RSS-подписка facebook facebook Вконтакте Вконтакте
» » Беҙҙең иҡтисади сәйәсәт дөрөҫ йүнәлеш алған

24.05.2013 Беҙҙең иҡтисади сәйәсәт дөрөҫ йүнәлеш алған

Өфөлә “Euromoney” инвестиция форумы асылды. Сара быйыл төҙөлгән хеҙмәттәшлек тураһындағы килешеүгә ярашлы “Euromoney“ компанияһы менән берлектә Башҡортостан Хөкүмәте тарафынан ойошторолдо.
БР Хөкүмәте Премьер-министры урынбаҫары Евгений Маврин, форумды асыу тантанаһында сығыш яһап, республиканы социаль-иҡтисади йәһәттән тотороҡло үҫтереү буйынса тәҡдимдәр әҙерләүҙә “Euromoney“ компанияһы ме­нән хеҙмәттәшлек итеү мөмкинлектәре хаҡында һөйләне. Вице-премьер билдәләүенсә, бик ваҡытлы үткән форум бөгөн алып барылған иҡтисади сәйәсәттең дөрөҫ йүнәлештә булыуын күрһәтә.
– Үҫеш йүнәлештәрен аныҡ билдәләнек һәм уларҙы үҙгәртергә йыйынмайбыҙ, – тине Евгений Маврин.
“Euromoney Institutional Investor PLC“ директоры Тристан Хиллгарт Башҡор­тостандың үҫеш программаһының аныҡ яҙылған булыуын һыҙыҡ өҫтөнә алды. До­кументта яҙылғандарҙы бойом­ға ашырыу өсөн күҙаллауҙар һәм һөҙөмтәне бутамаҫҡа, стратегияны бөтә ҡатлам кешеләре лә аңларлыҡ итергә, кеше капиталының мөһимлеген онотмаҫҡа кәрәк. Хиллгарт әфәнде әйтеүенсә, республикала ошо факторҙарҙы аңлап эш итәләр.
Форум көн дауамында фекер алышыуҙар форматында бар­ҙы. “Башҡортостан 2013 йылда һәм киләсәктә: төп иҡтисади мөмкинлектәрҙе үҫтереү һәм файҙаланыу” темаһы буйынса һөйләшеү ҙә файҙалы булды.
Был көндө Башҡортостан Хөкүмәте менән Бөтә донъя банкы араһында хеҙмәттәшлек тураһындағы килешеүгә ҡул ҡуйылды, ә республиканың Иҡтисади үҫеш министрлығы Ernst&Young компанияһы менән килешеү төҙөнө.
Башҡортостан социаль проблемаларҙы хәл итеү йәһәтенән Бөтә донъя банкы тәжрибәһен ҡулланыу менән ҡыҙыҡһына. Вице-премьер Евгений Маврин белдереүенсә, республика халҡының 10 проценты ярлылыҡта көн күрә, йәғни уларҙың килеме йәшәү минимумынан да кәмерәк. Шуға ла банкының ярлылыҡтан ҡотолоуға йүнәлтелгән программалары беҙҙә лә кәрәк.








Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Уйым-йырым - Башҡортостан!

Нәшриәттең 100 йыллығын ҡаршылап...

Бөгөн – Халыҡ-ара урман көнө

Кеше эше менән матур

17.03.2019 - Йәмғиәт Кеше эше менән матур


Асылыбыҙ – тыуған ерҙә, туған телдә

Рәсүл Сәғитовты юбилейы менән ҡотлайбыҙ!

Подъездар ремонтына бәйле 17 һорауға яуап

В Башкирии возбуждено еще одно уголовное дело по факту незаконной добычи камня-плитняка

Йәшел ҡалҡанды һаҡлайыҡ!

12.03.2019 - Йәмғиәт Йәшел ҡалҡанды һаҡлайыҡ!


Телевидение: кадр артында ниҙәр бар?

Башҡорт ҡыҙы Шанхайҙа

09.03.2019 - Йәмғиәт Башҡорт ҡыҙы Шанхайҙа


Радий Хабиров поздравил женщин с Международным женским днем