17.11.2014 Билдәһеҙ һалдаттың туғандарын табайыҡ!
Башҡортостандың эҙләү отрядтары фонды Бөйөк Ватан һуғышының билдәһеҙ һалдатының шәхесен асыҡларға саҡыра. Беҙҙең эҙәрмәндәргә Вологда өлкәһендәге эҙләүсе Анатолий Скорюков үтенес менән мөрәжәғәт иткән.
Һалдаттың исем-шәрифе билдәһеҙ, фотоһүрәттә бер ниндәй яҙыу юҡ. Егетте фотоға 1941 йыл тирәһендә Польшаның Белосток ҡалаһындағы немецтарҙың тотҡондар өсөн концлагерында төшөргәндәр. Был фотоһүрәт артабан Белосток янындағы 1941 йылдағы хәрби бәрелештәр тураһында мәғлүмәт йыйыусы Польша сик буйы һаҡ хеҙмәте офицерының шәхси коллекцияһында булған.
Кем дә булһа был егеттә үҙенең туғанын таныған йәки башҡа төрлө мәғлүмәтте белә - 8-917-443-89-89 телефонына шылтырата йәки bashpoisk2006@gmail.com адресы буйынса яҙып ебәрә ала.
Оҡшаш яңылыҡтар
