RSS-подписка facebook facebook Вконтакте Вконтакте
» » Электр транспорты – өҫтөнлөклө йүнәлеш

11.05.2012 Электр транспорты – өҫтөнлөклө йүнәлеш

9 майҙа Башҡортостан Пре­зиденты Рөстәм Хәмитов коляскала йөрөүсе инвалидтар өсөн ҡала электр транспортын презентациялау тантанаһында ҡатнашты. Сара Советтар Союзы Геройы С. Зорин исемендәге 1-се Өфө трамвай депоһында үтте.
Рөстәм Хәмитов депола эшләгән Бөйөк Ватан һуғышы ветерандарын һәм Афғанстан ветерандарын Еңеү көнө менән ҡотланы, уларҙың һәр береһенә бүләктәр тапшырҙы. Ветерандар үҙ сиратында Президенттан Өфөлә һәм тотош Башҡортостанда трамвай-троллейбус транспортын үҫтереүҙе һораны.
– Мотлаҡ үҫтерәсәкбеҙ, – тине Рөстәм Хәмитов. – Беҙ баш ҡаланың төньяғы менән көньяғын тоташтырыу буйынса план әҙерләйбеҙ. Бының тиҙ йөрөшлө трамвай булыуы ихтимал.
Артабан Рөстәм Хәмитов һуғыштан һуң 1-се депола директор булып эшләгән Советтар Союзы Геройы Сергей Зорин мемориалына сәскәләр һалды.
Бынан һуң Башҡортостан Президенты коляскала йөрөүсе инвалидтар өсөн ҡулайлаштырыл­ған трамвайҙы ҡараны. ҡатаутамаҡ (Усть-Катав) вагондар эшләү заводында етештерелгән был трамвай – быйыл Өфө электр транспорты идаралығына ҡайтарыласаҡ дүрт вагондың беренсеһе. Уға мөмкинлектәре сикләнгән пассажирҙарҙы ултыртыу-төшөрөү өсөн махсус баҫма ҡуйылған.
Рөстәм Хәмитов «Башҡортостан троллейбус заводы» асыҡ акцио­нер­ҙар йәмғиәтендә етештерелгән, инвалидтарҙы йөрөтөү өсөн тәғәйенләнгән троллейбусты ла ҡараны. Әммә Президент пассажирҙар­ҙы ултыртыу һәм төшөрөү өсөн ҡулайлаштырылған баҫҡыстың уңай­һыҙ урынлашыуын, бының инвалидтар өсөн бик күп ҡыйынлыҡ тыуҙырасағын билдәләне.
Төбәк башлығы һүҙҙәренсә, торлаҡ мәсьәләһе менән бер рәттән, ҡала хужалығында транспорт проблемаһын тиҙ арала хәл итеү, атап әйткәндә, республика баш ҡалаһының төньяҡ һәм көньяҡ өлөштәрен электр транспорты менән тоташтырыу өҫтөнлөклө йүнәлеш булырға тейеш.








Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Сафланырмы һауаң,  Сибай?

15.02.2019 - Йәмғиәт Сафланырмы һауаң, Сибай?


Ил тарихы Һеҙҙе күптән яҙҙы Хәтеренә беҙҙең быуаттың...

Яҡты ҡала – Лангепас

07.02.2019 - Йәмғиәт Яҡты ҡала – Лангепас


Ашығамын

07.02.2019 - Йәмғиәт Ашығамын


Тормошҡа айыҡ ҡарайыҡ!

05.02.2019 - Йәмғиәт Тормошҡа айыҡ ҡарайыҡ!


Ижади эштәрегеҙҙе  көтөп ҡалабыҙ!

В Башкирии массово эвакуируют школы и больницы. Что происходит?

Мортаза Рәхимовҡа "Башҡорт халҡының маҡтаулы аҡһаҡалы" исеме бирелде

Сибайҙа һауала зарарлы матдәләр дәүмәле кәмене

Общественники анализируют экологическую обстановку в Сибае

Каринэ Хәбирова «Тамыр» балалар һәм үҫмерҙәр телеканалында булды

Сибайҙың һауаһында нимә бар?