RSS-подписка facebook facebook Вконтакте Вконтакте
» » Тиҙ йөрөшлө электр поезы исем туйланы

16.08.2013 Тиҙ йөрөшлө электр поезы исем туйланы

Халыҡ юлда күп йөрөй. Пасса­жирҙарға, ниндәй транспортта йөрөү теләгенә ҡарап, уларҙы һайлау мөмкинлеге лә бар. Өфөнөң тимер юл вокзалынан да өр-яңы уңайлы поезд йөрөй башланы. ЭД – 4М «Өфө – Ҡандра» элетричкаһы тәүге рейсҡа баш ҡаланан 13 августа сыҡты һәм һәр йомала 17 сәғәт 55 минутта ҡуҙғала. Был яңы поезд менән республика Президенты Рөстәм Хәмитов та танышты.
Ҡандра ҡасабаһына электричка 2 сәғәт 46 минут бара (юл оҙонлоғо 144 саҡрым). Өфөгә йәкшәмбелә 16 сәғәт 21 минутта юллана.
Туҡталыштар – Уң Ағиҙел (Правая Белая), Дим, Йоматау, Алкино, Шишмә, Шишмә – 2, Сәфәр, Благовар, Бүздәк станцияларында.

Вагондарҙа кондиционер системаһы эшләй, энергияны һаҡсыл тотоноусы линия ҡуйылған, видеокамералар беркетелгән. Яңы поезд тауышты ла әҙ сығара. 624 урынлыҡ электричкала йөрөү хаҡы автобус хаҡынан байтаҡҡа арзан – 150 һум.
Әйткәндәй, поезда халыҡ иң күп йөрөүсе йүнәлештәргә – Шишмә, Раевка, Әшә, Ҡандра, Инйәр һәм Стәрлетамаҡ яҡтарына икән.
– Бындай тиҙ йөрөшлө поезд, әлбиттә, алға етди аҙым, әммә был эконом-класс. Мин сит илдәрҙә бөтөнләй башҡа кимәлдәге поездарҙы күргәнем бар. Салонда тиҙлекте һәм температураны күрһәткән экрандар ҡуйылған, буфеттар эшләй, ә яп-ябай халыҡ йөрөй. Был электр поезына рәхмәт, шулай ҙа өр-яңы техника ла бар. Шуға ынтылыш булырға тейеш, – тине Рөстәм Хәмитов, үҙ фекерен белдереп.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Тел ҡәҙере, ҡөҙрәте бөтмәһен!

Олатайым әйткәнен үтәрбеҙ!

Бәхетлемен һиндә,  Башҡортостан!

Тормоштоң ҡәҙерен белеп йәшәйек!

Яҡташтар тип йән атыусы изге йән

Яҙғы ташҡын - 2019: һыу 85 меңдән ашыу кешегә зыян килтереүе ихтимал

Башҡортостанда «Сүп-сар реформаһы»: контейнерҙар етмәй, халыҡ түләүгә бәйле хәлгә төшөнә алмай

«Башҡорт халҡының үҫеш стратегияһы» – беҙҙең  уртаҡ киләсәктең кәүҙәләнешен тәҡдим иткән документ

Уйым-йырым - Башҡортостан!

Нәшриәттең 100 йыллығын ҡаршылап...

Бөгөн – Халыҡ-ара урман көнө

Кеше эше менән матур

17.03.2019 - Йәмғиәт Кеше эше менән матур