәһе.

Был талаптарҙы үтәй алмаһа, зыян күреүсегә ашығыс ярҙам саҡыртырға кәрәк. Иҫегеҙҙә тотоғоҙ! Симптомдар юғалған булһа ла, госпиталләштереү талап ителә.

Ә бына Күгәрсен районының Ялсы ауылында уңған фельдшеры Гүзәл Һабаншина ҡан баҫымы ауырыуҙарына ҡаршы профилактик әңгәмә үткәргән.

Аҡ халатлы ауыл ҡатын-ҡыҙҙарына бик күп кәңәштәр биргән, үҙ-үҙеңә, ауырыған кешегә беренсе ярҙам ҡулы һуҙыу кеүек ҡағиҙәләрҙе өйрәткән. Сара бик фәһемле үтте, ти ҡатнашыусылар.