RSS-подписка facebook facebook Вконтакте Вконтакте
» » Пенза янында һәләк булғандар исемдәре билдәле булды

15.04.2019 Пенза янында һәләк булғандар исемдәре билдәле булды

Бөгөн төндә Пенза өлкәһенең Мокшан районындағы Симбухов ауылы янында «М5-Урал» автомобиль юлының 590-сы саҡрымында «МАЗ» автомобиле һәм «Лада Ларгус» бәрелешкәне хаҡында хәбәр иткәйнек. Мәрхүмдәрҙең шәхесе асыҡланды.

Улар — Серпухов ҡалаһына эшкә китеп барған Сибай, Әбйәлил һәм Баймаҡ райондары кешеләре. Әлеге ваҡытта мәрхүмдәрҙең кәүҙәләре Пенза өлкәһе моргында.

Аварияла һәләк булыусылар Башҡортостанда эш хаҡтары түбән булғас, аптырағандан Серпуховҡа хәрби институтҡа вахталы эшкә китеп барған. Баймаҡтан ике "Ларгус" сыҡҡан. Вахтасылар бөгөндән эшкә сығырға тейеш булған. Уларға ай ярым эшләп, ай ярым ял итергә тигән шарт ҡуйылған.

Авария Мәскәү ваҡыты менән төнгө сәғәт 1-ҙә булған. "Лада" автомобиле водителе йоҡлап киткән һәм ҡаршы һыҙатҡа сыҡҡан. Шул мәлдә машина "МАЗ"ға бәрелгән - быны арттан килгән "Ларгус"тың водителе күргән. Ауыр "Зубренок
" еңел автомобилде тулыһынса юҡҡа сығарған.



Шаһиттар әйтеүенсә, мәйеттәр һәм уларҙың әйберҙәре бар юлға һибелгән. Трасса хәрәкәте дүрт сәғәткә тотҡарланған.

Мәрхүмдәрҙең исемлеге мәғлүм булды. Хаталаныуыбыҙ ҙа ихтимал, төҙәтмәләр индерербеҙ:

66 йәшлек Нуриман Яналин (Баймаҡтан),

55 йәшлек Миҙхәт Юнысбаев (Баймаҡтан),

36 йәшлек Хәтирә Килмөхәметова (Әбйәлилдән),

36 йәшлек Илшат Ласынов (Сибайҙан)

"Ларгус" менән идара иткән 49 йәшлек Вадим Базуев.



Был фажиғә тураһында республика хөкүмәтендәге бөгөнгө оператив кәңәшмәлә билдәле булды. Башҡортостан Башлығы вазифаһын ваҡытлыса башҡарыусы Радий Хәбиров муниципалитет башлыҡтарына һәләк булыусыларҙың туғандары менән бәйләнешкә инергә һәм тейешле ярҙам күрһәтергә, автобус һәм оҙатып барыуҙы ойошторорға ҡушты. Сибай башлығы Рөстәм Афзалов күрелгән саралар тураһында хәбәр итеп торорға тейеш.

Башҡортостан Хөкүмәте вице-премьеры вазифаһын башҡарыусы Ленара Ивановаға һәләк булғандарҙың ғаиләләренә социаль ярҙам күрһәтеүҙе өйрәнеү бурысы йөкмәтелде.



Автор: Айбулат ИШНАЗАРОВ
Фото: vk.com




Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Бруталь ир-егет бармы арағыҙҙа?

18.04.2019 - Яңылыҡтар таҫмаһы Бруталь ир-егет бармы арағыҙҙа?


Бына һиңә: наркомандарҙың да “праваһы” булған!

Айғырға – 411 һум 60 тин

18.04.2019 - Яңылыҡтар таҫмаһы Айғырға – 411 һум 60 тин


Иламаған балаға имсәк ҡаптырмайҙар. “Илағандар” үҙенә кәрәген ала!

“Мир” картаһын ал да...

18.04.2019 - Яңылыҡтар таҫмаһы “Мир” картаһын ал да...


Лилиә Рәсүлеваның "Күңелемдә моңло яҙ"концертына Флүрә Йәғәфәрова барасаҡ!

Баш ҡала халҡы, өшөшмө?

18.04.2019 - Яңылыҡтар таҫмаһы Баш ҡала халҡы, өшөшмө?


Рәхәт йәшәмәгеҙ әле, тине, шикелле, талпандар, быйыл йоҡонан иртәрәк уянып...

Көндәшен үлтерергә теләгән

18.04.2019 - Яңылыҡтар таҫмаһы Көндәшен үлтерергә теләгән


Өсөнсө бала табығыҙ һәм ипотеканы ҡаплауға 450 мең һум алығыҙ!

Ҡатынды урлағандар…

18.04.2019 - Яңылыҡтар таҫмаһы Ҡатынды урлағандар…


Кино ҡарарға һәм китап алырға барғанда паспорт онотмағыҙ