RSS-подписка facebook facebook Вконтакте Вконтакте
» » Өҫтәлеңдә гел туҡмас булһын

17.04.2019 Өҫтәлеңдә гел туҡмас булһын

Сибай ҡалаһында үткән сираттағы «Инвестиция сәғәте»ндә ике проект ҡаралды. Уларҙың тәүгеһе «Монолит» яуаплылығы сикләнгән йәмғиәте етештергән вибропрессовкалы төҙөлөш изделияһына ҡағылһа, икенсеһе аҙыҡ-түлеккә бәйле булған «МакарониЯ» йәмғиәте үҫешенә арналды. Йәмғиәттең атамаһына ҡарап, күҙ алдына күптән күнеккән макарон изделиялары килһә лә, был компанияның үҙенсәлеге бар. Улар башҡорт һәм татар аш-һыуының төп ризыҡтарының береһе булған бишбармаҡ һәм туҡмас ҡырҡыу менән булыша.
Фирманың генераль директоры Рөстәм Дилмөхәмәтов әйтеүенсә, эшселәр ҡамыр ризыҡтарын юғары сортлы онға тик йомортҡа ҡушып баҫа. Күптәр бит һалмаларҙы ошо рәүешле түгел, ҡамыр тиҙерәк ҡатһын һәм ҡырҡылып һатыуға сығарылһын өсөн йомортҡа онтағына болғата. Бындай һалманың төҫө лә, тәме лә булмай, ҡайнап сыҡҡан һурпаға һалһаң, нисектер йәмһеҙ булып өҫкә ҡалҡып сыға. «МакарониЯ» йәмғиәте етәкселеге шундай күренеш булмаһын өсөн тырыша. Әйткәндәй, уларҙың бишбармаҡ, туҡмастарын һатып алыусылар, ризыҡтың сифатлы булыуын һыҙыҡ өҫтөнә ала.
Рөстәм Ҡунаҡбай улы был изге эшкә 2013 йылда уҡ тотона. Хеҙмәт шарттары булмаһа ла улар ҡулдан һалма ҡырҡып, үҙ эштәрен булдырып маташа. Әммә аҡса әйләнешен көйләп ебәрә алмай аҙапланалар. 2013 йылда финанс ярҙамы һорап урындағы ҡала хакимиәтенә мөрәжәғәт итәләр. Етәкселек ярҙамы менән алынған 300 мең һум субсидия эшҡыуарлыҡтарын урындарынан ҡуҙғатып ебәреүгә, йәғни 170 квадрат метр майҙанды тәшкил итәкән үҙ биналарын булдырыуға етә.
Былтыр компания кредитҡа сменаһына 200 килограмм һалма етештереү ҡеүәтенә эйә булған ҡорамалдар һатып алған. Күп тырышлыҡтар һалғандан һуң линия сафҡа ингән һәм әлеге көндә унда 5 кеше уңышлы эшләп тора.
«МакарониЯ» йәмғиәтендә ҡырҡылған бишбармаҡ һәм туҡмас Сибайҙың күп кенә сауҙа нөктәләренә һатыуға сығарыла. Шулай уҡ милли аш-һыуҙы ¤фө, Мәләүез, Салауат, Стәрлетамаҡ ҡалалары халҡы ла бик теләп һатып ала. Әлеге көндә компанияны «Байрам», «Пятерочка» магазиндары етәкселәре хеҙмәттәшлек итергә саҡырған.
Тик улар бер сменала етештергән 200 килограмм макарон изделиялары селтәрле магазиндар өсөн бик аҙ. Бының өсөн етештереү ҡеүәтен бер нисә тапҡырға арттырыу зарур. Шуға ла компания яңы ҡоролма –ҡамыр аштары етештереүсе автоматик линия һатып алырға иҫәп тота. Атап әйткәндә, гидротермик технологиялы киптереү ҡоролмаһы кәрәк. Был линия иһә сәғәтенә 200 килограмм әҙер продукция сығарыуға һәләтле. Әгәр ошо хылдары тормошҡа ашһа, уларҙың етештереү ҡеүәте 6 тапҡырға артасаҡ. Тик ҡоролманың хаҡы бик ҡиммәт—7 миллион һумдан ашыу тора.
--Махсус линияны һатып ала алһаҡ, беҙҙең йәмғиәт республикала ғына түгел, унан ситкә лә ризыҡ етештереп һатыуға сығарасаҡ. Билдәле, ассортимент та байыясаҡ, эш урындары ла артасаҡ. Шулай даныбыҙ таралып китһә, ҡалала макарон фабрикаһы төҙөү форсат тыуасаҡ,— ти Рөстәм Дилмөхәмәтов.
Ҡала хакимиәте башлығы Рөстәм Афзалов Р.Дилмөхәмәтовтың проекты менән ҡыҙыҡһынды һәм эксперттарға бәләкәй эшҡыуарлыҡты үҫтереп ебәреүгә тәғәйенләнгән махсус дәүләт программаларын барлап, шуларҙа ҡатнашыу мөмкинлеген тыуҙырырға булышлыҡ итергә ҡушты.



Автор: Г. Ҡадаева
Фото: Л. Ильязова




Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Флорида ҡораллана...

25.04.2019 - Яңылыҡтар таҫмаһы Флорида ҡораллана...


Клон. 251-се серия? Лео урынына - ағас?

25.04.2019 - Яңылыҡтар таҫмаһы Клон. 251-се серия? Лео урынына - ағас?


Министр китте

25.04.2019 - Яңылыҡтар таҫмаһы Министр китте


Юха Метсола " Салауат Юлаев" клубында ҡаласаҡ

Георгий таҫмалары таратыла башланы

25.04.2019 - Яңылыҡтар таҫмаһы Георгий таҫмалары таратыла башланы


Башҡортостан Хөкүмәтендә - яңы орган

25.04.2019 - Яңылыҡтар таҫмаһы Башҡортостан Хөкүмәтендә - яңы орган


Маринаның "Мәҙинә"гә ҡаршы көрәше

25.04.2019 - Яңылыҡтар таҫмаһы Маринаның "Мәҙинә"гә ҡаршы көрәше


Иң бай "оперҙар" ҡайҙа? Беҙҙә!

25.04.2019 - Яңылыҡтар таҫмаһы Иң бай "оперҙар" ҡайҙа? Беҙҙә!


Рәсәйҙән Мысыр курорттарына чартер рейстар асырға уйлайҙар

Бәхил бул, Рауил Бикбай!

25.04.2019 - Яңылыҡтар таҫмаһы Бәхил бул, Рауил Бикбай!


Йылытты, йылытты, ҡапыл һыуытасаҡ!

25.04.2019 - Яңылыҡтар таҫмаһы Йылытты, йылытты, ҡапыл һыуытасаҡ!


Бөгөндән балыҡ тоторға ярамай! Юғиһә штраф!