RSS-подписка facebook facebook Вконтакте Вконтакте
» » Мәктәп уҡыусылары ҡар көрәргә тейешме?

14.02.2019 Мәктәп уҡыусылары ҡар көрәргә тейешме?

Иптәштәр, Өфөләге хәлде ҡарап, тикшереп китәйек. һеҙҙең фекерҙәр бында бик кәрәк.

Ошо көндәрҙең береһендә 69-сы мәктәптә 9-сы класс уҡыусыларының дәрестәр теҙмәһендә физкультура мәле килеп еткән. Тик спорт өҫ һәм аяҡ кейемле үҫмерҙәрҙе залға индермәгәндәр, киреһенсә урамға ҡар көрәргә алып сыҡҡандар. Уҡытыусы балаларҙың әйткәнен тыңлап тормаған тиҙәр.
Һөҙөмтәлә ике бала арҡаһын биртендергән, өсәүе һыуыҡ алдырған.
Мәктәп директоры отпускыла булдым, физкультура уҡытыусыһының был ниәте тураһында белмәнем тигән. Киләсәктә бындай хәлдәр ҡабатланмаҫ тип вәғәҙәләгән. Юристар уҡыусыларҙы бындай эштәргә йәлеп итергә ярамай, тик субботникта ғына ҡушырға мөмкин тигән.

... Һәм дә хәтирәләр яҙып үтәйем. 1999 йыл, Баймаҡ лицей-интернаты, апрель айы уртаһы. Хеҙмәткә өйрәтеү дәресендә беҙҙе - 7-се "А" класы малайҙарын уҡытыусыбыҙ Мөбәрәк Мөхтәр улы (Батталов) мәктәптең арт яғына - хәҙер ул төп инеү урыны - алып сыҡты һәм иҫке түтәлдәрҙе һүтергә ҡушты. Ҡыпһыуыр, балта, сүкеш, көрәк-лом алдыҡ та эшкә тотондоҡ.
Ҡояш ҡыҙҙыра, беҙ дәррәү эшләп йөрөйбөҙ. Хәбәр һөйләйбеҙ, көләбеҙ, күңелле! Тик... "Шырррт!" тигән тауыш - нимә күрәм, түтәл мөйөшөнөң ситендә торған тутыҡ сөйгә салбарҙы эләктергәнмен. Ике көн элек кенә йәкшәмбе баҙарында әсәйем алып биргән ҡара джинсы салбарҙың һул тубыҡтан өҫтө "Г" хәрефе кеүек йыртылды...
Эй, шул мәлдәге көйөү-ҡайғырыуым. Өйҙәгеләргә әйтмәнем, уҡытыусы-завуч-директор ҙа белмәне. Прокуратура-фәләнтураһында иҫемә төшмәне. Шым ғына өйгә ҡайтып, ҡара еп менән йүрмәп ҡуйҙым. Һүтек-йыртыҡлы әйберҙең бәҫе китте.
Бер аҙнанан хеҙмәт дәресендә йәнә лә тышҡа эшкә сыҡтыҡ. Ҡыҙҙар менән картуф ултырттыҡ. Мин баяғы салбарҙа - тағы ла "шыыыырт!" тигән тауыш! Ҡәһәрең! Салбарҙың инде уң яҡ балағы сөйгә эләкте!
Йәнә өндәшмәнем, йәнә ҡайттым, йәнә шым ғына йүрмәп ҡуйҙым... Ярай, иҫке салбарҙы кейеп йөрөп, 7-сене тамамалап ҡуйҙым, Көҙгә ҡарай әсәй яңынан кейем алды...
Интернаттың "овощехранилище"һынан серек картуф ташыу, ҡоймаларын һүтеү, бағана ултыртыу, электриктар бысҡан тирәк ботаҡтарын ташыу, ашханаға килгән он-маҙарҙы бушатыу - барыһы ла эләкте.

Салбар йыртыу кеүек ошондай хәл хәҙер булһа нимә эшләр инем икән? Ата-әсәйем, үҙем уҡытыусы, мәктәп етәкселеге өҫтөндә тауҙай булыр инемме икән? Әсәйем уҡытыусы ине, коллегалары менән боҙошоп та йөрөмәҫ ине.

Мәктәптә балаларҙы ҡар көрәү, әйбер ташыу кеүек эштәргә йәлеп итеү кәрәкме? Әллә бәләһенән баш-аяҡ тиеү хәйерлерәкме? Фекерҙәр көтәбеҙ.



Автор: Айбулат ИШНАЗАРОВ
Фото: vk.com





Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Өҫтәлгән комментарийҙар


  1. АМУР Ямалыев
    Вчера, 18:41: АМУР Ямалыев
    Непременно и архиважно!!!


Оҡшаш яңылыҡтар



Урал Шәмиғоловтың яҡты иҫтәлегенә таҡтаташ асылды

Гәзиттең 5-се һанындағы кроссворд еңеүселәре!

Овечкин НХЛ  тарихын яҙа...

16.02.2019 - Яңылыҡтар таҫмаһы Овечкин НХЛ тарихын яҙа...


Ҡайһы төбәктең иң яҡшыһы булғыһы килә?

16.02.2019 - Яңылыҡтар таҫмаһы Ҡайһы төбәктең иң яҡшыһы булғыһы килә?


Ватсапта башланған низағ бысаҡҡа барып еткән

Телеүҙәктә нимә булған?

15.02.2019 - Яңылыҡтар таҫмаһы Телеүҙәктә нимә булған?


Башҡортостанда уртаса пенсия күләме 13.5 мең һумдан артты

Башҡортостандың өс ҡалаһы һайланды

15.02.2019 - Яңылыҡтар таҫмаһы Башҡортостандың өс ҡалаһы һайланды


Афған яугирҙәрен тәбрикләйәсәктәр

15.02.2019 - Яңылыҡтар таҫмаһы Афған яугирҙәрен тәбрикләйәсәктәр


Пластик шешә өсөн – аҡса

15.02.2019 - Яңылыҡтар таҫмаһы Пластик шешә өсөн – аҡса


Өфөләге был урам зәхмәтлеме әллә?

15.02.2019 - Яңылыҡтар таҫмаһы Өфөләге был урам зәхмәтлеме әллә?


Нуғай ҡасабаһында яңы балалар поликлиникаһы