28.08.2010 Төркиәлә – Велиди паркы
ТӨРКСОЙ халыҡ-ара ойошмаһының саҡырыуы буйынса Башҡортостандың рәсми делегацияһы Төркиәлә күренекле сәйәси һәм йәмәғәт эшмәкәре, ғалим-төркиәтсе Әхмәтзәки Вәлидиҙең тыуыуына 120 йыл тулыуға арналған сараларҙа ҡатнаша.
БР Хөкүмәте Премьер-министры урынбаҫары Зөһрә Рәхмәтуллина етәкселегендәге Башҡортостан делегацияһы Төркиәнең баш ҡалаһы Анкараның Кечиорен районында урынлашҡан Ә. Вәлиди Туған исемендәге паркты асыу тантанаһында булды.
Беҙҙекеләр Төркиәнең мәҙәниәт министры Эртугрул Гюнай, ТӨРКСОЙ-ҙың Генераль секретары Дюсен Касеинов, Кечиорен районы хакимиәте вәкилдәре, Төркиә Республикаһының башҡа дәүләт һәм йәмәғәт эшмәкәрҙәре менән осрашты.