RSS-подписка facebook facebook Вконтакте Вконтакте
» » Өмөтбайҙа ҡыҙҙар ҡайтты ауылға

25.06.2019 Өмөтбайҙа ҡыҙҙар ҡайтты ауылға

Баймаҡ районының Өмөтбай ауылы китапханасыһы Алгөл Латыпова хәбәр итә:

- Беҙҙең ауыл халҡы заманса йәшәргә тырышып, йәшәгән ерҙәрен матурлай, береһенән-береһе артырып донъя көтә. Кешеләре мал-тыуар, ҡош-ҡорт күпләп үҫтерә, ҡортсолоҡ менән шөғөлләнгәндәр ҙә бар. Техникаға ҡытлыҡ юҡ. Ауылда урта мәктәп эшләй. Уның ябылмауы ла йәштәрҙең ҡалыуына, балаларҙың булыуына бәйле. Киләсәктә лә бында белем усағы һүнмәҫенә ышанғы килә. Мәсеткә ремонт, зыярат тирәһен тәртипкә килтереү кәрәк ине, күмәкләшеп аҡса йыйып, быны бергәләп хәл иттек. Мәҙәни усаҡ һәм китапхана хеҙмәткәрҙәре лә ауыл тормошонда ҡайнай. Ике сауҙа нөктәһе эшләй. Фельдшер пункты ла барыһына медицина ярҙамы һәр ваҡыт күрһәтеп тора.

Байрамға килгәндә ауылда йәшәүселәр, ситтән килгән ҡунаҡтар изге урынға, Мохан тауы итәгендә йыйылды. Билал ауыл хакимиәте башлығы Илдар Саптаров, ауылдың ағинәйҙәр ҡоро, Өмөтбай ауыл мәҙәниәте етәксеһе Әлфия Сәғәҙәтова һәм Өмөтбай ауыл китапханасыһы Алгөл Латыпова, староста Зиннур Көмөшбаев барыһын да тәбрикләне.

Өмөтбай үҙе өс ҙур урамдан тора. Ауылға ҡайтҡан ҡыҙҙар урамдары менән йыйылышып осрашып, мәсет янына ағыла. Йыйылыусыларҙың ата-бабалар, туғандары рухтарына Ноғман хәҙрәт Һибәтуллин доға ҡылғандан һуң, барыһы ла ялан яғына йүнәлде. Ашнаҡсылар - Өмөтбай ауылы ҡыҙҙары Мәйсәрә Иҫәньюлова, Сания Ҡотлогилдина, Гөлсинә Аҡбулатова аш бешереп, сәй әҙерләп ҡуйғандар ине. Әйткәндәй, байрамға Ноғман һәм Земфира Һибәтуллиндар, Уран һәм Зөлфиә Латыповтар, Эльвира Нөғәмәнова, Әлфиә һәм Зөлфәр Сәғәҙәтовтар, Рамил һәм Әнүзә Мәжитовтар ғаиләләре ҡорбан итеп салынған һарыҡтарын бүлде.

Осрашыуҙар, һөйләшеүҙәр, иҫтәлектәр менән бүлешеү тәбиғәт ҡосағында дауам итте. Оло быуын вәкиле Рәфҡәт ағай Дауытов йәштәргә кәңәштәрен әйтте, матур сараны ойоштороп, ауыл халҡын берләштереүселәргә рәхмәтен белдерҙе. Бергәләшеп элекке йырҙар йырлауы ла үҙенсәлекле булды, күңелдәргә наҙ, моң өҫтәне. "Дәртле" бейеү ансамбле, ҡатын-ҡыҙҙарҙың фольклор ансамбле лә ауылдаштарына матур бейеүҙәр бүләк итте.

Алыҫтан килгән ҡунаҡтар ҙа, ауылдыҡылар ҙа байрамда ихлас ҡатнашты. Уйындарҙа, төрлө ярыштарҙа өлкәндәр ҙә, балалар ҙа әүҙемлектәрен күрһәтте, бүләктәр алып ҡыуанды.

Ялан шау-гөр килеп торҙо. «Ҡыҙҙар ҡайтты ауылға» тип аталған сара оҙаҡ хәтерҙә ҡалыр, киләсәктә өмөтбайҙарҙы тыуған яҡтарына тартып, әйҙәп торор. Өмөтбай ауыл клубы етәксеһе Әлфиә Сәғәҙәтова билдәләүенсә, халыҡҡа оҡшаған, бергә йыйған был сара алдағы йылдарҙа тағы ла күркәмерәк, байыраҡ программа менән үткәреләсәк.



Автор: Айбулат ИШНАЗАРОВ
Фото: Автор фотоһы




Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Владимир Путинға сираттағы тәҡдим

19.07.2019 - Яңылыҡтар таҫмаһы Владимир Путинға сираттағы тәҡдим


Ҡатын урлау

18.07.2019 - Яңылыҡтар таҫмаһы Ҡатын урлау


"Боҙом"дан ҡотолоу хаҡы 160 мең һумдан ашыу.

Бал ҡорттары ҡырылған

18.07.2019 - Яңылыҡтар таҫмаһы Бал ҡорттары ҡырылған


Туристар Төркиәне һайлай

18.07.2019 - Яңылыҡтар таҫмаһы Туристар Төркиәне һайлай


Өфөлә иң популяр исемдәр ниндәй?

18.07.2019 - Яңылыҡтар таҫмаһы Өфөлә иң популяр исемдәр ниндәй?


Ут менән генә түгел, һыу менән дә уйнарға ярамай

"Уралсиб" түбәһенә оя ҡорған ыласындар ни хәлдә?

Селим Байрактар Өфөгә килә

18.07.2019 - Яңылыҡтар таҫмаһы Селим Байрактар Өфөгә килә


Рәхим бер юлы 4618 тапҡыр отжимание яһай

18.07.2019 - Яңылыҡтар таҫмаһы Рәхим бер юлы 4618 тапҡыр отжимание яһай


Хәтәр матур әйбер - башҡорт орнаментлы салфеткалар йыйылмаһын оторға теләйһегеҙме?

Ике атай менән йәшәгән

18.07.2019 - Яңылыҡтар таҫмаһы Ике атай менән йәшәгән