RSS-подписка facebook facebook Вконтакте Вконтакте
» » Ҡошсоҡтарға ярҙам ҡулы һуҙайыҡ!

16.12.2018 Ҡошсоҡтарға ярҙам ҡулы һуҙайыҡ!

Беҙҙең тарафтарҙа ҡышлаусы ҡоштарға оҙайлы ҡыш һынау осоро булып тора. Улар һыуыҡтан ғына түгел, күбеһенсә аслыҡтан яфа сигә. Ҡар ятыу менән урман-ҡырҙарҙа, яландарҙа аҙыҡ табыуы ауырлаша, шуға күрә күпселек ҡоштар кешеләр йәшәгән урындар­ға туплана. Ошо ваҡытта ҡанатлы дуҫтарыбыҙға тағараҡтар эшләп, ярҙам ҡулы һуҙыу уларҙы һәләк булыуҙан ҡотҡара ала.

Ҡоштарҙы ашатыуҙың ябай ғына тәртиптәре лә бар. Беренсенән, ҡанатлы дуҫтарыбыҙға ҡыҙҙырылған, май­лы, тоҙло йә шәкәрле аҙыҡ бирергә ярамай. Ул тары ярмаһын, ҡауын, ҡарбуз, ташҡабаҡ, көнбағыш орлоҡтарын, балан, гөлйемеш, мышар емештәрен, икмәк валсыҡтарын һәм хайуан майын (сало) айырыуса яратып ашай. Тағараҡтағы аҙыҡтың төрлөлөгөнә ҡарап ҡоштарҙың бер нисә төрө йыйылыуы ихтимал. Икенсенән, әлбиттә, тағараҡтың һәр ваҡыт таҙа булыуы мөһим: артып ҡалған аҙыҡтың күгәреп, сереп, төрлө ауырыу барлыҡҡа килтереүе мөмкин. Өсөнсөнән, ҡоштарҙы бер ашата башлағас, уны ғәҙәткә индерергә кәрәк. Сөнки тағараҡта туҡланырға өйрәнгән ҡоштоң һәләк булыуы бар. Балалар баҡсаһында, мәктәптәрҙә тағараҡтар элеп, бергәләшеп ҡоштарҙы “шефлыҡҡа алыу” отошло – күмәкләшеп күҙәтеүҙәр алып барырға була.

Ата-әсәләр балаларына бә­ләкәйҙән хайуандарға, тә­биғәткә ҡарата миһырбанлы булырға өйрәтһә ине. Быға тәүге аҙымдар – ҡоштарҙы ашатыу бигерәк тә кескәй балалар өсөн ҡыҙыҡлы. Ошо саҡта сабыйҙар менән бергә үткәргән ваҡытығыҙ файҙалы ла, фәһемле лә, күңелле лә булыр!

Айһылыу НОҒОМАНОВА,
“Шүлгәнташ” ҡурсаулығы хеҙмәткәре.



Фото: "Бәйләнештә" селтәренән





Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Ростовта матәм: Радий Хәбиров телеграмма аша ҡайғы уртаҡлашты

Өфөнән Сибайға табиптар килгән

16.01.2019 - Яңылыҡтар таҫмаһы Өфөнән Сибайға табиптар килгән


Яҡташыбыҙ — Беренсе каналдың алып барыусыһы

Телдәрҙе яҡлайһың, һаҡлайһың икән - грант ал!

"Ватс ап". Аралашыу әйбереме әллә сенсация сығанағымы?

Сибайҙа балалар баҡсаларында һәм мәктәптәрҙә урамда дәрес үткәреү һәм тышҡа сығып йөрөү тыйылды

Сибайҙағы ағыулы төтөн эҙемтәләренә ҡаршы көрәш буйынса "ҡыҙыу линия" асылды

“Башҡорт халҡының үҫеш стратегияһы”нда нимәләр булырға тейеш?

Ялғанлап пенсия алған

15.01.2019 - Яңылыҡтар таҫмаһы Ялғанлап пенсия алған


Зарифты Өфөгә килтергәндәр

15.01.2019 - Яңылыҡтар таҫмаһы Зарифты Өфөгә килтергәндәр


Сибай МФЦ-һында - Башҡортостандағы иң яҡшы "көтөү ваҡыты" күрһәткесе

Радий Хәбиров Сибайға килде

15.01.2019 - Яңылыҡтар таҫмаһы Радий Хәбиров Сибайға килде