06.09.2019 СССР заманынан алып еңгәндәре юҡ
Бөгөн Рәсәй йыйылма командаһы футболсылары киләһе йыл буласаҡ Европа чемпионатының һайлап алыу төркөм осрашыуында Шотландия уйынсылары менән уйнаясаҡ.
Осрашыу Глазгола Мәскәү ваҡыты менән 21:45 сәғәттә башлана.
Беҙҙең команда үҙ тарихында улар менән ете официаль уйын уҙғара. СССР заманында тәү башлап, 1967 йылда дуҫтарса бәйгелә беҙҙекеләр 2:0 иҫәбе менән еңеү яулай. 1971 йылда ла дуҫтарса уйында Союз уйынсылары 1:0 иҫәбенә өҫтөнлөк итә. Ә инде 1982 йылда донъя беренселегенең төркөм осрашыуында улар менән 2:2 иҫәбенә таралыша. 1991 йылда улар йәнә дуҫтарса осрашып, беҙҙекеләр Шотландияны 1:0 иҫәбенә алдыра. Бер йылдан һуң уларҙың юлдары Европа чемпионатында киҫеше һәм был юлы улар беҙҙекеләрҙе 3:0 иҫәбенә отоп, беренселектән төшөрөп ҡалдыра. Унан һуң СССР иле тарҡалып, Рәсәй футболсылары 1994/95 йылдарҙа уҙған Европа беренселегенең һайлап алыу төркөм бәйгеһендә ике тапҡыр осрашып, икеһендә лә еңеүсенә асыҡлай алмайҙар. Иҫәп – 1:1 һәм 0:0. Был юлы нисек булыр…