RSS-подписка facebook facebook Вконтакте Вконтакте
» » Был аҙнала беҙҙе...

01.11.2010 Был аҙнала беҙҙе...

...Ҡыуандырҙы
«Ер аҫтынан сыҡҡан кешеләр» – Чили шахтер­ҙары шахтала тотҡонлоҡта булған ваҡытта үҙ-үҙенә, яҡындарына биргән вәғәҙәләрен үтәй башланы. Биш шахтер сиркәүгә барып, никахын законлаштыр­ған. Тик шуныһы – хәҙер уларзың һәр береһенең тормошон киң матбуғат саралары күҙ уңынан ысҡындырмай. Күп кенә шахтерҙар ошо айҡанлы ризаһыҙлыҡ белдергән. Ни тиһәң дә, улар – һәр ваҡыт иғтибар үҙәгендә булырға яратҡан сәхнә «йондоҙ»ҙары түгел, ысын мәғәнәһендә бәләгә тарыған, әммә ауырлыҡты еңеп сыҡҡан кешеләр.
Шахтерҙар араһында законлы рәүештә өйләнеү генә түгел, башҡа эштәр менән булышыусылар ҙа күп. Берәүҙәр мохтаждарға матди ярҙам күрһәтергә тырыша, икенселәр рухи яҡтан үҫешә.

...ҡайғыртты
Индонезияның Суматра утрауында цунами арҡаһында кәмендә 311 кеше һәләк булды, 400-ҙән ашыу кеше ауыр тән йәрәхәттәре менән дауаханаларға эләкте. Етмәһә, хәбәр­һеҙ юғалғандар ҙа бихисап, 400-ләгән кешене таба алмайҙар.
Шишәмбелә Индонезияның әлеге утрауына ҡот осҡос ҙур тулҡындар ябырылды. Ҡасып ҡотолғандар, ә улар 4 мең тирәһе кеше, әлегә башҡа утрауҙарҙа йәшәп тора. Ләкин бында йәшәрлек шарттар бар тип әйтеп булмай. Улар палаткаларҙа көн итә, дарыуҙарға, аҙыҡҡа ҡытлыҡ кисерә.
Цунами арҡаһында матди юғалтыуҙар ҙа күп. Кешеләр йорт-ҡураһыҙ, мал-тыуарһыҙ тороп ҡалған.
Бынан тыш, илдә Мерапи янартауы атылыуы һөҙөмтәһендә лә ғәҙәттән тыш хәл иғлан ителгән. Ут 30 кешенең ғүмерен өҙгән. 36 мең кеше эвакуацияланған.

...һоҡландырҙы
Нимә-нимә, ә француздар үҙ хоҡуҡтары өсөн көрәшә белә. Әле улар, бөтә донъяны дер һелкетеп, пенсия тармағындағы реформаларға ҡаршылыҡ күрһәтеп, забастовкаларға сыҡты. Француздар пенсияға сығыу йәшен арттырыуға ризаһыҙлыҡ белдерә. Марсель ҡалаһының сүп-сар таҙартыусылары протест рәүешендә эшенән баш тартҡан. Һөҙөмтәлә урамдар ике аҙна эсендә шул тиклем бысранған, матур ҡала үҙе үк ҙур бер сүплек һауытына оҡшай башлаған.
Сүп-сар менән тулған урамдарҙағы еҫте бөтөрөү, 11 октябрҙән бирле йыйыл­ған 10 мең тонна сүпте йыйып алыу еңелдән булмаясаҡ. Етмәһә, йыйыштырыусылар баш күтәреүҙе дауам итергә лә йыйына. Тик сүпкә бәйле йыш ҡына янғындар сығыуы, ауыр еҫ таралыуы арҡаһында ҡаршылыҡты ваҡытлыса туҡтатып торор­ға булғандар.

...өмөтләндерҙе
Мәскәүҙең яңы мэры Сергей Собянин, илдең баш ҡалаһы халҡын ҡыуандырып, автомобиль тығындары мәсьә­ләһен кәңәшмәлә тикшерҙе. Билдәле булыуынса, Сергей Собянин ҡалала өҫтәмә парктар булдырырға һәм ойошторорға, төп транспорт үҙәктәрен тиҙерәк төҙөп бөтөрөргә, йәмәғәт транспорты хәрәкәтен оптималләштерергә тырыша. Һәр хәлдә, тап ошо мәсьәләләрҙе хәл итеү планын тәҡдим итә.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Киләһе йылда йорт бесәйҙәре һәм эттәре тамғаланасаҡ

Онкодиспансер яңы ҡоролмаға эйә булды

Ошо көндәрҙә Сибайҙа экологик хәл ҡырҡа киҫкенләште

Гөлнур Ҡыуатова өсөн тауыш бирәйек!

“Торатау” геопаркына рәхим итегеҙ!

Владимир Путин Сибай ҡалаһында йәшәүсе 15 йәшлек үҫмерҙең хыялын тормошҡа ашырасаҡ

Өфө ҡалаһы башлығы Башҡортостандың беренсе президенты Мортаза Рәхимов менән осрашты

Аэропорт кемдең исемен йөрөтөр?

Һәр кем үҙ бурысына яуаплы ҡараһын!

Уфа получит 39 единиц новой снегоуборочной техники

Түбә руднигында эшләгән башҡорттар

Онотолмаҫ ваҡиға

09.11.2018 - Йәмғиәт Онотолмаҫ ваҡиға