18.10.2019 "Мосафир" форумына килегеҙ!
"10-12 ноябрҙә баш ҡалабыҙ Өфө глобаль этно-музыка үҙәге исеменә дәғүә итәсәк.
Тәүге тапҡыр республикабыҙҙа "МОСАФИР" этно-музыкаль форумы уҙғарыла.
Европа, Азия, АҠШ, Африка илдәренән 20 музыка белгесе Конгресс-холда ике көн буйы лекция үткәрә.
Милли музыканы нисек бар донъяға таратырға? Милли ҡоралдарҙа уйнап, Европа, Азия илдәрендә нисек дан ҡаҙанырға? Сит ил музыкаль фестивалдәренә нисек эләгергә? Америка, Африка, Европа һәм Азия илдәре буйлап нисек гастролдәр ойошторорға?
Ошо һәм башҡаһына этно-музыка белгестәре яуап бирә.
Форумдың төп өлөшө - Шоукейс. Башҡортостандың һәм башҡа өлкәләрҙең этно- төркөмдәре халыҡ-ара жюри алдында 20 минутлыҡ программалары менән сығыш яһаясаҡ.
Барабыҙ! Үҙ ҡолаҡтарыжыҙ менән ишетәбеҙ! Үҙ күҙҙәребеҙ менән күрәбеҙ!" - тип яҙа "Тамыр" телеканалы етәксеһе Гөлназ Ҡолһарина Инстаграмдағы аккаунтында.
Бының өсөн "Бәйләнештә" сайтында https://vk.com/msfr_ru адресы буйынса теркәлергә онотмағыҙ.
Оҡшаш яңылыҡтар
